## صيــــــانــة مش جــايــبــه هـــمـهـا 420 جنية فى الهـــوا ##

**theking2690** · 04-01-2009 06:33 AM

المشاركة الأصلية كتبت بواسطة kahamid

يعني هو بياخد حق الصيانتين ال 10 وال 15 مقدم

كلام حضرتك مظبوط

**ahmedfd** · 04-01-2009 08:36 AM

المشاركة الأصلية كتبت بواسطة som3aa

هو دا عرض صيانة عليك و صيانة علينا؟؟
يعنى حضرتك هتدفع فى صيانة ال15000 و لا هتاخدها ببلاش؟
انا اعتقد ان المبلغ دا كبير اوى على مصنعيات صيانة واحدة بس , لو كان مصنعيات صيانتين يبقى المبلغ معقول اوى (210 جنيه).
معتقدش , مستحيل يكون 420 جنيه فى صيانة 10000؟؟

صيانة 10000 أنا عاملها من شهرين تقريباً و دافع نفس المبلغ غير زيت شل ألترا و فلتر يعني دفعت إجمالي أقل من 700 جنيه حاجة بسيطة.
و فعلاً قالولي إن صيانة 15000 هتكون ببلاش.

**dr_abooody** · 04-01-2009 11:35 AM

انا لو معايا عربية جديدة اية اللي يخليني اروح و ادفع 500 ج في كلام فاضي
دة الليلة دة كلها تخلص ب 100 ج + 250 ج زيت شيل الترا 10 الاف كيلو

و باقى الحاجات لو عرفت بتتعمل ازاي هعملها بنفسي تنضيف الفلاتر و لو في لمبة محروقة اغيرها
ظبط الزوايا و تربيط عفشة ب 25 ج

و ظبط الموتور دة بتروح لاي حد بتاع هيونداي يعمله ب 30 ج و لا حاجة

الواحد ما يروحش التوكيل الا اذا كان في مشكلة جامدة و فيها فك كتير

**thegreatnileman** · 04-01-2009 06:45 PM

يعنى انا نفسى افهم انتوا فاكرين نفسكوا انصح من منهم
احنا اشترينا وخلاص
واللى عاوز يعمل جدع ميروحش الصيانات بس العربيات دى مشاكلها كتير واقل قطعة غيار فيها ب800 جنيه ده لو حتة حساس صغير على ما قسم

**tatamrwan** · 12-01-2009 11:00 PM

هى الصيانه فى الضمان كل 10000كم ولا كل 5000كم

**ahmedfd** · 13-01-2009 08:21 AM

المشاركة الأصلية كتبت بواسطة tatamrwan

هى الصيانه فى الضمان كل 10000كم ولا كل 5000كم

الصيانة كل 5000 كم سواء ضمان أو غير.
رأيي المتواضع في الموضوع إن الصيانة مش بس تغيير زيت و فلتر و تربيط عفشة...العربيات الجديدة كل موديل ليه سكانرات و عدد و أدوات معينة للتعامل معاه و بالتالي التوكيل هيكون أقدر جهة للتعامل مع العربية زي ما الشركة المنتجة محددة.
و أخونا AHMEDCAR كان منزل جدول الصيانة الدورية هتلاقوا الموضوع فيه حاجات كتير بتتعمل في الصيانة من ظبط لفحص لربط طبقاً لكل موديل.
لو قلنا الزيت والفلتر مفيهوش مشكلة ... ماشي كلم صح بس بالنسبة للباقى يا ريت تدخلوا على السايت ده:
http://www.hyundaitechinfo.com/
و شوفوا الأدوات المخصوصة للفحص و الفك و الربط و غيره و الخاصة بشركة هيونداي.

**Nader** · 13-01-2009 10:18 AM

مبلغ مبالغ فيه طبعاً خصوصاً انه بدون تغيير لقط غيار، يعني مصنعيات فقط ..........ليه يعني؟!!

**sayedmorssi** · 14-01-2009 08:58 PM

والله يا جماعة التوكيل اصبح جشع علشان كدة انا بعمل الصيانة امام عينى
وبشترى الحاجة المطلوبة بنفسى مع ميكانيكى من التوكيل فى ورشة خارجية ولسه عامل صيانة غيرت فيها الزيت والفلتر و طقم السيور و سير الكاتينة و تنظيف جميع فلاتر العربية و كشف على التيل الامامى و ظبط الخلفى و غسل الموتور و زود مياة التبريد و اخذ 150 جنيها
المهم انة شاطر و ريح العربية و جيبى

**sameh.acc** · 17-01-2009 01:18 AM

انا اسف ياجماعة ع التأخير فترة الاسبوعين دول :( والله مشاكل وظروف شغل ,,,, بالنسبة لموضوع ال 420 جنية فهما قالولى صيانة ال 15 الف هتبقى بتمن تغيير الزيوت والفتر بس يعنى ببلاش بس مهما قالوا اساسا الصيانات الفردية او اللى مبيتدفعش فيها فلوس دية بتبقى كروتة وبيسيبوا العربية لحد قبل معاد التسليم بساعة او نص ساعة ويبدأ يشتغل فيها زى كدا صيانة ال 1000 التوكيل عمرنا ماهنغلبهم ومفيش حاجة اسمها واحدة عليك والتانية عليا كلها اساليب نصب وبيدخل تمن دية فى دية (بيفكرونى والله ببيتزا كينج واحدة عليك والتانية عليا :D انا نويت انى باذن الله بعد ال 15 الف اودع توكيل غبوووووووور واعملها الصيانات برة اللى هيقف قدامى الظبط بالكمبيوتر علشان كدا نويت برضة اجيب قطعة اسمها iNTERFACE بتتوصل بين المخرج بتاع ال obd II وبين الابتوب وانزل عليه البرامج وبكدا هوفر تمن الجهاز وممكن اعمل كل اللى غبور بيعملوه فى العربيه ,, او فى اقصى الظروف هعمل الدايرة على ايدى جبت ال diagram بتاعتها ونزلت النخيلى سألت على المقاومات والايسيهات بتاعتها يعنى مش هتبقى مشكلة وبأذن الله هعمل موضوع عن قريب اشرح فية الخطوات بتاعة صناعة الدايرة والقطع المستخدمة والبرامج المستخدمة علشان نفيد اعضاء المنتدى ونحاول نردلهم جزء من جمايلهم علينا ونستغنى عن التوكيلات