السلام عليكم
مش عارف يا جماعة أنا لحد دلوقتى مش أقادر أقتنع بشكلها الخارجى نهائى رغم إقتناعى بجودة منتجات دايهاتسو و الخدمة المتميزة لدى الوكيل .
الشكل يا جماعة بيفرق برضه فى السيارة .
عرض للطباعة
السلام عليكم
مش عارف يا جماعة أنا لحد دلوقتى مش أقادر أقتنع بشكلها الخارجى نهائى رغم إقتناعى بجودة منتجات دايهاتسو و الخدمة المتميزة لدى الوكيل .
الشكل يا جماعة بيفرق برضه فى السيارة .
هى من غير كلام إمكانيات و قيمه مقابل السعر مقارنة بالسوق و خدمة ما بعد البيع ..... مش ينفع تتقارن
لكن لو مش حابب شكلها أنصحك تشوف حاجة غيرها و لتكن التريوس أو الصنى أو الواجا ...طبعا هانرجع لطلباتك و ظروفك
ممكن تسرد إنت محتاج إيه بالظبط و إن شاء الله الكل هايساعدك بس تقول طلبك بالتفصيل يعنى :
لأسرة ولا ليك لوحدك ..... هاتبيع خلال قد إيه ..... يهمك الحجم .... تفاصيل يعنى
لما نزلت الناس اعدت تقول شكلها عاملها ذي عربيات نقل الموتي....بس بجد شكلها في الصوره غير علي الطبيعه تماما....تعتبر تحفه علي مواصفاتها...100 %عائليه....بصراحه شكلها صايعه :D ....شكلها عامله ذي نظام
ال pt cruiser و شكلها فخمه....و كفايه انها ياباني 100% و 1500 cc ....رأيي اللي عايز حاجه عائليه بجد يجبها......
شكرا ميمو لاهتمامك
العربيه طبعا لاسره... و مهم قوي انها تكون واسعه من جوه لاني بحب اسافر كتير بالعربيه مع الاسره .... واهم حاجه يكون التسارع بتاعها كويس جوه البلد لان هو ده السبب الرئيسي لتغيير عربيتي الحاليه اللي مفيها مشكله غير كده (خانقاني)..... ها ابيع خلال قد ايه دي بقه الله أعلم بس انا عموما بزهق بسرعه وبحب أغير بس ده يعتمد على حاجات تانيه كتير غير الزهق (انت اكيد فاهم :wink: ) .... كمان الاستابلتي مهم جدا لاني احيانا بأسخن واجري على الطرق السريعه ....
الماتيريا عاجبني شكلها جدا -- الشنطه بس انا حاسس انها ضيقه شويه و عدم تجربتها مخليني قلقان شويه
الواجا --- انا شايف انها مش وحشه بس بصراحه مش حابب شكلها هي من جوه جميله جدا بس من بره مش جايه داخلهع دماغي.
التريوس --- غاليه
الجين تو --- جميله بس مش واسعه
اللانسر --- من ضمن الاختيارات المطروحه(خليجي) بس انا مش بحبها.... خصوصا اني مش عايز اتوماتيك والمانيوال الكلاسيك فيها اوبشن كتير ناقصه وانا ما احبش كده.
الماتريكس ---- حلوه بس خايف من التوكيل بصراحه. وموضوع انها بقت عربيه حريمي (في الاغلب) مضياقني برضه
شكل كده في الاخر ها ادور على BMW 316 موديل 92 - 95 أيه رأيك
او سوزوكي فيتارا 2000 مثلا
ماذا تفعل لو كنت مكاني............................
ماذا تفعل لو كنت مكاني ...
اغرب تشبيه شوفته على العربيه غريبة الشكل دي كان من صديق أبن بلد شويه ولسانه زالف قاللي أنت عارف يا بايوو العربيه دي شكلها عامل زي ايه ؟
قلت له :- عامله زي عربية الحانوتي
قاللي :- لا دي عامله زي !!!!!!!! ههههههههههههههههه
تم حذف الجملة لردود بعض الأعضاء عليها وحتى لا يتم فتح كلام خارج نطاق الأدب العام
ابو عبدالله مشرف المنتدى
انت عارف المشكله في اللي يشتري العربيه دي انه لازم يستحمل الناس اللي لسانها زالف زي صاحبك كده ............
انا بقه ليه واحد صاحبي برضه لسانه زالف كل ما يشوف واحد راكبها يفتح الشباك ويطلع راسه ويبص للراجل ويقولو بعلو صوته وحدووووووووووووووووووه .... دنيا فانيا والزمن كباس...
شكرا يا باشا على الموضوع الجميل
سؤال للصديق العزيز مشرف ساحة دايهاتسو
هل كلمة السيده المطلقه أو (الست المتطلقه "بالعاميه") كلمه خارجه عن الاداب العامه ؟؟؟
سؤال أريد الأجابه عليه من فضلك
وإن تكرمت هل أستطيع أن استخدم كلمة السيده الأرمله ؟ أم انها خارج الأداب العامه كذلك؟؟؟
أم ان الموضوع طالما به أنثى أصبح عيب وحرام ؟؟؟
أرجو الرد
كل ما في الأمر ان الكلمة ولا هيا عيب ولا حرام ولكن في سياق الكلام المكتوب كان واضح انها يترمي الى معنى آخر اكيد غير مقصود ولكن ده أدى الى ان احد الأعضاء كتب تعليق لا يليق بالمنتدى
ولذلك حذفت الكلمه لأنها موضوعه في سياق يفهم منه كذا معنى ........
ولكن كان اول رد على الكلمة بالغلط
يا صديقي يبقى كان المفروض تحذف الرد إللي فيه غلط مش الكلام إللي أنا كتبتهاقتباس:
المشاركة الأصلية كتبت بواسطة أبو عبدالله
وكمان كان لازم تنوه عن المحذوفات في الساحه الخاصه بالمحذوفات بساحة المشرفين
وايضا أرى أنه لا يوجد أثر للردود التي بها فهم خطأ لمصطلح السيده المطلقه فمن المعروف أن السيده المطلقه تكون سيده كئيبه وحالها تعيس لما أحل بها من موقف صعب وهو الطلاق إذا السياره من وجهة نظر صديقي صاحب المصطلح يرى أن السياره كئيبه وتعيسه المنظر مثل السيده المطلقه على حد تعبيره