تقيم 51900 ك

**Ahmed_SpY** · 01-01-2009 07:08 PM

انا العربية عاملة 51900 الف و بقالها سنه و شوية

اول عيب ظهر هو ان لما بشغل اغانى ساعات الصوت يفصل و يجى تانى و ساعات يفصل مع المطبات او الحفر و لسه لحاد دلوقتى بتعمل كده بس انا مجربتش اصلحها اصلا لانها مش عامله تاثير جامد

تانى حاجة و دى من حوالى اسبوعين
لمبة check engine نورت و وديتها التوكيل و ظبطوها بالاجهزة و كان فى missfire و طفت بعد كدة و مكنش فيها حاجة يعنى

تالت حاجة بحس انها بتسحب بنزين كتير فى وسط المدينة

رابع حاجة لما بتشغل التكيف السحب بيبقى ضعيف اوى

مفيش اى عيوب تانى طبعا المميزات معروفة

العربية بصراحة عاملة معايا احلى شغل من حيث الشكل و السرعة و السحب و الثبااااااات و ملهاش حل فى الغرز بتاخد احلى غرز بثابات عالى جداااااااا

مقارنة العربية بالهوندا سيفك 2008 و المازدا 3 الجين 2 بتطلع منهم تمام

و احسن حاجة فيها ثباتها جامد جدا اتزحلقت بالعربية فى تراب على طريق على 150 بس عدلت بعد كده نفسها و كملت عادى لو كانت عربية تانية اى كلام كانت اتقلبت اقل شىء بجد العربية بالنسبالى تحفة

**ahmedsiyam** · 01-01-2009 07:13 PM

كلام جميل يا ابو حميد بس التقرير انا شايفه غير مثمر
انت لو اشتريت العربية لسه قريب يبقى ممكن التقرير بتاعك يبقى معقول انما لو انت شارى العربية زيرو يبقى يا معلم تقريرك على قده خالص و غير كافى
احنا عايزين تقرير دسم يا مان علشان نستفيد و نطمئن على عربياتنا

**Ahmed_SpY** · 01-01-2009 07:16 PM

اقول ايه تانى انا قولت على الحاجات اللى قابلتنى فيها من ساعت مشترتها
هى دى العيوب اللى حصلت معايا

مع العلم انا سواقتى كلها سريعة و بقرص على العربية جامد

**ahmedsiyam** · 01-01-2009 07:26 PM

انت شارى العربية زيرو و لا مستعملة
انا موش باشكك فى كلامك بس انت ماشاء الله اقل واحد قابل مشاكل فى العربية واعتقد انك جايبها مستعملة بعد لما صاحبها ظبط فيها كل حاجة و الله اعلم
عموما ربنا يباركلك فيها و اتمنى انك تنبسط بيها

**Ahmed_SpY** · 01-01-2009 07:27 PM

لا انا جايبها زيرو

**tutankhamoun** · 01-01-2009 08:17 PM

السلام عليكم
أولا ربنا يباركلك فيها و يستر طريقك
بالنسبة للصوت اللي بيروح وييجي مع المطبات ده راجع لنوعية الأسطوانة اللي مشغلها
يعني أن لما بكون مشغل أسطوانة أصلية الصوت عمره ما بيفصل
لو شغلت أسطوانة منسوخة ...... بيفصل ساعات لوحده و ساعات برضه بيفصل في المطبات

لي ملاحظة تانية على مقارنة تسارعها مع السيفيك و مع المازدا 3
مع المازدا 3 ........ معاك ... العربية بتطلع منها و ساعات ممكن يبقوا ماشيين مع بعض
إنما السيفيك .... السيفيك بصراحة بتطلع منها و ده طبيعي لقوة الموتور الأكبر في السيفيك

بالنسبة لثبات العربية و اتزانها
عايز أعلق على نقطة هنا مهمة و أعتبرها من أخ ليك
مش علشان العربية متزنة و ثابتة تستعملها في اذية الناس
لأن خلي بالك الغرز دي أذية ليك و للناس اللي حواليك في الطريق
ربنا يستر طريقك و يسترها عليك و علينا

و متشكرين يا أستاذ أحمد على التقييم خصوصا أن أنت عامل بالعربية فوق 50 ألف كم
و السلام عليكم

**Ahmed_SpY** · 01-01-2009 08:26 PM

السيفيك كانت اوتوماتك و طلعت منها اصل دى حاجة انا عاملها بنفسى لكن لو على طريق طويل السيفك هاتجبها بعد كده بس لحد ال 170 ماجبتهاش و الله

على فكرة انا خدت قرار انى ابطل الغرز لان بسببها كنت هعمل فعلا حوادث

شكرااا ليك يا مان