الموضوع: معلومات و إستفسارات كمبيوترية ... F1-help

المشاركة الأصلية كتبت بواسطة karim_monir

سبقوني يا ميزا ومالحتقش اقوللك حاجة:K_crying[1]:
مع اني كنت قربت انسى كل حاجة عن الwork groups وكدة من كتر الشغل على الدومين

تسلم يا أستاذ كريم .... طب أدلق ما فى جعبتك من معلومات تانى لعلنا نستفيد ... أنا بفكر جدياً فى حكاية موضوع الكمبيوتر ده ونقعد بقى نتبادل الخبرات أو بمعنى أصح إحنا ناخد الخبرات بتاعتكم

المشاركة الأصلية كتبت بواسطة MoToRiZeR

فيه طريقة سهلة جداَ يا ميزة .

1- إفتح الراوتر .
2- شيل كل الأسلاك بتاعة الأجهزة التانية .
3- إنقل الملفات .
4- رجع الأسلاك تاني لو عايز .

كان بودى صدقنى يا موتو ... بس السويتش الرئيسى فوق السطح فى صندوق ليه مفتاح فى أوضه ليها مفتاح .. و غالبا السطح نفسه ليه مفتاح كمان

أنا ممكن أفصل السلك ال جايلى من بره و بكده الشبكة تبقى عندى فى البيت بس اللى شغالة لكن مش عاوز كل شوية أقوم أفصل و أوصل .. أكيد فيه حل أسهل

المشاركة الأصلية كتبت بواسطة MTAK

بص يا باشا
فى طريقة مش عارف هاتنفع معاك و لا لأ
بس جرب
انا شخصيا باستعملها فى الشركة و ماشية
\\\\\\\\\\\
نفترض انك عايز تعمل شير على فولدر و ليكن asd
تاتخلى اسم الفولدر asd$
و تخبر به اسم من تريده ان يراه فقط
و عندما يريد ان يراه يفعل ما يلى
start
run
\\9.12.12.333\asd$
بفرض ان 9.12.12.233 رقم جهازك
و لو اى حد دخل على الشير بتاعك عن طريق network places مثلا لن يجد اى فولدر شير بهذا الاسم
و العكس بالعكس
ارجو ان تنفع :)

ألف شكر على الطريقة التالتة ... إنتوا كده مدلعينا قوى

هقولك انا طريقة جميلة جدا

افتح ال user accounts
فعل Guest profile
اعمل كلمة سر للبروفايل
وشير اى حاجة انت عاوزها
لو حد جه يدخل على الشير هيطلب منه كلمة سر
طبعا انت عارفها
اليوزر guest
كلمة السر اللى انت عملتها

أنا طلبت من الإدارة تعدل الموضوع خلاص عشان يبقى لكل الإستفسارات

هقولك انا طريقة جميلة جدا

افتح ال user accounts
فعل Guest profile
اعمل كلمة سر للبروفايل
وشير اى حاجة انت عاوزها
لو حد جه يدخل على الشير هيطلب منه كلمة سر
طبعا انت عارفها
اليوزر guest
كلمة السر اللى انت عملتها

أنا جربتها دلوقتى .. ببصراحة أول مرة أعرف فايدة للبروفايل ده .... شكراً يا أستاذى.

لو سمحتم لو حد يعرف إزاى أخلى باقى الأجهزة اللى على الشبكة تظهر فى ال locations عشان أدى ال permission للأجهزة اللى عاوزها؟

ثم اضغط add هتطلعلك ويندو اخرى اضغط على location واختار جهاز تاني باسمه انت عارف طبعا اسم الجهاز التاني

مفيش جهاز تانى بيظهر !!!