الموضوع: تجربة فى مركز الصيانة بجسر السويس: معقول الكلام ده؟

أشكرك على ردك، و لكن من ضمن الأشياء التى عملتها قبل الذهاب إلى التوكيل كانت بالفعل تبديل الإطارات و كذلك التأكد من ضغط الهواء، و فى الحالتين لم يحدث تغيير.

بلإضافة إلى ذلك، فإن الإطارات جديدة حيث أن السيارة جديدة كذلك (14ألف كم) و هى نوع جيد Continental.

و لكن طبعا شكرا على المشاركة

المشاركة الأصلية كتبت بواسطة boody2

معلش انا كان عندي نفس المشكله في عربية كرولاو هي ان فردة من الاتنين الماميين فيها مشكلة ف حدفت يمين و الي عمله المهندس انه بدل اليمين خلاها شمال و الشمال خلاها يمين و بالتالي الحدفة اتعكست و العيب يا عزيزي في اغلب الظن ليس ميكانيكي و لكنه عيب كاوتش و اغلب الظن خبط في رصيف

كنت لسه هاقول نفس الرد ده... هوا فعلا بدل العجل وخلاص والعيب فى الكاوتش
مع احترامى وتقديرى الشديدان للباشمهندس طارق
انا لما كان عندى مشكله فى سحب العربيه رحت لمركز خدمه قليوب من الساعه 8 صباحا حتى الساعه 3 عصرا وكل ده علشان تغيير فلتر هواء وبوجيهات اى عيل صغير فى اى ورشه يغيرهم فى اقل من 5 دقايق قعدت عليهم 7 ساعات كامله !!!!!

المشاركة الأصلية كتبت بواسطة mada121977

كنت لسه هاقول نفس الرد ده... هوا فعلا بدل العجل وخلاص والعيب فى الكاوتش
مع احترامى وتقديرى الشديدان للباشمهندس طارق
انا لما كان عندى مشكله فى سحب العربيه رحت لمركز خدمه قليوب من الساعه 8 صباحا حتى الساعه 3 عصرا وكل ده علشان تغيير فلتر هواء وبوجيهات اى عيل صغير فى اى ورشه يغيرهم فى اقل من 5 دقايق قعدت عليهم 7 ساعات كامله !!!!!

لأ ماهو المستفز إنهم كانوا شغالين فيها طول الوقت- أنا كنت شايفهم. يعنى التأخير ليس من الزحام مثل حالة حضرتك على ما أعتقد. فأنا الذى أدهشنى هو قيام 3 فنيين و مهندس بالعمل على السيارة على الاقل ساعتين أو أكثر (متقطعين خلال الزيارة التى استغرقت 6 ساعات). يعنى من الاخر مش عارفين بيعملوا إيه و عندما فشل فى إصلاح العيب أخر العربية للآخر و عكها و خلاص، و أنا طبعا يستحيل أضيع يوم أجازة ثانى و أضرب مشوار من المعادى لجسر السويس من أجل الفصل الثانى من المسرحية.

مع إحترامى للمهندس طارق
حقيقة لا يمكن أن ننساها
ايه هيا الحقيقة
إن الموجودين فى التوكيل صنعيى لسا مبتدأ فى الغالب يدخل التوكيل يعرف حاجة ويسيب التوكيل بعد سنة أو على الأكثر سنتين عشان يفتح ورشة له فى الخارج
الموجودين فى إسكندرية بالشكل ده وبعد ما يفتح الورشة وهو داخل التوكيل يديك كارت له عشان ترحلوا الورشة بتعته بيربى زبون ويديك مصاريف ب 50% من أسعار التوكيل ومن مصلحة الصنيعى تشويه صورة التوكيل
ولو عاوز يجيب ليك قطع غيار أصلية ممكن كمان

تعلالى يا باشا فى ورشتى برة عملك العملية دى بنص الثمن
وشكرا

معظم الى بتعامل معاهم صنعية داخل التوكيل

اخى العزيز
احب أقول حضرتك ان المشكله ده تحتاج جهاز ضبط زوايا العجل و ده مش موجود فى ملركز جسر السويس و موجود فقط فى المركز الرئيسى بقليوب و كان أحسنلك ماتروحش التوكيل أصلا و الزحمه و القرف و كنت تروح لأى حد كويس بتاع زوايا و ترصيص و كان هيخلصهالك فى 10 دقائق و أحسن من التوكيل و لو خايف على الضمان أحب أقولك انهم مش هيعرفوا انك ضبطها بره التوكيل لأنك مش هتغير حاجه فى العربيه و ده مجرد ضبط.

ما إنت مش فاااااهم، قليوب هما اللى لخبطوها، كنت رايح بيها صيانة ال 10 الاف سليمة، إستلمتها بتحدف يمين (و رجع معى يومها أحد أعضاء المنتدى كان ترك سيارته فى التوكيل و محتاج توصيلة و كان بالصدفة يسكن فى المعادى و شاف الحدفة بنفسه).

ضبط الزوايا عند فنى خارجى غير متاح حيث ان السيارة كولت 2007 و ليست لانسر (أى غير موجودة على الاجهزة الخارجية- الموضوع قتل بحثا) و بالاضافة الى ذلك فإن المهندس (خليفة المرحوم هنرى فورد فى عالم السيارات ) أعلن و بثقه يحسد عليها أن الزوايا مضبوطه (و لكن رجع ناقض نفسه و قال ان ال toe in كان مش مضبوط).

المشاركة الأصلية كتبت بواسطة OldVic

ما إنت مش فاااااهم، قليوب هما اللى لخبطوها، كنت رايح بيها صيانة ال 10 الاف سليمة، إستلمتها بتحدف يمين (و رجع معى يومها أحد أعضاء المنتدى كان ترك سيارته فى التوكيل و محتاج توصيلة و كان بالصدفة يسكن فى المعادى و شاف الحدفة بنفسه).

ضبط الزوايا عند فنى خارجى غير متاح حيث ان السيارة كولت 2007 و ليست لانسر (أى غير موجودة على الاجهزة الخارجية- الموضوع قتل بحثا) و بالاضافة الى ذلك فإن المهندس (خليفة المرحوم هنرى فورد فى عالم السيارات ) أعلن و بثقه يحسد عليها أن الزوايا مضبوطه (و لكن رجع ناقض نفسه و قال ان ال toe in كان مش مضبوط).

وديها لحد بتاع زوايا كويس و مش مهم تكون موجوده على الجهازلأن ضبط موضوع الحدفه ده مش محتاج معلومات عن أى مقاسات أو زوايا خاصه بالعربيه زى زاويه الكمبرمثلا و حاجات تانيه.................