الجرايد غليت

**asbeats** · 02-01-2009 03:07 PM

المشاركة الأصلية كتبت بواسطة EMSadeck

والله الفكرة دي ممتازة

أنا مش عارف ليه بيغلوها؟؟ يعني كل حاجة بترخص سواء اسعار الورق أو الأحبار أو تكاليف الشحن يبقى ليه تغلى دلوقتي؟؟؟
وبعدين مش كان أحسن لو قالوا الكلام ده قبل تنفيذ القرار ولا لازم يعملوها مفاجئةع الصبح؟؟؟

صحيح كل الأخبار موجودة ع النت والفضائيات بس برضه الجورنال الورق له طعم تاني

تفتكروا ممكن نعمل حملة فعلا لمقاطعة الجرائد "تحديداً العدد الأسبوعي بعد ما سعره ارتفع" تفتكروا هل ده حل ولا مش هانقدر نتفق؟؟؟

بص هوا الجرنال له طعم تاني صحيح بس بصراحة احنا لازم نفوق لنفسنا بقه,بقالنا سنين عمالين ناخد فوق دماغنا ومبنقولش حتى "آي"
أصل طول ما احنا ساكتين العالم دي هتسوق فيها

انا ان شاء الله هقاطع أي حاجة سعرها يغلى واللي عاجبه انه يتنصب عليه هو حر

قبل كده في عز الولعة راحوا مغليين سعر الحاجة الساقعة بدون اي داعي ولسه لحد النهارده غالية

الحاجة اللي تعتبر كماليات في حياتنا زي الجرايد-مش الكتب طبعا- لو غليت يبقى بناقصها بس ياريت الناس تفهم وتستوعب وتعمل زي ما أي شعب في العالم بيحترم نفسه بيعمل...

**elmadawy** · 02-01-2009 03:11 PM

خليها تولع

**احمد عز** · 02-01-2009 03:15 PM

لو حد عنده كشك بتاع المرتجعات بتاعت الجرايد فى المنطقهاو ممكن تسال بتاع الجرايد الكشك ده فين وا ستبدلو الجرنان القديم بواحد بتاع اليوم الجديد ويدفع 25 قرش والعدد الاسبوعى 50 قرس كده احسن بكتير احسن لمى تكوم جرايد وتديهم لبتاع الروبابكيا شويه جرايد اد كده بجنيه ولى حاجه

**ahit** · 02-01-2009 03:22 PM

السلام عليكم و رحمة الله و بركاته

فعلاً شىء غريب و ليس له مبرر , الأسعار فى العالم كله بترخص مش بتغلى و لكن دا دليل قوى جداً على أن الأسعار فى مصر مش هاترخص لأن فى مصر اللى بيغلى ما بيرخصش.
و كمان الكهربا و الميه غليو
ربنا يرحمنا برحمتو

**asbeats** · 02-01-2009 03:37 PM

المشاركة الأصلية كتبت بواسطة ahit

السلام عليكم و رحمة الله و بركاته

فعلاً شىء غريب و ليس له مبرر , الأسعار فى العالم كله بترخص مش بتغلى و لكن دا دليل قوى جداً على أن الأسعار فى مصر مش هاترخص لأن فى مصر اللى بيغلى ما بيرخصش.
و كمان الكهربا و الميه غليو
ربنا يرحمنا برحمتو

يظهر انهم (هما مين دول؟) بيحاولوا يطفشونا من البلد

بس احب اطمنهم اننا قاعدين على قلبهم ليوم الدين ان شاء الله

**lancerevolution** · 02-01-2009 03:43 PM

انا بردوا صدمت و أنا بجيب الجرنال قولت ممكن معاه ملحق كدا ولا كدا بس قريت خبر فى مربع صغير إنها غليت

**mohamed2002** · 02-01-2009 03:52 PM

بجد تهريج ,اية اللي غلي,الورق ولا الاحبار ولا اية ؟ في ظل الازمة المالية العالمية كل حاجة بترخص ,عندنا لا العربيات منزلتش بنسبة معقولة ,الجرايد غليت ولسه !!

**إبراهيم.صادق** · 02-01-2009 03:58 PM

المشاركة الأصلية كتبت بواسطة asbeats

انا ان شاء الله هقاطع أي حاجة سعرها يغلى واللي عاجبه انه يتنصب عليه هو حر

اقترح على الأخ "thatha" صاحب الموضوع انه يضيف استفتاء للموضوع على مقاطعة العدد الأسبوعي للجرائد القومية ولو جاءت نتيجة الاستطلاع مؤيدة للفكرة ممكن نبتدي ننشرها بشكل منظم وفعال حتى تؤتي نتيجتها

ما أخشاه سيدي الفاضل ان انا وحضرتك مثلا نقرر نقاطع لوحدنا فتبقى النتيجة لاشيء

**إبراهيم.صادق** · 02-01-2009 04:01 PM

المشاركة الأصلية كتبت بواسطة احمد عز

لو حد عنده كشك بتاع المرتجعات بتاعت الجرايد فى المنطقهاو ممكن تسال بتاع الجرايد الكشك ده فين وا ستبدلو الجرنان القديم بواحد بتاع اليوم الجديد ويدفع 25 قرش والعدد الاسبوعى 50 قرش

انا اول مرة اسمع الموضوع ده هل ده نظام رسمي معمول به ولا حضرتك تقصد ايه؟ ده لو كده تبقى برضه قكرة ممتازة

**TaoTao** · 02-01-2009 04:13 PM

دول عايشين في البالوظة .. يغلوها ليه؟

ع العموم بلاها جرايد وخلينا ع الإنترنت أما نشوف

الموضوع: الجرايد غليت

LinkBack

أدوات الموضوع

عرض

-

-

-

-

-

-

-

المواضيع المتشابهه

خبر لسه مانزلش الجرايد

طقم الجرايد بتاع الماتريكس

مهندسين بروتون بيكتبوا في الجرايد

بكام طقم الجرايد

مطرح اللزق بتاع الجرايد - اشيلة أزى ؟

الكلمات الدلالية لهذا الموضوع

المفضلات

المفضلات

ضوابط المشاركة