حدثة غريبة حصلت لجارى ومش عرفين السبب اية

يوم 1/1/2009 حصلت حادثة غريبة لجارى عندة عربية 127 اخت عربيتى بالضبط 2 باب بس بتعتة توب موديل السبعينات كان ركنها تحت البيت وفجاءة العربية ابتدت تطلع شياط جامد لوحدها وبعد كدة ابتدت تولع من ناحية الكابوت تحت الهواية والناس طبعا اتلمت كتر خرهم وقعدوا يحدفوا طراب على الكبوت بعد لما فتحوة ومية وجابوا طفاية حريق عشان يطفوها والحمدلله العربية اطفت والخسائر مش كبيرة ولحد وقتنا هذا مش عرفين السبب ولعت لية هل ماس كهربائى ولا حد رمة عليها عقب سجارة المهم ربنا يعوض صاحبها ويصبرة على الخسائر وربنا سيترها علينا
وشكرا

عادى كان عندنا عربية تيوتا كرولا ووللعت بسبب ماس كهربائى العربيات معمولة من مواد قابلة للأشتعال مع شرارة صغيرة وشوية حرارة ويسلام لو فيه شوية بنزين وتولع

اكيد فيه خرطوم قديم كان مسرب

بخار البنزين بيشتعل من اقل مصدر حرارى

ربنا يستر ويسلم

ممكن الكبوت عمل قفلة مع البطارية يعني لمس معاها

الحمد لله إنها كانت فاضيه ومادام كله بخير مش مشكله اى حاجه تانيه كله يتعوض
.......

بردة في واحدة قريبتنا ماشية على الاتوستوراد و فجأة الكبوت كلة ولع

كانت بسبب ماس حصل من ضفيرة الكهربا
عشان العربيات دة بتكون قديمة و السلوك متهالكة

و ساعات في ناس ممكن تعد على الكبوت فيحصل تلامس في البطارية

بنسبة 95% ماس من الضفيرة

و ده بيحصل كتير لما تركب انذار أو سنترأو وحدة رفع (أو أي حاجة مش نازلة أصلا في فابريكة العربية) بطريقة غلط...

و كان فيه موضوع سابق عن عربية سكودا ولعت لوحدها... (كان ماس كهربائي من ضفيرتها برضه)

ربنا يسترها مع الجميع

اقتباس:

---

المشاركة الأصلية كتبت بواسطة Mr_H

ممكن الكبوت عمل قفلة مع البطارية يعني لمس معاها

---

+11111111111111111111111

ايوة بتحصل و مرة شفتها و برضه في 127 مش عارف دي صدفة و لا العربية دي فيها حاجة و كنا في اشارة روكسي و بنبص علي العربية لقينا الاشارة الشمال اللي قدام بتولع و البلاستيك بيسيح الحمد لله الاشارة كانت قافلة و الراجل نزل و طفي العربية و النار.
بس فعلا ممكن يكون ماس او حد لمس الكبوت بالبطارية زي ما احد الزملاء قال.

يا سيدى دى حاجة بسيطة ... العربية حبت تحتفل بالسنة الجديدة بفكرة تانية بدل الشمع والصواريخ
:):) باهزر طبعا ... الحمد لله انها جت سليمة ... اكيد كهربا مادام كانت مركونة

غالباً ماس كهربائي في الضفيره...