المياه بتنقص بشكل اسبوعي تقريبا ايه السبب؟

صديق ليا معاه عربية لانوس والمياه بتنقص بشكل اسبوعي حوالي لتر تقريبا مع العلم انه بيستخدم مياه خضراء والسيارة مفيهاش اي تسريب للمياه ياتري ده كدة عادي ولا ايه السبب أرجو الافادة
وشكرا لكل رجالة نايل موتورز

ممكن يكون غطاء القربة شيك علية

كان فيه موضوع قبل كده خلاصته ان معظم غطيان القربه في اللانوس مضروبه... حاول تشوف غطا كويس و جرب

شوف الغطا ولو مش كه يبقي يكشف علي لون الميه في الريداتير لو اللون مغير يبقي كده الجوان بايظ و الميه بتتخلط بالزيت.
لو الميه لونها كويس و الغطا و القربه كويسين يبقي الريداتير عاوز يتسلك

• طبعا الموضوع ده مش عادى
  
  شيك على القربة كويس

و شيك على الطرمبة كمان... الطرمبة ممكن تسرب مياه التبريد و مش بيبان عليها

و الموتور بارد ادلق ميه على منطقة سير الكاتينة و شوف لون الميه اللى نزل على الارض... لو اللون بقى اخضر زى لون ميه التبريد يبقى الطرمبة بتسرب

MMamdouh

شكرااااااااا للجميع علي الردود المفيدة بس ليا سؤال بسيط هل نقص المياه بشكل بسيط طبيعي ولا برده يبقي في خلل في شيئ معين؟

لو دورة التبريد سليمة مش بيحصل نقص في المية لا كل اسبوع ولا حتى كل شهر يعني لو في نقص في المية يبقي في مشكلة.

اقتباس:

---

المشاركة الأصلية كتبت بواسطة Nader

لو دورة التبريد سليمة مش بيحصل نقص في المية لا كل اسبوع ولا حتى كل شهر يعني لو في نقص في المية يبقي في مشكلة.

---

1+

MMamdouh

باضيف برضه إنك تشيك على دراع المياه اللي خارج من الموتور للرادياتير. ساعات الجوان بتاعه بيسرب ببطء شديد جداً و المياه بتتبخر بسرعة و مابتلحقش تشوفها.

محمد أبوريا

شكرا للجميع هاروح للميكانيكي بتاعي وانشاء اللة لما أكتشف العيب هاقولكوا للأفادة

انا كان عندى العيب ده ورحت التوكيل قالولى فى ثقب رفيع جدا بالردياتير صعب انك تشوفه بالعين وغيرت الردياتير عندهم والحمد لله المشكلة انتهت ومزودتش ميه تانى من ساعتها ولحد دلوقتى ماشى 15000 كم بدون زيادة نقطة ميه اللهم لا حسد

انا ليه سؤال بعد اذن صاحب الموضوع
لو افترضنا ان دوره المياه سليمه مفيهاش تسريب هل ممكن ان تكون المشكله فى جيوان وش السلندر او اى عيب فى المتور لو كانت الاجابه بالايجاب ايه الاعرض الى ممكن تظهر على العربيه ؟
شكرا مقدما على الرد

ممكن جوان وش السلندر او كوعة الترموستات

لو الجوان حتلاقى فى ميه فى الزيت و زيت فى المية و ممكن بخار ميه فى العادم و بقاليل فى القربة

لو الكوعة حتلاحظ ترسيبات خضراء لو بتستعمل ميه خضراء او اثار صدا لو بتستعمل ميه حنفية حوالين الكوعة

MMamdouh

شيك على الغطا والطلمبة