محاسب شاب للبيع !!

**misoalex** · 03-01-2009 04:50 PM

فعلا ده يبقى طماع لو بياخد 1000 جنيه فعلا وعاوز واحده اد والدته ده مش عاوز يتجوزها ده عاوز يورث الشقه ويحوش 1000 جنيه يضرب عصفورين بحجر
يا جماعه المبلغ ده فعلا نا كتير بتحلم تحوشه مش تقبضه كل شهر يعنى هو لو صبر وحوش 3 سنين حيبقى معاه 30 الف جنيه ممكن يجيبولو شقه صغيره يبتدى بيها حياته وبعد كه الباقى ربنا حيكرمه مدام هو ناوى خير

**king_de_egypt** · 03-01-2009 05:40 PM

ههههههههههههههههههههههههه ه جامد الاعلان دا :d ههههههههههههههههههههههههه ههههههههههههههههههههههه

**Mostafa Hessen** · 03-01-2009 06:14 PM

والله ده ظروفة كويسه

24 سنة يعنى لسة متخرج وبياخد 1000 جنيه ده كده ممتاز

ميعرفش ان فى ناس مش لاقية تاكل ده طالب كلية الطب بيتخرج ويروح جيش 3 سنين وبعدين يتكلف فى سن 27 بعد الجيش ب 400 جنيه وده لمده سنة كمان وبعدين لازم يكمل دبلومة وماجستير طاب ده يعمل ايه
هو كده يبوس ايده شعر ودقن...

**OlaOsman** · 04-01-2009 05:39 AM

طيب ما يقول انه عايز زواج مسيار ويخلص.

بس الصراحة شاب 24 سنة و بياخد 1000 جنيه وعايز يتجوز واحدة تصرف عليه يبقى بيستعبط و الدنيا هاتديله فوق دماغه لما يشبع.

**وائل عطية** · 04-01-2009 09:03 AM

المشاركة الأصلية كتبت بواسطة gemino

راجل واقعى و جاب من الاخر و بيدور على الحلال و على فكرة حيلاقى كتير و ممكن يكونوا لسه انسات كمان

أنا معاك إنه حلال ..بس أكيد أكيد مش هو دا اللي في دماغه !!
وعلشان تتأكد اسأل نفسك..هل ممكن والدته ولا والده يوافقوا لما يعرفوا إن ابنهم هايتجوز واحدة عندها 45 سنة؟!