الموضوع: ** كيف تعبر عن غضبك ..؟؟ **

khaledazizeg
انا من النوع الى بكتم فى نفسى بس لما بيزيد الضغط بأنفجر فى الى ادامى وبعمل حاجات عمر ما حد يتوقعها منى وكمان لو انا سايق بطلع غلبى كلة على العربية بالسرعة المتهورة

خالد ..بلاش أكتم وأنفجر دي ..هههههههههههههه محسسني اني قدام مستودع أنابيب غاز ههههههههههه

طيب يعنى الواحد يسلم عليك من بعيد لبعيد احسن (( على فكرة أنا بضحك معاك دلوقتى )) الموضوع مش ناقص انفجارات كفاية اللى في غزة :K_crying[1]:

لا نتكلم جد بقة : ـ يبقى حضرتك ياخالد بينطبق عليك إتقي شر الحليم اذا غضب

مرورك اسعدني وتعليقك أثري متصفحي

ردة فعلي بتختلف عندي من موقف لتاني
وانا نفسي بفكر ليه اتصرفت في الموقف الفلاني بالطريقة دي وفي موقف مشابه بطريقه مختلفة
ممكن لو حد اتعصب عليا ارد عليه بنفس العصبية
ممكن في موقف تاني اسكت من غير ولا كلمة
ممكن في موقف تالت اعيط
تخيلي ممكن حد يقولي كلمة تضايقني في موضوع واعيط

المشكلة الحقيقية لو ردة الفعل مع حد وجهاً لوجه ساعتها معنديش فرصة اراجع نفسي وكل واحد ونصيبه معايا بقه ههههههههههههه بس الغالب العرق الصعيدي بيشتغل

اذهب الى النوم ان استطعت او اخرج من البيت نهائيا وامشى مسافات طويلة ولا اعود الا متاخر

nabaste
طيب اقولك ايه بس علي مواضيعك المتميزه دي؟؟

ميرسي جدا ..لكن التميز هو مرورك الدائم على متصفحي

انتي طيب بتجيلك الافكار دي منين؟؟؟ ههههههههههههههههههههه

منين ..منين بنات أفكاري بيبعتوهم بالفاكس ههههههههههههههههههههههههه

واحد فعلا مينفعش تزعق فيه لانه بطبيعته حساس وبيفهم بسرعه
بضطر اني ادوس علي سناني وانا بتكلم واحاول افهمه براحه وبرتاح جدا بقي اما اوصله وجهة نظري وقلبي بيهدا خلاص

هو تصرف نبيل فعلا منك يانابستر .. بس الخوف بقة على اسنانك هههههههههههههه كدة هيقعوا بدري بدري

والتاني مينفعش لان كبير سنا او قرايبك من الناس الكبار وكده
بضطر اسفا امشي من قدام الي بيكلمني وبروح اوضتي او اي حته وممكن اخبط اي حاجه في سكتي ههههههههههههههههههههههههه هههههههههه

على كدة لازم نقول وإنت ماشي :وسع طريييييييييييييييق
لأنه دخل المحطة حالاههههههههههههههههههه

الكارثه بلاقي ان الخساير الماديه كترت
ههههههههه بكرة هتبطل ده خالص لما تتجوز لأنك انت اللى هتدفع هههههههههه إحنا مالنا بقة اتحمل

وبشكر صاحبة الموضوع تاني وكل الي شاركو فيه
أنا اللي بشكرك جدا على حضورك المتميز والدائم
تقبل تحياتي

نور القمر

ممكن لو حد اتعصب عليا ارد عليه بنفس العصبية
طبعا ماهو لكل فعل رد فعل

ممكن في موقف تاني اسكت من غير ولا كلمة
وده طبعا لما بتكوني مصدومة من تصرف اللى قدامك ..عموما السكوت من ذهب هههههههههههه

ممكن في موقف تالت اعيط
وده لو مش قادرة تاخدي حقك من اللى قدامك لأنه ممكن يكون أكبر سنا أو شخص عزيز طبعا ..على كدة يانور بتصرفي فلوسك كلها على المناديل هههههههههه

تخيلي ممكن حد يقولي كلمة تضايقني في موضوع واعيط
متخيلة لاننا في الهم سواااااااااااء وبفضل اقول واااااء واااااااااااء ههههههههههه

ههههههههههههه بس الغالب العرق الصعيدي بيشتغل
ياترى هي بتعمل ايه ايه ؟؟ههههههههههههه
ربنا يستر

ميرسي لمرورك المتميز وغضبك اللذيذ

mohmd76
اذهب الى النوم ان استطعت او اخرج من البيت نهائيا وامشى مسافات طويلة ولا اعود الا متاخر

يبقي حضرتك مش من النوع اللى بتحب تواجه مشاكلك
وبرغم ان غضبك ده مش بيأذي حد لكن المتضرر منه إنت لأنك بتخزنه جواك ..بلاش النوم .. لكن طريقتك فى المشى لمسافات دي بجد عجبتني جدا لسببين
1) بتخرج أى انفعال عن طريق الرياضة
2) لو واحد تخين بقة يضمن بعد وصفتك دي إن عمره ما يتخن خاااااااااااااااالص ههههههههههههه

مرورك اسعدني جدا ورد فعلك اضافت جو من الهدوء بعد كل الغضب اللى فات من الاعضاء اللى قبلك بما فيهم أنا
ههههههههههه تقبل تحياتي

المشكلة ان رد فعل الانسان ساعة الغضب بيختلف علي حسب حالته النفسية في الوقت ده
يعني لو انا في حالة نفسية كويسة يبقي حارد علي الشخص اللي قدامي بنفس اسلوبه او علي الاقل ححاول اني ارد عليه بدون اني اسيب حقي بس بالذوق
اما لو انا في حالة مزاجية سيئة بسبب اي شيء و شخص ما نرفزني بيبقي رد فعلي حاد ممكن ازعقله و احسسه انه انسان ما بيفهمش حاجة اصلا و قد يتطور الامر اني افقد اعصابي و اغلط فيه بالذات لو كان شخص ماليش تعامل معاه دائم
وساعات الواحد بيتلخم و مش بيقدر يرد علي اللي قدامه لو الموقف كان غير متوقع