‏10 %‏ تخفيضا في جمارك السيارات الأوروبية كل عام بدأ من عام 2010

**mohelsherief** · 02-01-2009 04:31 AM

el 7ekooma hat3awadha b dareebet mabi3at

**Terrible_DaRsH** · 02-01-2009 04:32 AM

http://www.nilemotors.net/Nile/showt...ewpost&t=52845

**mo7a_mo7a** · 02-01-2009 04:39 AM

لا انا اقصد ان محدش يضمن الحكاية دى .. ممكن يلغوا الاتفاقية او يطلعوا اى قرار جديد يضمن لهم مكسبهم برده ..

لا طبعا الحكاية مش لعب عيال دي اتفاقية دولية موقعة من 10 سنوات وبتطبق تدريجي والغائها طبقا للقانون الدولي بمثابة اعلان حرب
والاتفاقية دي هي اللي بتسمح لمصر تصدر لاوروبا السلع الزراعية والمنسوجات والشيشة وخلافه ولو اتلغيت تبقي ليلتنا مش معدية
واحنا اللي حنخسر

و بالنسبة لموديلات 2009 فلو رخصت فهترخص علشان الازمة العالمية بس ...

لا حتبقي التخفيضات علي الوشين واللي حيشتري دلوقتي اكيد خسران

الانخفاضات هتبتدى من 2010 بقي وهتبقي حسب القيمة المخفضة من الجمارك .. شركات السيارات ملهاش دعوة بالحكاية دى اسعار السيارات ثابتة والجمارك هى اللى هتنخفض..

انا قصدت بالتخفيضات الخاصة بالشركات بالنسبة للاسيوي (الياباني والكوري والصيني ) اللي متشملهمش الاتفاقية
يعني مثلا كمثال الالترا الاتوماتيك بحوالي 110000 جنيه والابل فكترا ب 140000 حاليا لو فرض والابل وصل سعرها 115000 جنيه تفتكر كام واحد حيشتروا النترا؟؟؟؟؟؟؟؟؟؟؟؟؟؟؟
وخد بالك الخفض مش ال 10% بس لان الضرايب والرسوم بتتحسب علي السعر التراكمي يعني بيحط الجمارك علي سعر السيارة وبعدين يحسب الرسوم ويضيف قيمتها وبعدين يحسب الضريبة علي المجموع ويضيف قيمتها وهكذا...
فحتلاقي الخفض ال 10 % بياثر علي الرسوم والضرائب بنسبة اكبر واعلي لانها حتتحسب علب مبلغ اقل
فلو قلنا ان تكلفة جمركة عربية 1600 سي سي هي 61% من تمنها يبقي بعد الخصم ممكن توصل ل 50% يعني بنسبة خصم في المجموع 17% تقريبا

**mo7a_mo7a** · 02-01-2009 04:56 AM

المشاركة الأصلية كتبت بواسطة Terrible_DaRsH

اها ..
طب كده مصلحة للى عايز يشترى مستعمل ...
والمنافسة الحقيقية تبتدى من 2011
لان 20% مش زى 10% ...

طبعا اكيد وكله بالصبر
بس انا شايف ان ده حيرفع سعر المستعمل النضيف السنادي شوية
علي اساس اني مكن اصبر نفسي بعربية مستعملة سنة او 2 وبعدين اخش في واحدة جديدة بمواصفات احسن وسعر اقل

**blazer** · 02-01-2009 07:32 AM

الخبر مؤكد ان شاء الله
و مينفعش الحكومه تعوضها بضريبه مبيعات اى او ضريبه ترخيص او اى حاجه تانيه لان فى بنود للاتفاقيه تمنع اى حاجه زى كدا
بس هما ممكن يغلوا البنزين !!!!
واعتقد احنا هنبتدى نحس بنزول السعر حقيقى عام 2012 ان شاء الله
يعنى العربيه اللى جماركها 100 الف هتبقى 60 الف بس

**Nile Heart** · 02-01-2009 08:46 AM

والله انا كنت فكرت فى فكره ممتازه ممكن تريح تاكل

اللى عايز يرخص عربيه جديده اعلى من 1600 سى سى بجمارك مخفضه
لازم يكهن قصادها عربيه قديمه اكتر من 20 سنه
يعنى يروه يشتره اى سيات أو 128 او عربيه انتيكه من الأرياف
ويسلمها للحكومه تكهنها
وبكده الشوارع هاتنضف والعربيات مش هتزيد مطلقآ (حجة الحكومه)

لازم ياجماعه العربيات القديمه تتكهن بقى طالما الجمارك هتتشال نهائيآ
مش ممكن عربيات زباله من الستينات لسه ماشيه

**new** · 02-01-2009 12:03 PM

ذى كل مره !
بكرة يطلع جلال ابو الفتوح مستشار وزير المالية للجمارك وينفى حدوث اى تخفيضات جمركية على السيارات
(ذى مايكونوا مش عايزين يفرحوا الشعب باى حاجة)