ياترى هاتعمل أيه يف الموقف ده (الجزءالتاني)

طبعا كلنا فاكرين الحاله الأولى ومين طلع أحسن واحد في تصرفه لما يواجه الموقف الأولاني .... طبعا الدكتور "أحمد" كان هوه أحسن رأي

أضغط هنا لقراءة الجزء الأول

ودلوقتي نتخيل الحاله التانيه:-
أنت ماشي في أمان الله وبرضه مشغل الكاسيت وحاطط شريط عليه درس ديني (أسلامي أو مسيحي) والدرس بيتكلم عن غض البصر وزنا الأعيـُن
ومره واحده طلعتلك جنيه من البحر يوووووووه قصدي بنت جميله لا لا... مش جميله فاتنه عينيها زرقه وشعرها أصفر وبشرتها بيضاء وناعمه نعومة الأطفال وصوتها كما الكروان و..... كمل أنت بقيت الأوصاف

أنت طبعا أكتشفت كل المواصفات دي بعد ما البنت الملائكيه دي خبطتك وهيه خارجه من تقاطع وكانت هيه إللي غلطانه لأن الأولويه كانت ليك بحكم قواعد المرور وأنت بعد ما نزلت أكتشفت مواصفاتها دي كلها وأكتر شويه (بس الواحد مش عاوز يتبحبح في الكلام عشان الرقابه إللي في الموقع هنا)

المهم
أنت نزلت لقيت الباب الخلفي اليمين بتاعك مش نافع خالص وهيه يادوب الكبوت والأكصدام بتعها ماحصلهمش حاجه لانها كانت راكبه عربيه من النوع إللي بيركب له حديد حمايه من الأمام والخلف والأجناب
وأول ما جيت تعبر عن غضبك وأستيائك من الموقف
قربت هيه منك شويه
وأول ما قربت هيه منك أنت شميت رائحة برفانها حسيت وكأنه بنج
وأول ما حركت شفايفها إللي لون الكريز وقالتلك sorry I do not mean that يعني أسفه أنا ماكانش قصدي
عملت أنت بقى ........
كمل أنت وقولنا عملت أيه؟
بس خاللي بالك لتكون المدام بتاعتك من أعضاء أو من زائري المنتدى لحسن نقرأ نعيك بكره في الأهرام (عندكم أكياس كفايه؟)[/size][/color]


تم التعديل لأاضافة رابط الجزء الأول

بامشي علي طول زي الشاطر و كفي الله المؤمنين شر القتال و مش حاتكلم أكتر من كده عشان مراتي بتخش عالمنتدي :)

المواقف اللى بتبقى واحدة غلطانه انا مبتكلمش خالص غير بقول جت سليمه بس معلش حضرتك اللى غلطانه برده و بمشى (لو حلوة كده انا ممكن اقف شويه لو انا لوحدى بحجه اعاين الخسائر فى العربيتيين).
مرة واحده بنت معاها لانوس زيرو مكملتش اسبوعين عصرتلى ضهر الشاهين على الاستراد (غلطتها مفرملتش الا فى اخر لحظه بعد محولت تهرب يمين الاول)و معملتش معاها حاجه

هاخد رقم التليفون علشان اقول لأهلها بنتهم بتعمل ايه فى الناس و هى ماشيه :lol: :lol:

و هبقى اقولك انا ممكن اعمل ايه بس بينى و بينك

و يا بايو بلاش المواضيع دى علشان كده هاتطير رقاب كتير يا اما الكدب هايشتغل و بالذات ان معظم الأعضاء هنا قاعدين في البيت بالعافيه (بأمر جمهورى من الحكومه)و الموقع بيخليهم يفيدوا و يستفادوا .............. وائل كاماتشو .. اخبارك ايه و رد يا سيدى على بايو هههههههههه

a7'ookom
Sherif

هدى أعصابك يا عم هانى

أولا مش هاتفرق معايا واحد ولا واحده لأنى فى الأصل مش بنزل أتخانق لأن الخناق أو الضرب مش هايجيب إللى إتكسر !!

إلا طبعا فى حالة قلة الأدب أو التعمد ده لازم يكون فيه رد بالإيد و بقوة كمان

فا كونها واحده حلوة أو قرده (آه أنا مش هاقولك مش هايتهزلى شعره و الكلام ده ) لكن فى نفس الوقت وقت الخبطه الواحد بيكون دمه محروق و مش جمالها هو إللى هايهدينى

بس أنا بطبعى مش هاقل أدبى بس عادة هاديها درس سواقه و إهمال و تسيب لحد ما تعيط عشان الأشكال دى هى إللى خاربه الطرق و مبهدلين عربياتنا :)

أسمح لى ياهانى .... مش ممكن البنت لما تنزل من عربيتها و تقول معلهش ما كنتش أقصد ... و لما تبص فى عينين الشخص اللى خبطته تقول له sorry أنا عربيتى و مفتاحها تحت أمرك ... و لا إيه يا شريف :wink: :wink: :wink:

طبعا بنت حلوة او قبيحة مش ح تفرق --لكن طبعا اول شىء لو انا شخصيا سليم ما فيش خبطات فى جسمى ولا حاجة --ح انزل من السيارة واطمئن عليها انه ايضا سليمة وليست فى حاجة الى اى اسعافات او مش محتاجة انى اتصلها بالاسعاف --ومن بعد نتناقش فى كيفية حدوث ما حدث ومن هو صاحب الحق والاولوية فى المرور --لو اقتنعت واعترفت بخطائها-يبقى مافيش مشاكل ونتفق على الشكل المناسب للتعويض --اى انها تتحمل تكلفة التصليح ---اما اذا اعترضت--فيكون هناك الاتصال بالشرطة --او اخذها الى قسم الشرطة --وبعد ان تحل المشكلة --ونتفق على كل شىء --وبالنسبة للجزء الخاص بجمالها الطاغى كما وصفة الاستاذ بايو واللهب بة حماسنا --اعتقد اننى سوف اعرض عليها ان اساعدها فى معرفة الاكثر والاهم فى عالم القيادة --طبعا بعد ما اخذ حقى --ولا اعتقد انها ترفض لا بل اشك انها سوف تبادر بهذة المحاولة- وشكرا---(( بايو هو الموقف الاولانى كان اية --اللى رد فية الكتور احمد--او الجزء الاول --))

هطلب الشركة تيجى تعاين ونشوف ميت الغلطان و مش عشان هيا حلوة وشعرها اصفر يعنى هتهز خلاص واعمل فيها حنين, لاء طبعا هاخد حقى منها تالت ومتلت بغض النظر عن شكلها وعموما يا عم بايو انا كمان شعرى اصفر وعنيا ملونة ومحدش احسن من حد :D

انا مش هاقول هاعمل ايه وقتها-وانت ياعم شريف هاقول لمراتك ده انت في الشار اللي ورايا :lol: :lol:

بس مانساش ابدا مرة كنت طالع كوبري اكتوبر من الدقي وكنت راكب ال 128 (مش عارف ليه كل مصايبي مع ال 128 :?: ) وبعدين في اخر المطلع وجاي ادخل الكوبري الطريق وقف ووقفت جنبي بنت راكبة باجيرو والعجلة اليمين بتاعتها في الرفرف الشمال بتاعي والباب بتاعي المهم الهانم بتسمع اغنية وقافلة الازاز ومعاها صاحبها جنبها وهاتك يا تهييس وفجأة شافت حتة فضيت قدامي قررت تكسر وتدخل فيها(فاكرة نفسها راكبة ماروتي ) وهوب لفت الردكسيون في لحظة لقيت العجلة بتاعت الدبابة بتاعتها بتعصر الباب والرفرف عندي وداخلة عليا
انا هاتك يا زعيق ودي مش سامعاني وبعدين خبطت بايدا الاتنين من جوة العربية علي عربيتها لحد ما سمعت ودي نازله بمنتهي البرود وايه ايه انت اللي غلطان انت اللي دخلت تحت العربية بتاعت(شوفتوا البجاحة :twisted: )
المهم الامور ابن ماما وبابا نازل يتكلم قلتلة اركن يلة انت علي جنب وخلي الرجالة تتكلم وماعبرتوش نهائي :mrgreen:
وبعدين قعدت تقولي غلطتك وحوارت من دي مع ان مواصفتها زي ما بيقول هاني بالظبط وانا طبعا مش شايف كل ده لاني عربيتي ادعكت
المهم قولتلها نعمل معاينة ونشوف مين اللي غلطان دي اترعبت(اكتشفت فب النهاية انها معهاش رخصة)
المهم كل سواق تاكسي يتدخل عشان الامورة ويقول كلمتين حلوين ويقول خلاص يا كابتن ربنا يعوض عليك واالي يقول
دي تتلم علي البارد(شوف البرود) وهيا منتهي قلة الادب
ماطولش عليكم ما سبتهاش الا لما خدت منها 500 جنيه :lol:
خدت العربية وصلحتها ب 150 جنية ورشتها فرن كمان (كان من 10 سنين مثلا) وضربت الباقي في جيبي

الذ ما في الموضوع واحدة صاحبتي جاي بعدها بيومين تقولي ما شوفتش اختي الصغيرة حصلها ايه
واحد ب 128 بيضاء زي بتاعتك زنق عليها علي الكوبري وخبطها وقل ادبة عليها (حسب رواية اختها) وخد منها 500 جنية
بس الجواب اللي سالتني عليه كتير ومارديتش انت عربيتك فين بقالها اسبوع :!: :?: :roll: :roll: :roll: :wink:
:mrgreen: :mrgreen: :mrgreen: :mrgreen: :mrgreen: :mrgreen:[/color]

اقول لها ولا يهمك بس ممكن نتأبل تانى علشان نحل الموضوه ده فى حتة هادية

غالبا لما هتلاقيها بتقولك sorry هتقولاها انا الى sorry والغلطة منى وانا ماختش بالى وانا ماشى وزى ما قالوا الشباب ان لازم الواحد ياخد النمرة عشان يطمن عليها لما تروح
بس هو فعلا الواحد ساعتها ممكن مايخدش باله من انها حلوة ولا وحشة إلا بعد لما يكون قداها درس فى السواقة

اقتباس:

---

انا مش هاقول هاعمل ايه وقتها-وانت ياعم شريف هاقول لمراتك ده انت في الشارع اللي ورايا

---

انا عن نفسى هانزل اديها قلمين و اشدها من شعرها و اقولها شفتى عملتى ايه فى عربيتى ؟؟؟
و هاخللى معايا مفتاح عربيتها لغايه ما نشوف تكلفه الخبطه قد ايه و تدينى فلوسها و بزياده كمان علشان العطله اللى سببتهالى و ماروحتش بسرعه لبيتى .

و قول يا كريم و سمعنى احلى سلام للناس اللى شرفونا النهارده .... و سمعنى سلام يا رب الدنيا تمطر ههههههه

a7'ook
Sherif

اقتباس:

---

المشاركة الأصلية كتبت بواسطة Mo3taz Selim

أسمح لى ياهانى .... مش ممكن البنت لما تنزل من عربيتها و تقول معلهش ما كنتش أقصد ... و لما تبص فى عينين الشخص اللى خبطته تقول له sorry أنا عربيتى و مفتاحها تحت أمرك ... و لا إيه يا شريف :wink: :wink: :wink:

---

بنت بالمواصفات ديه هتقولك كده !!؟ اااااااااه ده علي اعتبار انك توم كروز

الصراحه دى كانت مفاجئه ياكريم

اعتقد والله اعلم ان الباقى ده حرام وكان لازم ترجعهولها

[quote="sh_masry"]

اقتباس:

---

و سمعنى سلام يا رب الدنيا تمطر ههههههه

a7'ook
Sherif

---

مبسوط يا اخويا اهى مطرت
الكابتن شريف عشان لسة عريس جديد عايز يحسسنا انه عنتر زمانه على اساس انه يفهمنا طبعا انه واخد حقه بدراعه والكلام دة وطبعا اى اخ متزوج عارف ان حنفى دايما كلمته بتنزل المرادى وانا عن نفسى بقترح اننا نعمل ثورة على الحكومة الداخلية مش حكومة نظيف طبعا عشان منتحبسش قصدى الحكومة الى فى بيت كل بنى ادم فينا ولو حد حاول يقوم بيها يا ريت يقولى خد كام غرزة عشان ابقى عامل حسابى :d
ملحوظة: طبعا يا مستر شريف مش محتاج اقول ان انا بهزر معاك.

اقتباس:

---

المشاركة الأصلية كتبت بواسطة karim_monir

الذ ما في الموضوع واحدة صاحبتي جاي بعدها بيومين تقولي ما شوفتش اختي الصغيرة حصلها ايه
واحد ب 128 بيضاء زي بتاعتك زنق عليها علي الكوبري وخبطها وقل ادبة عليها (حسب رواية اختها) وخد منها 500 جنية
بس الجواب اللي سالتني عليه كتير ومارديتش انت عربيتك فين بقالها اسبوع :!: :?: :roll: :roll: :roll: :wink:
:mrgreen: :mrgreen: :mrgreen: :mrgreen: :mrgreen: :mrgreen:[/color]

---

طب متدينى نمرة تليفونها اصلى عايز ارش الباب اليمين :D

انا بقي مش حتفرق معايا حلوه او وحشه و الله اي بني ادم بيخبطني و بينزل يتكلم بزوق حتي لو غلطان بقوله خلاص و ربنا يعوض عليا و بمي انما بقي لو قليله الزوق و قليله الادب و مستهتره حديها كلمتين في جنابها و م بعيد اتصل بالشرطه علشان تتربي

اممم مش عارف انت بتجيب الافكار دى منين :mrgreen:

بس لو حصلت عيييب لازم انزل و اعمل نفسى متعصب و اخليها تقعد تتحايل عليا شوية بعد كدة اقلها ورايا مشوار مستعجل هاتى رقمك عشان نتفاهم بعدين فى حتة هادية :mrgreen:

بتهيألى الناس اللى شايفة إنها تتصل بالشرطة دى عايشة فى الأوهام لأن الشرطة لو جت و الواد أمين الشرطة شاف البنت الحلوة هيريل علىنفسه و اللى هيتربى هيكون سعادتك :mrgreen:
و طبعا حيطلعوك إنت الغلطان.
و أفضل حاجة إنك تحاول تاخد حقك منها مباشرة و بقين ناشفين هايخوفوها و هاتحاول تدفعلك تمن اللى أتلفته و تمشى و ده فى حالة لو كانت بنت ناس أما لو كانت بنت ...
فاحتمال تتصل بحد صاحب بابى و لا مامى و ده لو جه إنت هاتتبهدل جدا و مش بعيد تطلع عربيتك هى اللى خرشمت كاوتش عربية سعادتها و ربنا يسترها معاك فى اللى هايحصل بقى بعد كده :twisted:
:lol: 8) :lol:

يا ابو عبده مينفعش الاحباط الى بتحبطهولنا دة , الواحد بيتفك هنا بكلمتين يا اخى وبعدين انا فعلا حصل معايا موقف زى دة قبل كدة , بس الغريب انى كنت راكن صف تانى وهيا كانت راكنة بضهرها ومش عارف الظاهر اتهيألها انها ممكن تنط من فوق عربيتى وفعلا ريحت على الباب اليمين الخلفى عندى وللاسف كانت مراتى معايا واضطريت انزل ابهدلها :D

يا عزيزى و لا إحباط و لا حاجة أنا بس خايف على الناس اللى بتصدق إن الشرطة عندنا ممكن تعمل حاجة إنهم يتصدموا . :wink:
و ربنا يسترها مع الجميع . :lol: 8) :lol:

هاطلب منها توقع علي مكان الخبطة لاني هاخليها للذكري بدون تصليح---واديها الكارت بتاعي علشان لما تحب تخبط العربية تاني
---يااخوانا لازمتة اية الشكل بس :
DR/EHABABDELHAFEEZ

أ،ا بقى حصل لي موقف شبيه لده بس البنت ماكنتش للأسف حوريه زي ما أنت بتقؤل بس كانت مزه متوسطه الامكانيات المهم أنا وهيا بقينا صحاب وبنكلم بعض لحد دلوقتي :lol:

أم العربية
المهم الانسانية

أنا أكتشفت إن عندنا في Nile Motors خلابيص كتير جدا في ومن ردود كل خلبوص من دول عرفت أنه خلبوص أكتر من التاني ودي قايمه بخلابيص نايل موتورز

sh_masry
Mo3taz Selim
mr_midoo0
Midzy
911 turbo
ايهاب
Baher
Hazem Salah
Mohsens
وطبعا أنا المفروض أحط أسمي على رأس قائمة الخلابيص

الحقوديين هههههههه (طبعا مش لازم أقول إن أنا بهزر)
Abonora
أبو نورا حس بس إن معتز سليم شاب أمور زي حسين فهمي أو توم كروز راح شايطه ومنفسن عليه

المعتدلين
hazem_khidr

الواقعيين
abo3bdolrahman


أما بقى مستر جنيدي فأنا شايف عن أبتعاده عن مصر خلاه يتخيل إن هنا زي عنده في هولندا
للأسف يا جنيدي باشا هنا مافيش الكلام ده

نيجي بقى للشاب المرعب memo_hefnawy إللي كان بيتكلم بعصبيه شديده جدا خلته يطلع إللي جواه مع انه كان عاوز يثبت لنا حاجه تانيه
حفناوي قال:- إلا طبعا فى حالة قلة الأدب أو التعمد ده لازم يكون فيه رد بالإيد و بقوة كمان
يعني عاوز يفهمنا انه ممكن يضرب واحده ست (طبعا ده مستحيل يبقى هوه كان عاوز يداري على إللي جاي)

حفناوي قال:- بس أنا بطبعى مش هاقل أدبى بس عادة هاديها درس سواقه
وطبعا هوه ماقلناش الدرس عملي وللا نظري؟ (بس أكيد عملي مما يتطلب مقابلات ومواعيد وحصص وخلافه)

وقال:- هاديها درس سواقه و إهمال و تسيب لحد ما تعيط عشان الأشكال دى هى إللى خاربه الطرق و مبهدلين عربياتنا

أنا مش فاهم يعني أيه يديها درس اهمال وتسيب ؟ (طبعا هوه من الغلوشه إللي بيغلوشها على إللي جواه مش عارف يقول أيه

الوحيد إللي شارك وأصطاد الناس كلها هو سنيور Abdallah

وأقدر أقول إن أفضل رد كان لـ"حازم خضر"

لسبب او لاخر مشوفتش الموضوع... عموما انا ليا مبدا... عض قلبى و لا تعض عربيتى... لو هيفاء وهبى خبطت عربيتى حتخانق معاها

MMamdouh

اعتقد ان موضوع تتتصل بالشرطة دا مجرد اوهام
اساسا مش حييجو غير بعد ساعتين على الاقل اما لو حظك حلو وكان فيه عسكرى فى الشارع فبرده مش حيعرف يتصرف و هوا بيبص للقمر اللى خبط عربيتك
احسن حاجة انك تتصرف بنفسك كام بق ناشف لو قلت ادبها او انك عوضك على الله لو كانت مؤدبة