حسب الكتالوج سائل التبريد لازم يتغير كل 40000 كيلو او سنتين ... المفروض خلال الفتره ديه فقد الميه بيكون قليل جدا جدا يعنى بالكتير مثلا لتر واحد فى خلال السنتين او ال40000 كيلو .
طبعا من الافضل تغيرها حسب كلام الكتالوج " لا اقل ولا اكتر "
10,000 كيلو يعتبر لسه بدرى على تغير الميه . مجرد تزويد الميه لو ناقصه .
* الميه بتزود من القربه الى جمب الرداتير من ناحيه اليمين . مش من فتحة الريداتير .
*افضل انواع سوائل التبريد موبيل , شيل كولنت , توتال " التلاته سعرهم واحد " 45 جنيه .
----------------------
""وهل ميه الموتور بس اللى بتتغير ولا فيه ميه تانى لانى فى ميه كده على جمب بتاع البنزينه قالى ده ماتجيش جمبه فياريت تفيدونى ؟""
- بالنسبه للقربه الى على جمب ديه" الى غطاها لونه اصفر زى الى فى الصوره بيبقى مرسوم عليها شكل مساحات " خاصه بسائل المساحات و ديه بتتزود ب سائل تنظيف مساحات " بيتباع فى محطات البنزين " , او بتتزود ب سائل تنظيف الزجاج " ويندكس " و بيدى نتيجه افضل و ارخص من السائل الخاص بالمساحات .
- بالنسبه للصيانه : طبعا لازم تودو العربيه للتوكيل كل " 10.000 كيلو لو ماشين على زيت تخليقى" , " او 5000 كيلو لو زيت معندى " علاشان الضمان مايسقطش .
التخلف عن الصيانه الدوريه بيخرج العربيه من الضمان .
مهم جدا جدا موضوع الصيانه الدوريه ده
المفضلات