الموضوع: دعوة لمقاطعة معرض الاهرام للسيارات

المشاركة الأصلية كتبت بواسطة ahmadzowail

أنا شايف إن مفيش مشكلة إننا نتفرج و نشوف الجديد و نعرف الوكلاء بيفكروا إزاي و هل فعلا بدءوا يحسوا إن فيه مشكلة حقيقية و لا لسه نايمين على نفسهم ,
و كمان نعرف مدى تأثير المستهلكين (اللي هم إحنا)على السوق و على الأسعار
فالمرواح في حد ذاته مش مشكلة طالما كده كده محدش حايشتري

+100000000000

من المتوقع ان الزبون لو سأل التاجر اللي واقف في المعرض ايه اخبار الاسعار؟ لازم التاجر يرد عليه (وبكل ثقة) الاسعار مش هتنزل يابيه دي حتى يمكن تغلى في الفترة اللي جاية ... ده طبعا سيناريو لحوار متوقع بين البائع والمشتري في المعرض

ده فعلا اللي هيحصل فياريت محدش يروح من اصله هيبقى تاثيرها اشد عليهم من انهم يلا قو ناس في المعرض وهيحسو فعلا ان في ركود شديد
وبعدين صور الموديلات الجديدة موجوده على النت
خلونا نعمل اي حاجة ايجابية بقى من حقوقنا المهدرة في البلد دي

المشاركة الأصلية كتبت بواسطة mixd99999

ده فعلا اللي هيحصل فياريت محدش يروح من اصله هيبقى تاثيرها اشد عليهم من انهم يلا قو ناس في المعرض وهيحسو فعلا ان في ركود شديد
وبعدين صور الموديلات الجديدة موجوده على النت
خلونا نعمل اي حاجة ايجابية بقى من حقوقنا المهدرة في البلد دي

كلام صح مليون فى الميه .... مجرد ان هما ميلاقوش حد معبرهم حتى عشان يتفرج هيأكد لهم ان فعلا مجرد التفكير فى شرا عربية جديدة مش موجود أساساً و ساعتها اكيد التوكيلات هتعيد حساباتها

و يا سلام لو نعمل جروب تانى على الفيس بوك أو حتى ايفينت بمقاطعة معرض الاهرام للسيارات ده .... حد ممكن يلحق يعملهولنا ؟؟

بدأت الاستعدادات المكثفة لإقامة الدورة الـ16 لمعرض "فورميلا الأهرام 2009 في الفترة من 21 إلى 25 يناير المقبل في أرض المعارض بمدينة نصر.

وقد خصصت إدارة المعرض هذا العام قاعة مستقلة للسيارات ذات الدفع الرباعي 4X4 بمشاركة عدد كبير من الماركات العالمية مثل "تويوتا ، أودي ، لاندروفر ،شيفروليه ، سوبارو ، مرسيدس ، دايهاتسو ، سوزوكي ، أودي و فولكسفاجن".

كما يضم المعرض هذا العام قاعة مستقلة للصناعات المغذية للسيارات وقطع الغيار والاكسسوارات ومراكز معدات الخدمة والصيانة.

ولأول مرة في تاريخ المعرض الذي سيشهد عام 2009 دورته السادسة عشرة تخصيص قاعة للبنوك والشركات العاملة في توفير قروض السيارات وتسهيلات السداد والتي تمثل 50% من حجم مبيعات السيارات في السوق المصري.

كما يشهد المعرض أول مؤتمر ومعرض للقياس والمعايرة والجودة في قطاع السيارات من أجل وضع مواصفات ومعايير محددة لصناعة السيارات في مصر.

يذكر أن المعرض يقام تحت رعاية مؤسسة "الأهرام" وتنظمه شركة "آرت لاين" لتنظيم المعارض والمؤتمرات الدولية‏.

نفسي تكون المفاجأة الاكبر هي مقاطعة الجمهور للمعرض و خلوه من الزائرين