هــــــــام جــــدا !! لكل الي بيشربوا حاجة ساقغة !!

اتا سف لأن الموضوع ملوش علاقة بالسيارات و لا يء , بس انا حلفت اني انشره في كل مكان ممكن !!

علشان السرقة و النهب خلاص ... طفحت يا جماعة ... و انا مش قادر بقى اعيش في البلد دي ..

امبارح صديق لصديق ليا اشترى زجاجة حاجة ساقعة ماركة كوكولا ! بتاعت نانسي عجرم الي بترقص عليها ..

المهم الراجل متوجه ناحية الفتاخة و في دماغه انه يشرب حاجة ساقعة في الجو الجميل بتاعنا ده !!
ولم يكن على باله انه حيشوف ...


فــــــــــــــــــار كــــــــــــــــــــــــ ــامل مــــــيت جوة القزازة
, كاملة و مقفولة من المصنع


مش حعلق و مش حشتم ..

الولد كلم البيت بيتك , قالولوا حنطلعك بس مش حنقول الماركة
و ادولوا نمرت عماد اديب علشان هو بس الي ممكن يطلعه

المهم الولد بعت e-mail
للشركة في امريكا ... بعد كام يمو جالوا واحد من شركة كوكالا مصر , و تحت امرك و نرضيك بس نشوق الزجاجة , الأخ المصري رفض , و طرد المسؤل من مكتبه.

ارجوا ان الناس تقاطع المشروبات دي ... و ياريت تنشره الخبر

الصور موجودة للأثبات بس ... انا اسف على الوضوع المقرف و اسف لو قلبت بطنكم ..



http://img180.imagevenue.com/loc162/..._123_162lo.jpg

http://img181.imagevenue.com/loc555/..._123_555lo.jpg

http://img175.imagevenue.com/loc433/..._123_433lo.jpg

http://img171.imagevenue.com/loc711/..._123_711lo.jpg

http://img43.imagevenue.com/loc651/t..._123_651lo.jpg]

طيب هو بعت الأيميل ليه مادام مش عاوز يتكلم معاهم و كمان حكاية انه طردهم من مكتبه محتاجة توضيح اكتر

الله المستعان

بس اقول حاجه بصراحه

احنا اللي عملنا في نفسنا كده بجد

للدرجة دى
يعنى كنا بنسمع على صراصير وحشرات
لكن فار بحاله يدخل جوا القزازة ويبعدى على كل الناس دى ومحدش يلاحظهم
وكالعادة مش حيحصل حاجة
بس فعلا الموضوع يستاهل يتنشر فى كل حتة نعرفها خاصة انها مش قصة جايلنا على الميل

لا حول و لا قوة الا بالله
الصراحة حاجة تقرف
مش عارف ليه بلدنا كده و اللا الظاهر احنا منستحقش اكتر من كده

علشان السرقة و النهب خلاص ... طفحت يا جماعة ... و انا مش قادر بقى اعيش في البلد دي .. ) (اقتباس )

طبعا انا لن اعلق على ما قلتة ولكن الامر لايخص مصر كلها علشان تطفش من البلد لكها ولكن يخص شركة امريكية يعنى لو طفشت وذهبت اليهم سوف تجد الفار وراك وراك !!!!!!!!!! واحنا عايزين ابناء مصر منورنها وامثالك وامثال من بالمنتدى هم من سيرفعون من شأن بلادهم بأذن الله
عموما لاتزعل لان الامر لايتعلق بهذه الشركة فقط ولكن بشركات كثيرة وللاسف لا ادرى اين التفتيش الصناعى والرقابة الخاصة بالاحياء وخلافة من مشتقات الرقابة فى مصر ، وفين بتوع الرقابة الصحية ؟
وطبعا لا عمرو اديب ولا اى برنامج يستطيع ان يظهر الزجاجة لان الشركة سوف ترفع عليهم قضية ويدخلوا فى متاهات وخلافة ولكن لا اقول غير حسينا الله ونعم الوكيل

اقتباس:

---

المشاركة الأصلية كتبت بواسطة Hossam Hassan

طيب هو بعت الأيميل ليه مادام مش عاوز يتكلم معاهم و كمان حكاية انه طردهم من مكتبه محتاجة توضيح اكتر

---

هو بعت للشركة علشان افتكر ان الشركة حتعرف تتصرف معاهم كويس او للتحذير .. انما الي حصل ان الشركة كانت عايزة تشتري الزجاجة منه


طرد المندوب الي جه لأنه اتهمه ان هو الي حاطط الفار في الزجاجة لما رفض يواريهاله .. وعلى فكرة لما رجع لصاحب الكشك , قالوا ان دي مش قول مرة , و انه دايما يرجعلهم القزايز البايظة بيدولوا بدلها كم كرتونة هدية .

اقتباس:

---

المشاركة الأصلية كتبت بواسطة محمد المشد

علشان السرقة و النهب خلاص ... طفحت يا جماعة ... و انا مش قادر بقى اعيش في البلد دي .. ) (اقتباس )

طبعا انا لن اعلق على ما قلتة ولكن الامر لايخص مصر كلها علشان تطفش من البلد لكها ولكن يخص شركة امريكية يعنى لو طفشت وذهبت اليهم سوف تجد الفار وراك وراك !!!!!!!!!! واحنا عايزين ابناء مصر منورنها وامثالك وامثال من بالمنتدى هم من سيرفعون من شأن بلادهم بأذن الله
عموما لاتزعل لان الامر لايتعلق بهذه الشركة فقط ولكن بشركات كثيرة وللاسف لا ادرى اين التفتيش الصناعى والرقابة الخاصة بالاحياء وخلافة من مشتقات الرقابة فى مصر ، وفين بتوع الرقابة الصحية ؟
وطبعا لا عمرو اديب ولا اى برنامج يستطيع ان يظهر الزجاجة لان الشركة سوف ترفع عليهم قضية ويدخلوا فى متاهات وخلافة ولكن لا اقول غير حسينا الله ونعم الوكيل

---

شكرا يا اخ محمد , انا مش حسيب البلد ولا اي حاجة لس انا كنت خارج عن شعوري جدا !!!
مش ممكن يا جماعة .. البنزين , الماء , الفراخ و اللحوم الغير آدمية ! و المشروبات الغازية ..
حتى اشتراكات ال ADSL الجديدة الي حيفرضوها ! !

هو في ايه ؟؟؟؟

شركة امريكية , شركة هندية ... حتى لو شركة اسرائيلية ! كانت تتقفل في اسرائيل لو حصل كدة , الرك مش على الشركة , الرك على الي بيراقب الشركة و مقعدها في بلدك

السمكة تفسد من رأسها

بعيد عن الموضوع ليا عندك طلبين :

1- أنا عدلت الموضوع عشان الصور الروابط إللى كانت عليها بتفتح على موقع عليه porno ads ياريت ترفعها على موقع تانى - أنا واثق إنك مخدتش بالك لأنها إعلانات صغيرة و أكيد بتتغير

2- تأكدلنا الكلام ده منقول ولا ده صديق ليك فعلا تعرفه و شوفت الزجاجة بعينك ولا إتحكى ليك ؟؟؟؟

انا اسف جدا ماخدتش بالي , انا عادة بستعمل IMAGESHACK بس كسلت أطلع صورة صورة , المهم سوف اقوم بالنقل بس كمان ساعة او حاجة , يا ريت لو حد عرف في الفترة دي ينقلها .

بالنسبة للموضو , انا ذكرت انه صديق لصديقي , و الفي الواقع هو اعد معايا هنا و معاه الديجتال كاميرا و الصور موجودة 32 صورة بدرجة نقاء عالية 3200x2400 و لكن انا صغرتهم علشان المنتدى , وانا اتأكدت اكتر من مرة منه علشان حتى مضيعش وقتكم .

ولو عايزين جميع الصور الكبيرة , ممكن استأذنه و اخدها منه

تعديل : انا حطيت الصور في .rar و موجود على لينك رابيدشير
ارجوا من لمن اطلع على اي اعلان مخل , ان يتقبل اعتذاري .

http://rapidshare.com/files/48517151/coke.rar.html

شكرا يا أستاذ ميمو , و انا مقدر ليك و الي انت بتعمله .

لا حول و لا قوه الا بالله , ادى اخره الفساد اللى ملى البلد دى و لا فيه رقيب او حسيب :x :x :x :x :x :x :x :x :x :x :x :x

تعرف ليه الابل باى اللى موجوده فى مكدونالدز مكتوب عليها المحتويات ساخنه ؟؟
عشان واحده فى امريكا اشترتها و اتحرقت و المحكمه عوضتها ب6 مليون دولار بجد مش هزار

تخيل لو رفع قضيه على الشركه هناك كانوا حيدوه كام ؟؟ :twisted: بس الغريب ازاى فار يدخل جوا الاقزازة ؟
سبحان الله و انا لو منو بصراحة ابعت ايميلات تهديد للشركه انى حرفع قصيه فى محكمه امريكيه :mrgreen: و حعرضها فى جميع وسائل الاعلام فى الدول العربيه

يا جماعه لازم تصدقوا الراجل صاحب الموضوع

هاتقولولي ليه لازم يا بايوو ؟؟؟؟

هاقول لكم عشان موضوع الفضلات والحشرات مش جديد على أعادة تعبئة الزجاجات في الشركه دي وغيره وكمان أنا رافع قضيه على نفس الشركه ولنفس السبب

أنا القضيه بتاعتي رقمها 1658/2005 جنح العبور (محكمة الخانكه)

وأخدت حكم على الشركة الحكم بيقول (سجن سنه و 10000 جنيه غرامه)
لا أنا عارف مين إللي هايتحبس سنه ولا حتى مين إللي هاياخد العشرة ألاف جنيه http://www3.0zz0.com/2007/06/20/04/71671217.gifhttp://www3.0zz0.com/2007/06/20/04/71671217.gifhttp://www3.0zz0.com/2007/06/20/04/71671217.gifhttp://www3.0zz0.com/2007/06/20/04/71671217.gif
ولما سألت المحامي بتاعي قاللي الحكم بالحبس لرئيس مجلس أدارة الشركه (طبعا كلام مايخشش العقل) والغرامه الحكومه هيه إللي هاتخدها وأحنا بناء على الحكم ده نرفع قضيه تعويض

المهم القضيه أتعمل فيها معارضه من الشركه وأتأجلت ومن يومها وأنا مش عارف الموضوع وصل لأيه؟http://www3.0zz0.com/2007/06/20/04/71671217.gif

لكن أنتم فكرتوني أني لازم اتابع تاني وأتصل بالمحامي دلوقتي حالا

بايوو ... شكرا للتأكيد !!

الغرامة للحكومة ؟؟
ليه ؟

يا جدعان... ما علينا !!!
!!!

المهم قولي عملت ايه يا بايو , و ياريت باقي الناس ينشروا الخبر و الصور

شكرا يا أخ CryptonX على نشر الموضوع و التحذير , أعوذ بالله و حسبى الله ونعم الوكيل , أحسن حاجة بلاش شرب من الزجاجات و أحسن و أصح حاجة بلاش شرب مياه غازية من أصله! :)

والله مستبعدش حاجة زي دي انا نفسي شفت ازازة فيها كبل كهربة مصدي عادي يبقي انت اكيد في مصر. :?

من أكتر من 10 سنين كان فى تحقيق فى الوفد أو الأهرام مش فاكر عن شركة مياه غازية لم يتم ذكر اسمها كان فى احدى زجاجتها موس حلاقة!! و كانت الصورة مش واضح فيها ماركة الزجاجة لكن كان نفس شكل الكوكاكولا ... واضح انهم تطوروا من الأمواس الى الصراصير الى كابلات الكهربا الى الفئران!!! أو يمكن دة كان عرض خاص فار هدية مع كل زجاجة!!!

الحقيقة أنا بقالى مدة كبيرة جداً جداً مبشربش مياه غازية الا بس بين الحين و الآخر لو معزوم عند حد و ألح انى أشرب ... و مش حاسس بأى نوع من الحرمان أو الاشتياق ليها خالص بل بالعكس ... كدة كمان بنتى الصغيرة و الحمد لله مش بتتقبل طعمها أصلاً لو حاولت تشربها فى أى حتة ... العصائر الطبيعية أحلى و أفيد بكتيييير

الحمد لله مليش في الحاجة الساقعة

كان معايا زجاجة سفن اب فيها بض صراصير كتير
وصلتني من ست غلبانة
وكنت هارفع بيها قضية عليهم وبعتولي ناس يدوني فلوس وكروت شحن(شوفتوا السذاجة)
بس قدرا اتكسرت قبل ماعمل بيها حاجة

المهم نصيحة لو مش قادر تبطل الزفت اللي اسمه مشروبات غازية بكل اضرارة
حاول ماتشربش اي حاجة في اعادة تعبئة في مصر :cry: :cry: :cry: :cry: :cry: :cry:
نهائي
لو ماخلصتش من الفيران هاتلاقي صراصير او فيروس سي كبد وبائي
ان ماكنش امراض تانية كتييييييييييييييييييييييي يييييييييييير

يبقي انت اكيد اكيد في مصر


علي الهامش
زوجتي لا تسمح مطلقا بدخول تلك المشروبات الي المنزل وطبعا معاها حق :oops: :oops: :oops: :oops: :oops: عشان الاطفال ما يتعودوش عليها
ولو في زيارة خارجية لاحد ترفض تماما انها تشربها او تشربهالهم مهما تسبب ذلك من احراجي او احراج المضيف :oops: :oops:

اما لو نسيت وجبتهم البيت ونسي اخليهم في شنطة العربية :wink: بيكون مصيرهم تنظيف التواليت بيهم او حوض المطبخ :evil: :evil: :evil: :evil: :evil:

طب والله هايل !!

يا ريت بيوت مصر كلها تعمل كدة !

انا بصراحة مدمن مشروبات غازية من الصغر , بس نفسي اتغمت دلوقتي و مش عارف بقى اخليني في الفيروز و لا كفاية كباية المياة مع القهوة الزيادة عللا القهوة ! :)

واذا كان ده حال مصنع من المصانع امال الزفت الشيشة الي بنشمها محطوط فيها ايه ؟؟؟

المهم يا بايوا انك متنرفزشي نفسك وتشد شعرك يا راجل بالمنظر ده كده علشان زجاجة الكاكولا دي وربنا هيكرمك ان شاء الله واحنا معاك يا باشا في قضاياك اذا كانت مع كوكاكولا او شيري ويا قلبي لا تحزن

بيب بيب بايـــوووووووووووو :mrgreen: :mrgreen: :mrgreen:

بجد دي قوانين غريبه, اذاي لما واحد يقتل او يسرق تكون صورته و اسمه في واجهه الجرائد و المجلات و ده قتل او سرق واحد بس!!!!!
لكن القتل العمد للجمهور متمثل في اكل منتهي الصلاحيه او تكرار حدوث نزله معويه من اكل محل معين فا ده ممنوع نشر اسمه !!! , بحجه ان دي حادثه عرضيه او حرام نقطع اكل عيشه فا ده كلام عقيم لان الرزق من عند ربنا و لازم الواحد يراعي ربنا في اكل عيشه, مش يبقي معندوش ذمه و لا ضمير و نحميه باحجج الواهيه دي
امال تهم ذي القتل العمد مع سبق الاصرار و الترصد تليق بمين؟!!!!
انا بجد قرفان من كل اللي بيحصل ده و مستغرب علي اللي بيعملو كده او بيسهلو الهروب من العقاب للناس دي, اقل حاجه ممكن حد من اهله و احبابه يتعامل مع نفس المحلات او المنتجات ولا هما بياكلو و يشربو من بلاد بره هما و اهلهم؟!!!
و ربنا يعفينا من البلاوي اللي بقت اكتر من المطبات في الشوارع

• حسبى الله ونعمة الوكيل فى كوكاكولا وبيبسى وكل شركات المياه الغازية
  
  وبعدين كنت قولت ان الكشك اللى اشترى منو بيقول ان ديه مش اول مرة
  
  وحصلت قبل كده كتير الراجل ده على فكرة شكلو هو اللى بيحط الفيران ديه
  
  علشان يدولو صناديق كتييييييير وبكره نشوف قطط فى الازايز مش فيران
  

يا جماعه أنا من فتره جامده قرأت فى جرنان الجمهوريه ( أيام ما كنت بقرأ جرايد ) إن فى واحده ست اشترت لتر بيبسى من السوبر ماركت و تخيلوا لقت أيه جوا ؟؟؟ لقيت تعبـــــــــــــان كامـــل لافف نفسه فى اللتر من تحت .. الموضوع ده كان مكتوب في الجرنان انه حصل فى بولاق الدكرور .. المهم الست راحت فرع الشركه فى مصر عشان تشتكى راحوا عرضوا عليها 100 ألف جنيه عشان ما ترفعش قضيه على الشركه الست رفضت الفلوس و راحت لجرنان الجمهوريه اشتكت ....
لا تعليـــــــــــــــــــــ ــق

اقتباس:

---

المشاركة الأصلية كتبت بواسطة oshy

يا جماعه أنا من فتره جامده قرأت فى جرنان الجمهوريه ( أيام ما كنت بقرأ جرايد ) إن فى واحده ست اشترت لتر بيبسى من السوبر ماركت و تخيلوا لقت أيه جوا ؟؟؟ لقيت تعبـــــــــــــان كامـــل لافف نفسه فى اللتر من تحت .. الموضوع ده كان مكتوب في الجرنان انه حصل فى بولاق الدكرور .. المهم الست راحت فرع الشركه فى مصر عشان تشتكى راحوا عرضوا عليها 100 ألف جنيه عشان ما ترفعش قضيه على الشركه الست رفضت الفلوس و راحت لجرنان الجمهوريه اشتكت ....
لا تعليـــــــــــــــــــــ ــق

---

• مهما ترفع قضايا مهما تعمل مش هتاخد حق ولا باطل فى البلد ديه
  صحيح انا سمعت اخبار كده ان ابو الهول مات
  :wink:

إنت متأكد يا سوكاسون من موضوع موت أبو الهول ده :?:
ياريت تبعتى على الخاص لو متأكد علشان أروح أعزى فيه :twisted:
:lol: 8) :lol:

:mrgreen: عادى يا جدعان واية المشكلة فار هو الازازة ... دة علاشان يحلى النكهة .. وتبقى مظبوطة ..... من اكتر من 10 سنين والدى كان لسة حيشرب بيبسى .. لقى فى قعر الازاى قرص كيتو بتاع النامووووس . :shock:


..

الفكرة يا جماعة محدش نهائى يشرب حاجة سقعة فى العبوات الزجاج الى بتعاد تعبأتها ( الصاروخ , او اللتر ) .. لانها مش بتبقى معقمة كويس .. بعيد بقى عن موضوع الفران والحشرات والكلام دة .. يعنى حتى لو شكل الازازة .. فأنتا ماتضمنش انها اتعقمت قبل ماتتعبأ



مع التحذير ان المشروبات الغازية مضرة بالصحة ... بس انا بقول للناس الى ماتقدرش تستغنى عن المشروبات الغازية ( انا من الناس دية ) .. خليك فى احسن الوحشين .. الكانز او العبوات البلاستك ...

انا حرجع من قرايه الموضوع
لك الله يا مصر

اقتباس:

---

المشاركة الأصلية كتبت بواسطة MohabSaeed

:mrgreen:
الفكرة يا جماعة محدش نهائى يشرب حاجة سقعة فى العبوات الزجاج الى بتعاد تعبأتها ( الصاروخ , او اللتر ) .. لانها مش بتبقى معقمة كويس .. بعيد بقى عن موضوع الفران والحشرات والكلام دة .. يعنى حتى لو شكل الازازة .. فأنتا ماتضمنش انها اتعقمت قبل ماتتعبأ



مع التحذير ان المشروبات الغازية مضرة بالصحة ... بس انا بقول للناس الى ماتقدرش تستغنى عن المشروبات الغازية ( انا من الناس دية ) .. خليك فى احسن الوحشين .. الكانز او العبوات البلاستك ...

---

لو بتتكلم عن التعقيم بمعناه العلمي ( التطهير بمعني لا يوجد ميكروبات تزيد عن الحد المقبول صحيا) فلا يوجد هذا التعقيم في الزجاجات البلاستيك و لا الكانز و لا أي عبوة ...غير عبوات العصائر و اللبن (multilayer package) و التي بتحتوي علي 7 طبقات للعزل الكامل عن الهواء و لهذا لا تحتوي علي مواد حافظة و بالمناسبة هي مستوردة و لاتصنع في مصر حتي الان
و بالنسبة للكانز فيستخدم في لحامه عنصر الرصاص و الذي يذوب مع الأستخدام خصوصا أن محتوي الحاجه الساقعة حامضي بل شديد الحامضية و الرصاص من العناصر الثقيلة التي لها تأثير مدمر علي الأطفال خصوصا (نقص معدل نمو المخ , و غيره) كما يقلل من الخصوبة و العقم و هو من العناصر الممنوعه عالميا بمعدل أعتقد لا يزيد عن 5ppm 8) (مش متأكد من الرقم) يعني الفار أرحم :D

يا اخواننا ايه المشكلة؟

الفار ده جزء من مسابقة الشركة عاملاها، و اللى يجمع 5 فئران يكسب مدفن لوكس. :evil: :evil: :evil:

يا ريت لو حد شاف على النت او حد كان شغال في احدى شركات المياه الغازية يقول لنا ايه هي طريقة تنظيف الزجاجات واعادة ملأها :

يعني هما بترجع لهم الزجاجات المستخدمه
بتدخل خط تنظيف أولي ثم ثاني ثم مثلا تطهير وبعدين تعبئة

طيب لو الزجاجة اساسا كانت مشروبة في كشك في الشارع وبعد الشرب كان باقي فيها شوية وحول الكشك اشجار وجنينة (ده طبيعي جدا) يعني حشرات وزواحف - تقوم الحشرات والزواحف تدخل الزجاجة وبعدين صاحب الكشك يسلمها للعربية ومنها للمصنع

تقوم الزجاجة تدخل مراحل التنظيف بس لو فيها حاجه مزنوقة - زي صاحبنا - ما هو مش هيطلع انما مهما دخل مراحل تنظيف هيفضل مزنوق جوا لغاية لما يتعبى ويتقفل تاني ويتوزع

انا مش بادافع عنهم انا بافكر معاكم تفكير منطقى الكلام ده حصل ازاي والمشكلة حصلت امتى

المشكلة طبعا ان لازم يكون فيه خطوة مراجعة بشرية للزجاجة بعد تنظيفها في مراحل التنظيف المختلفة وقبل اعادة تعبئتها للتأكد من خلوها من اي حاجه كده ولا كده