معلومات و إستفسارات كمبيوترية ... F1-help

**D . a .\ AYMAN** · 06-01-2009 10:50 PM

المشاركة الأصلية كتبت بواسطة NaderNabil

سؤالي بقي...هل فيه فلاشات أمنه ضد الهبل ده و الفيروسات و الErrors و وكده....
يعني حاجة تكون بروفيشونال...مش الهلس اللي بيتباع في الأسواق...

أنا جربت كل أنواع الفلاشات تقريبا وحاجات كمان معظمها جاي من برة ووصلت لنتيجة واحدة فقط إن الفلاشة دي مجرد وسيط لنقل بيانات هى أصلا بيانات محتفظ بها على جهاز كمبيوتر ونقلها الى جهاز آخر .... لكنها كوسيلة لحفظ البيانات ...> فاشلة تماما

عشان كده أنا بستخدمها فقط لما أكون هانقل حاجة من جهاز لجهاز آخر على طول وساعات كمان البيانات بتروح في الطريق ... عملتها معايا مرتين

المشاركة الأصلية كتبت بواسطة NaderNabil

ثانيا هل كان فيه طريقه أخري لإسترداد الملفات؟؟؟

الفلاشة لما بتعمل كده بيبقى غالبا الجدول بتاعها قثط هو الذي تلف ولكن البيانات اللى كانت مخزنة عليها في الأغلب الأعم تكون مازالت سليمة مالم يتم الكتابة عليها مرة أخرى

عشان كده في محاولة ممكن تعملها قبل ماتيأس من إسترجاع البيانات بتاعتها مرة أخرى وقبل ماتحاول تكتب أي حاجة تاني عليها نهائيا

إنك لما تعمل فورمات .. تختار الفورمات السريع QUICK FORMAT ... والنوع ده من الفورمات مش بيمسح البيانات اللى موجودة على أي وسيط لتخزين البيانات زي الهارد أو الفلاشة ... ولكنه يقوم فقط بمسح الجدول الخاص بالفلاشة أو الهارد وإنشاء جدول آخر جديد ولكنه نظيف تماما كأن الفلاشة أو الهارد لا يحويان أي بيانات ولكن فعليا البيانات لم تمسح ولا تزال موجودة

لذلك بعد الفورمات السريع يتم إستخدام أحد برامج إستعادة الملفات المحذوفة زي :-

1- RECOVER MY FILES
2- RECOVER 4 ALL
3- RECOVER LOST DATA
4- GET DATA RECOVER MY FILES

بس على فكرة الطريقة دي نسبة نجاحها أكبر بكتير في الهاردات المغناطيسية عن وساط التخزين الأخرى الإلكترونية