شكرا
انا اعتقد ان شاء الله ان مفيش مشكلة والحمد لله
لانى قريت الموضوع ده (دخان أبيض لثلاث ثواني )
ولاحظت تشابه الحالة والظروف
والحمد لله
وشكرا لكل الاعضاء الى ابدوا برايهم لانهم ونعم العون
عرض للطباعة
شكرا
انا اعتقد ان شاء الله ان مفيش مشكلة والحمد لله
لانى قريت الموضوع ده (دخان أبيض لثلاث ثواني )
ولاحظت تشابه الحالة والظروف
والحمد لله
وشكرا لكل الاعضاء الى ابدوا برايهم لانهم ونعم العون
مرة خلصنا شغل الساعة 5:30 صباحا فى شهر فبرايرو طلبت معانا نروح ناكل عند بابا عبدة فى شارع الجيش
لما طلعت بالعربية زميلى اللى ورايا قاللى "العربية بتدخن جامد... هو موتورك مفوت؟" فا انا عرفت ان قصدة على البخار اللى طالع مع العادم نتيجة برودة الجو... بعد حرقتين تلاتة الشكمان سخن و البخار كلة خرج و العادم بقى شفاف و طبيعى
الدخنة لو نتيجة مشكلة حتيجى اما من البنزين او الزيت او مياه التبريد... لو مية التبريد و الزيت مبينقصوش يبقى ممكن المشكلة من البنزين... و لو استهلاك البنزين طبيعى و احنا فى الشتاء او الظاهرة دى مبتحصلش الا الصبح بدرى يبقى نفض
MMamdouh
العربيه كده 100% والميه ديه معناها ان الحريق فى العربيه كويس اهم حاجه تسخن العربيه كويس فى الشتا بالذات لمده 10 دقائق على الاقل
م/وائل محمد
مهندس سيارات
شكرا يا ساتاذ مدوح
وبالنسبة للتسخين انا غالبا بالتزم زى المانيوا ما قال(بنسبة كبيرة حسب الظروف)
3-5دقايق فى الصيف 3
والشتا 4-5 دقايق
زيادة فترة التسخين غلط مش ميزة
زيادة فترة التسخين معناها زيادة تكثف الكبريت على جدران الاسطوانات الداخلية ونتيجة لوجود بخار الماء الناتج من عملية الاختراق هيتكون اكاسيد الكبريت .. واكسيد الكبريت حمض يؤدى لتاكل المعدن , دا غير استهلاك بنزين على الفاضى (انت اكيد عارف ان العربية فى التسخين شغالة rich mixture)
المفروض تدور دقيقتين تلاتة علشان دورة الزيت وبعدين تبدأ تتحرك من غير قرص ولا تتجاوز 60 لحد لما تسخن وتبدأ تزود بالتدريج وبكدة بتقلل فترة التسخين من غير تحميل او اجهاد للموتور(عملية التسخين هتتم اسرع وبالتالى هتقلل فرصة تكون حمض الكبريتيك)