-
من فضلكم أفيدونى برأيكم
السلام عليكم أعضاء المنتدى الجميل
لكم منى جميعا كل الود و الإحترام
الحقيقة انا عاوز أساعد واحد صديقى له سؤال و أنا مش عارف اجاوبه هو محتار بين شراء نيو أكسنت 2007 F.A / F.O 1600 C.C و بين النترا مستعملة إستعمال كويس موديل 2006 معروضة عليه و حالتها كويسة ( على حد كلامه ).بس هو خايف من اللعب اللى فى المستعمل انه ممكن يضحّك عليه.
أنا أرسلت السؤال دة بشكل شخصى للمهندس حسام منير اللى أنا باعتبره من قراءاتى للمنتدى هو شيخ الهيوندايين
و انا نفسى بجد أكون عضو فعال و أشارك بارائى بس انا مش خبير زيكم .
أجمل حاجة فى المنتدى دة إن كل الناس اللى فيه غاية فى الخلاق و الإحترام ودة دليل كبير على إن بلدنا - مهما كانت الظروف - فيها رجال و شباب زى الفل .
إقبلوا منى كل الشكر و لكم مزيد الإحترام
الشريف
-
معلش من فضلكم سؤال تانى
إزاى ممكن يكشف على العربية يعنى لو فيه مركز صيانة او اى مكان حد ممكن يرشحه يودى فيه العربية لو هيشتريها مستعملة
أرجو الإفادة
شكرا
-
شريف باشا اولاً اهلاً بك معنا في نايل موتورز :)
ثانياً بالنسبة للعربية فدي عربية تعتبر كسر زيرو فصعب يكون فيها لعب جامد خليك في السليم وروح اكشف على العربية في كارتك مثلاً كل الاخوة الجربوة بيشكروا فية وهتدفع مبلغ طبعاً اكتر من الممكن تدفعة في بنزينة بس على الاقل هتضمن انك واخد عربية نمرة واحد مفيهاش لعب ولا حاجة. بالمناسبة كارتك دة مركز صيانة معتمد من غبور وكيل هيونداي في مصر.
-
نادر بك
السلام عليكم و شكرا على ردك
سعادتك ما قلتليش أى تعليق على موضوع النيو أكسنت ... خبرتك أكيد فيها فايدة
ممكن من فضلك أعرف فين مكان كارتك دة و التكلفة ممكن تكون أد إيه وإيه أنواع ال Test
أشكرك جدا يا نادر بك
شريف
-
وعليكم السلام ورحة الله وبركاتة
بالنسبة للنيو اكسنت فانا عن نفسي مش بفضلها يعني انا شايف ان الريو الجديدة احسن منها لعدة اسباب بعضها اسباب شخصية بالنسبة للشكل مثلاً واخرى بالنسبة لسعر اعادة البيع وسهولة بعها اصلاً لان النيو اكسنت تقيلة شوية في السوق بالرغم من نزولها للخدمة مع اساطيل تاكسي العاصمة "يمكن دة يحركها شوية في السوق في المستقبل". بالنسبة للفنيات فهي زي اختها الريو في كل شئ تقريباً.
بالنسبة للكشف فهيكون في كشف علي الشاسية والبضي والموتور والعفشة.
وربنا يقدم اللي فية الخير.
-
يا باشا انا مش عارف اقول ايه اكتر من شكرا على اهتمامك و سرعة الرد و انا دورت ووصلت لعنوان كارتك بس دة بعيد جدا و ما اعتقدش انه واحد بيبيع عربية هيسمح لمشترى انه يروح العبور علشان يكشف على العربيةز
ما فيش حاجة قريبة و مضمونة كدة برضه زى كارتك
ربنا يبارك فيك يا اخ نادر
-
طيب شوف الموضوع دة واتصل بالخط الساخن واطلب عنوان اقرب مركز خدمة منك:
http://www.nilemotors.net/Forum/viewtopic.php?t=111
-
جزاك الله كل الخير يا أستاذ نادر
شكرا
-
جزانا وجزاكم إن شاء الله.
-
لو الالنترا 2006 دي حالتها حلوة متفرطش فيها وهاتها. :wink:
http://www3.0zz0.com/2007/08/05/14/82924690.jpg
_________________
محمد عبدالله
Content Relevant URLs by
vBSEO 3.6.0 PL2