عرض للطباعة
عربيتى لما اكون مشغل التكييف واكون ماشى واحدة واحدة, فى اشارة او فى ملف مثلا بلاقى الماتور بيبطل ,, ودة بيحصل فقط لما اكون ماشى واحدة واحدة ومبيحصلش لما اكون ماشى عادى,, والموضوع دة مبيحصلش اصلا لما يكون التكييف مقفول.
ارجوا الافادة,,, ولكم جزيل الشكر..
يبقي كده في حاجه في جزء معين خاص انه بيعلي العربيه لما تشغل التكييف و محتاج الجزء دا بيتظبط عند الكهربائي
ده ممكن يكون حاجة من ثلاث :
1 - يكون الموتورعايز يعلى شوية
2 - الفريون ذيادة و دة لو كان انت بتحس ان الكمبروسور بيفصل و يتشغل بسرعة
3 - مروحة التكيف تكون عطلانة و ده برضة يبان لو الكمبروسور بيفصل و يشتغل بسرعة
و اللة اعلم
اكشف على الفاكيوم لأنه ممكن يكون مبيشتغلش لما التكيف يشتغل او العربية عايزة تعلى شوية..حاجة بسيطة جدا بس عايزة واحد فاهم و ودنه حلوة مع الموتور
اشكر كل الاخوة على الاهتمام
الموتورعايز يعلى شوية
هى العربية كاربراتير وللا رشاشات؟
تكييف فابريكة وللا تركيب؟
لو العربية كاربراتير والتكييف فابريكة فده ممكن يكون ان وحدة رفع سرعة السلانسية الملحقة بالكارباتير فيها مشكلة او الخرطوم بتاعها وقع من مكانه او اتخرم وده ممكن الميكانيكى يراجعهولك
أما لو التكييف متركب فممكن إما ان الوحدة دى تكون مش متركبة او انها تكون بايظة
وممكن فى جميع الحالات يكون السلانسيه واطى شوية
اما لو رشاشات فممكن تكون عايزة الرشاشات تتنضف او الموتور يعلى شوية من خلال الكومبيوتر
اقتباس:
المشاركة الأصلية كتبت بواسطة sab3aawy
اشكرك على الاجابة الوافية,,,, وعربيتى فعلا كاربراتير وتكييف فابريقة,,, وكنت لسة مظبط الكرابراتير علشان استهلاك البنزين وفعلا اتضبط بس واضح انة فى حاجة نسى يظبطها..
سبغاوى جامد طحن! فعلآ ملم تماما بالعربيات