حكومة playboy الإباحية ....!!!! ( صورة تعبر عن الشارع المصري )

**KoDaK_Gti** · 03-01-2009 01:51 PM

مش شايفها متفبركة ولا حاجة
واكيد هو عارف معنى الرمز يعنى

**bassam266** · 03-01-2009 01:58 PM

شباب ... لازم تلاحظوا ان الصورة كلها مليانة بكسلز ... عشان انا استخدمت الزووم ( وفى الموبيلات الزووم بيكون رقمى او ديجيتال فلازم يعمل كدا ) ده بالإضافى للأوتوفوكس اللى خلى تركيز الكاميرا واضح على التابلوه و علبة المناديل تلقائياً..ده اولا ..
ثانيا : رمز بلاي بوى كان لونه سيلفر فطبيعى جدا انه يلمع و يبقى فى تباين فى الألوان كدا ...
ثالثا: انا مبعرفش اشتعل عالـفوتوشوب
رابعا: انا كنت فاتح التوبك ده مش عشان رمز الأرنب فقط اللى موجود عالعربية انا برضه اقصد الحاجات التانية "البسيطة" المخالفة للقانون اللى كانت فى العربية المذكورة ...

يا باشا انا مش بشكك فيك بس انا متأكد انها متفبركه انا مش عارف اشرح بس ححاول بص يا سيدى الصوره اللى متصوره اى كانت اما تكبرها حتلاقى البكسلز مرصوصه جنب بعضها و ده ملوش دعوه بالالوان اللى فى الصوره و كمان لو انت نفسك دققت حتلاقى ان صوره البلاى بوى دى كانت فى صوره تانيه على خلفيه سوداء برضه بس الاسود بتاعها اغمق من الحته السودا اللى محطوط عليها الصوره فى العربيه و بعدين ال resolution بتاع الصوره بتاعه العربيه اقل من ال resolution بتاع صوره البلاى بوى عشان كده صوره البلاى بوى وضحا اكتر من العربيه و لو دققت حتاخد بالك من حدود صوره البلاى بوى حتعرف انها متفبركه ده موضوع الصوره.
اما موضوع السلوكيات فأنا بحتقر اى واحد الاقيه ماشى من غير نمر و حاططلى النسر و ببقى عايز اقوله تطلع مين انت يا ابن ال.................تييييييييييييي� � معلش الرقابه بقى :)

**medomada** · 03-01-2009 02:13 PM

أنا كمان شايف إن الصوره متفبركه و أعتقد إن أى حد ليه فى الجرافيك حيكون ده رأيه

**amrrashed** · 03-01-2009 02:29 PM

المشاركة الأصلية كتبت بواسطة bassam266

يا جماعه و الله اعلم انا شايف ان علامه البلاى بوى دى مش محطوطه على العربيه اساسا يعنى لو دققنا النظر شويه حتلاقوا ان لون العربيه باهت شويه و اللون الابيض بتاع العلامه مش باهت دى حاجه و لو شفت الصوره بحجمها الطبيعى حتلاحظ البكسيلز بتاع العلامه باين جدا يعنى من الاخر الصوره متركبه على الكومبيوتر دققوا شويه و حتلاحظوا اللى انا بقوله و بالنسبه لصاحب الموضوع لو انت اللى مصور الصوره ديه زى ما بتقول فأكيد انت مصورها بكاميرا الموبيل او بكاميرا ديجيتال يعنى المفروض الالوان كلها تبقى وضوح واحد و كمان متلقيش بكسلز حوالين العلامه و لا انتوم شايفين ايه يا جماعه و الله اعلم

حتى لة الصورة متركبة وده موضوع اشك فيه جدا مع انى معرفش صاحب الموضوع بس انا وغيرى كتير بنشوف علامات البلاى بوى مع النسر والفيميه كتير اوى فى الشوارع

**Michael_Lanos** · 03-01-2009 02:30 PM

الصوره دي شكلها متركبه،مع الاخذ فى الاعتبار انى بشوف ناس حطين الارنب بتاع البلاي بوي وقصده يقول انا واحد مقطع السمكه وذيلها وبتاع بنات وستات يعنى "والمعنى فى بطن الشاعر"
ولو متضايق ماتبصش عليه او تبلغ عنه لو جرح شعورك، بس ياترى مين هاياخد بكلامك ......
وياما ناس كاتبه كلام قليل ادب وشعارات وصور ورقه نبات البانجو والدنيا ماشيه

روق وماتزعلش نفسك

**M.Osman** · 03-01-2009 04:23 PM

برضه سبتوا الموضوع الرئيسي ..

يا جماعة يعنى سؤال : هو انا هفبرك الصورة لية اصلا ؟
ايوا عارف ان حول رمز الأرنب البكسلز واضحة و ده لأن فى contrast عالى بين لونه السيلفر و لون العربية و كمان لاحظ انى كنت مصور بكاميرة موبيل يعنى مش جودة عالية اوي ... و اقول تانى ان البيكسلز اللى حضرتك بتقول عليها موجودة فى كل منطقة فى الصورة ( عند علامة ميتسوبيشى مثلا ...) و انا وضحت اسباب ان الصورة طالعة بالمنظر ده قبل كدا ...

يا ريت بقى نسيب موضوع متركبة ولا لأ نشوف الموضوع الرئيسي اللى هو " واحد ظريف ماشي من غير نمر + مركب فاميه + نسر و ارنب "

:D

**HeMa_LanCeR** · 03-01-2009 04:49 PM

ممكن سؤال بقي علشان انا مش عارف اصلا معني الرمز ده ايه
وعلي فكره هو عندي في البيت وكنت ناوي الزقه ؟
الحقوني قبل ما اعملها بقي

**M.Osman** · 03-01-2009 04:52 PM

حضرتك ... playboy موقع للأفلام الإباحية و الأرنب ده هو الرمز او اللوجو بتاعه :)

**HeMa_LanCeR** · 03-01-2009 04:55 PM

امممممممممممممممممم
قولتلي بقي
اشكرك علي المعلومه

**Busquets** · 03-01-2009 05:01 PM

بكل تأكيد كتير مش عارفين معناها!!

كتير بيشتروه على اساس ان شكلو حلو!!

مش لازم نظلم الناس و ننم عليهم و نقول اولاللات الادب و هما اصلا شارينه عشان شكله حلو!!

لازم تفكر ان زى ما الانسان دا سافل ممكن يكون محترم بس مش عارف معناه

و انا اعرف شخص محترم و حاطط العلامه دى و لما قلت له معناها قال لى عارف بس انا عاجبنى شكلها

انا شايف ان الموضوع مش مستاهل يعنى حاجة تافهه اوى الصورة دى

يعنى لو الشباب شالوها هيبقوا مؤدبين و البلد تنضف مثلا؟؟؟

الموضوع: حكومة playboy الإباحية ....!!!! ( صورة تعبر عن الشارع المصري )

LinkBack

أدوات الموضوع

عرض

-

-

-

-

-

المواضيع المتشابهه

صورة من تصويرى الشخصى تعبر عن التعاسة الذى يعيشها الحيوان

عجائب الشارع المصري

في الشارع المصري

غرائب الشارع المصري

الكلمات الدلالية لهذا الموضوع

المفضلات

المفضلات

ضوابط المشاركة