ماهي مميزات و عيوب السوزوكي سويفت

**a_aboelseoud** · 19-01-2009 12:23 AM

هو ليه الكل بيتكلم عن ان السويفت بتعوم بعد ال120 او لا !!
اولا دى عربية مش مركب.
ثانيا هو لو كل واحد حسب هو بيعدى ال100امتى مش هيلاقى اللحظة السعيده دى بتزيد عن 10% من اجمالى وقت القياده خصوصا الصبح حتى على الطرق السريعة.
3-بخلاف العوم و المياه اللى بنتكلم عنهم فيه حاجات تانيه حلوه جدا فى السويفت و خصوصا الهاتش باك لانى معايا العربية دى و هى :
اقتصاديه فى البنزين جدا- قطع غيار ببلاش -صالون واسع جدا لدرجة ان اكتر من واحد لما بيقعد ورا سالنى انا ليه مطلع الكراسى الاماميه لقدام رغم انى مش مطلعها و لا يحزنون-يابانى -مكيفة-موتور قوى رغم انه 1000 بس -أى ميكانيكى يقدر يصلحها لو عطلت لا قدر الله فى اى مكان -فيه منها اوتوماتيك كتير جدا و دى حاجة انا مكنتش مصدقها لحد ما شفتها بعينى

**mnp** · 02-02-2009 11:08 PM

احبائى منورين المنتدى واسال الله ان ينفع بكم جميعا وااستاذنكم فى بعض الاسئله لو سمحتم اولا: انا اشتريت سوزوكى سويفت موديل94 والمفترض على حد علمى انه بها تكييف وسنتر طبعا مافيها غير تكييف مروحه وانا الاركبتلها سنتر مع انى صديق لى قالى ان مويل94 او93 بتبقى نزله بالتكييف والسنتر ارجوا الافادة
ثانيا : بالنسبه للمساعدين الامامى انا لسه مغيرة بواحد kyp وسعر 520 جديد طبعا فهل سعرة مناسب ولا اقل من كدة
ثالثا: العربيه لما بحمل فيها اشخاص اثنين او ثلاثه بتهبط جامد وبتحك من تحت فهل هذى الحكه تعيب السيارة وماذا افعل لانى بسب هذة الحكه غيرة مساعدين امامى وخلفى والعيب لسه موجود واسف على الاطاله افيدونى جزاكم الله خيرا

**ahmadbebo** · 10-02-2009 08:33 AM

walahy el3arabaya deh gamda gedan ana sa7ab warash kebera awe fe el 7arafeeen ana barkab 3arabayaat keter mastraya7tesh ela fehaaaaaaaa

**sss2000** · 15-02-2009 11:13 AM

عليك وعلي تغيير السوست باخري من نوع انشف زي الادا او المرسيدس
في زميل في المنتدي عمل كدة والعربية مبتهبطش معا اقرا هذا الموضوع
لان المشكلة بتكون سوست وتاكد ايضا ان هناك صدادات في المساعدين الخلفي لان دول بيمنعوا المساعد ينزل للاخر عند الحمل وبعدين في ميكانيكي كويس في المطرية اسمة خالد عند سنترال المطرية وهوا شغال في توكيل سوزوكي وامين جدا وممتاز انا شخصيا جربتة وربنا يوفقك

**aymoonoo** · 17-02-2009 11:02 PM

بنسبه لللأسعار 500 المساعدين انا كنت شريتهم من تقريبا 3 شهور وانا لما شريت العربيه فيها سنتر وكيفه وانا الي مايه 93 ياباني بس المصيبه العفشه بتخبط قوي وانا من النوع الي مش بهدي على الحفر وكدهز

**mokhtar** · 19-02-2009 08:39 PM

العربيه دى اعتماديه جدا جدا جدا من الدرجه الاولى هى السياره الاكثر انتشارا عندنا فى دمياط معظم التاكسيات هنا سويفت وبقالها حوالى 10 سنين ومستحمله ومبتقولش لا ناعمه جدا وصيانتها سهله ومش معقده وقطع غيارها معقوله ومنتشره ..واهم حاجه فيها انها موفره جدا فى البنزين بطريقه فظيعه الصفيحه ممكن تعدى ال350 كم وحسب طريقه السواقه وبتاخد بنزين 80 من غير اى مشاكل
لحد 94 كانت بتنزل يابانى بتكييف وRBM وبعد مده اتجمعت فى مصر ومن غير تكييف ولا RBM ومش بيفرقوا كتير عن بعض بس بجد عن تجربه ناس كتير اصدقائى واقارب عندهم السويفت عربيه تشيلك على راسها

..mokhtar..

**Viper911** · 20-02-2009 02:49 AM

المشاركة الأصلية كتبت بواسطة mokhtar

العربيه دى اعتماديه جدا جدا جدا من الدرجه الاولى هى السياره الاكثر انتشارا عندنا فى دمياط معظم التاكسيات هنا سويفت وبقالها حوالى 10 سنين ومستحمله ومبتقولش لا ناعمه جدا وصيانتها سهله ومش معقده وقطع غيارها معقوله ومنتشره ..واهم حاجه فيها انها موفره جدا فى البنزين بطريقه فظيعه الصفيحه ممكن تعدى ال350 كم وحسب طريقه السواقه وبتاخد بنزين 80 من غير اى مشاكل
لحد 94 كانت بتنزل يابانى بتكييف وRBM وبعد مده اتجمعت فى مصر ومن غير تكييف ولا RBM ومش بيفرقوا كتير عن بعض بس بجد عن تجربه ناس كتير اصدقائى واقارب عندهم السويفت عربيه تشيلك على راسها

..mokhtar..

الله ينور عليك .......

**aymoonoo** · 23-02-2009 04:52 AM

لا انا اختلف معاك على البنزين انا البنزين عندي بيخلص بطريقه خياليه انا اخري اربع ايام ويخلص وعندي مشكله لما ابطل العربيه العربيه بتقعد ترعش وتطلع صوت وبعد كده بتبطل بعد ما يطلع صوت زي ببببببش كده ولو هيا بتعمل كده انا رجهت المفتاح الموتور بيشتغل من غير حتا مدور ولا اي حاجه انا رحت عالميكانيكي اكتر من 6 مرات وكل مره يقلي زيادة كهربه ويوطيهالي وترجع بعد 3 ايام بالظبط بعدين بقيت امل ارحلو كل شهر مره ولما ترجع بنفض عشان بقيت اقرف كل شويه عنده وبعدين من يومين رحت على واحد فالدقي قالي ده الكاربياتير عايز يتنضف وبعدين بتزبط هوا الكربياتير ده يأثر وبيخلي العربيه تعمل كده وبرضو تصري بنزين كده ؟

**wasta** · 28-02-2009 12:05 PM

عربيه جامده آخر حاجه أنا كان معايا 128 بردوه وغيرتها بسويفت بصراحه فرق شاسع بس العيب اللى ظهر قدامى إن السقف بيزعل من الميه قوى يعنى متغسلهاش

وربنا يوفقك ويوفق الجميع

**anwarnono** · 03-03-2009 05:35 PM

السلام عليكم اخى الكريم
انا قرات انك تمتلك سويفت وبتوصل لحد 150 بدون عومان.
انا ايضا امتلك نفس السيارة بحالة فوق الممتازة ومركب كاوتش 175/70-13
ومركب عفشه بالكامل جديدة ويابانى اصلى ومركب العليات الاصليه يعنى مش معلى العربيه خالص ،بس بعد ال 120 بتعوم بس بشكل كبير علشان كدة مابرضاش ازود،وسؤال اخر عند ال 120 بيكون rpm عند 3.5 على الخامس طبعا انتا بتوصل ال 150 ويكون rpm بتاعك كام,