يا جماعه هو أنا ينفع اغسل موتور الانسر بالفوم ؟ وفين ألاقيه ؟ وهو فعلا مش غلط ولا إيه بالضبط ؟
عرض للطباعة
يا جماعه هو أنا ينفع اغسل موتور الانسر بالفوم ؟ وفين ألاقيه ؟ وهو فعلا مش غلط ولا إيه بالضبط ؟
بالفوم مش غلط بس مش مستحب، هو الموتور مشحم؟؟! "لأ طبعا :) " او متوسخ اوي؟؟ لو كدة ممكن تشتري الفوم بنفسك من المارت بتاع اي بنزينة محترمة واعي تستعمل مية نهائي، الموتور لسة جديد وحرام شوية مية يركنوا في اي حتة يصدوهالك.
لو الموتور علية تراب بس شوية هوا مضغوط ويمسحهولك بفوطة وخلاص.
طيب غسيل الموتور بالجاز اية مزاياه واية عيوبة؟
وهل لازم الواحد يغطي جزء معين في الموتور قبل الغسيل؟
شكرا
يا ريت لو ترجع شوية هاتلاقي الموضوع ده اتقال كتير وتاخد من كلام الاعضاء الخلاصة
مش بقطع عليك :mrgreen: :mrgreen:
بس كان الموضوع لسه مفتوح قريب ومش هاتلاقي ناس كتير تشارك دور شوية في صفحات المنتدي هاتلاقي كلام جامد ولو مالقتش قولنا نفيدك
الجاز مش زي المية في الصدي والبيتغطى هو الاسبياتير والموبينة بس دة في الغالب بيكون في العربيات القديمة لان الجديدة "مش كلها" بيكون لها اغطية محكمة.
الجاز هايلـــم و يجمع التراب على الموتور و لو هو نضيف هايخليه منيل بعد كام يوم
غسيل الموتور يا جماعه غير مستحب نهائى و يتنضف بالهواء و بس
يوم لما يكون فات سنتين على الأقل و متوسخ أوى أوى و مش قادر تسيبه كده بالفووم و إشترى الفوم بنفسك بتاع الموتور ذى ما نادر قالك تمام لأن المحطات بتعمل الصابون العادى فوم فى مكنة الفوم عن طريق الضغط مع الماء
المهم غسيل الموتور ده إعتبره محرم :) و ممنوع ده لو بتحب عربيتك
شكرا على النصيحة يا استاذ نادر ويا استاذ ميمو
. افادكم الله
علم وينفذ إن شاء الله
أنا كنت شارى فوم لغسيل الموتور من محطة بنزين من حوالى شهر و مكسل (أو متخوف) أستخدمه الى الآن عشان لقيت مكتوب عليه فى تعليمات الاستخدام انه يجب تغطية الأجزاء الكهربائية فى الموتور قبل استخدامه رغم انى كنت جايبه مخصوص عشان الأجزاء الكهربية بتتبهدل من الغسيل العادى حتى لو متغطية من تجربتى مع سيارتى السابقة ... و أنا دلوقتى عربيتى بقالها سنة و شوية مش راضى أقرب للموتور و طبعاً بقى عليه كومة تراب فظيعة!
انا شايف ان الهوا ائمن وسيلة لأن انا سمعت ان الفوم بيعمل مشاكل
طيب هل الهواء المضغوط ممكن يكون فيه أى خطورة؟ أقصد لو أجزاء كهربائية صغيرة أو كدة ممكن يتلفها؟