-
نزول الاوبترا 2009 الشكل الجديد بالامارات - اوعي تشترى الوقتى
-
-
العربية الدايو دى نازلة من كذا سنة بره اسمها لاسيتى
وعربيات الخليج مش هتنزل عندنا علشان تريحو دماغكو
-
دى الأوبترا الشكل الجديد كليا.
-
يجماعه لاسيتى دة الاسم التجارى فى اوبترا فى كوريا لو مش مصدقين خشوا على موقع شيفرولية الامارات و انتم هتلاقوا الاعلان نازل تحت اسم كروز اصل الاوبترا سيتم احلتها للمعاش قريبا
-
المموضوع مش كدة خالص الكروز فئة غير الأوبترا و اعلى سعراً ولية صديق فى تسويق منصور قالى انها هتنزل والأوبترا سيتم تجميعها محلياً هترخص نعم لكن التقفيل هيبقى مصرى وقطع الغيار ببلاش اى خدمة يا رجالة
-
يعني ده موديل خاص بي الخليج واكيد مش ها ينزل عندنا
-
اقتباس:
المشاركة الأصلية كتبت بواسطة myatooooo
لية صديق فى تسويق منصور قالى انها هتنزل والأوبترا سيتم تجميعها محلياً هترخص نعم لكن التقفيل هيبقى مصرى وقطع الغيار ببلاش اى خدمة يا رجالة
ماهو للاسف ده اسلوب التوكيلات المصريه فى استكراد المصرين ... ان بعد ما الموديل ينتهى عمره و يتم تحديثه باخر , يقوم التوكيل يجمعه فى مصر و يخفض سعره 5 الاف جنيه " و حيغلى ال5 الاف جنيه تانى بعد كام شهر " و ينزل تحديث الموديل على اساس انه فئه اعلى " و طبعا ده كلام غلط تماما " لان الموديل الجديد يعتبر تحديث الموديل القديم و بينافس فى نفس الفئه .
زى الاكسنت و الفيرنا .
زى الفيرنا و النيو اكسنت
زى الانسر و الانسر جديده
زى الانوس و الافيو
زى السينا و الالبيا
و كتير غيرهم
و طبعا كله يندرج تحت بند الغش .
-
بس انا كنت قريت من فتره ان المنصور هينزلها مصر فعلا بس الله اعلم هيعمل كدا ولا لأ
بس اللى متأكد منه انه ذكرها بالاسم ( شيفروليه كروز )
ماقالش الاوبترا الجديده او الموديل الجديد وكمان ماقالش اذا كانت الاوبترا هاتتلغى ولا لأ
-
هيا شكلها جامد والله وحلوه قوى ....... بس تغور من وش التوكيل بتاعها