الموضوع: مامدي تنظيفك لسياراتك

انا معنديش مكان في الشنطة من كتر المنظفات .

أرمور أول للتابلوه البخاخة + ستوك كام سفنجة أرمور أول كدة .
فوم للكاوتش عشان يبقي بيلمع من برة و أسود .
فوم للموتور .
فوم للفرش و الموكيت اللي تحت الدواسات .
سفنجة لل dash-board .
منظف زجاج بمستلزماته (البتاعة الكاوتش اللي بيمسكوها في البنزينة و البخاخة) .
شامبو لجسم العربية من برة .
علبة بولش + علبة واكس.
Wd-40 لتنظيف البلاستيك الغير مرشوش بدهان (بربريز الزجاج + الشبكة و أكس المرايات)

بس انا ببقي مستعجل فا بغسلها في البنزينة

انا بقي عن نفسي لازم كل يوم بنضفها من الداخل بنفسي وبعدين اخدها فوطة زفرة وبعدين الاربع فرد بالرفارف وبعدين فوطة بلة
وكل دة بنفسي مش عارف اتعدت علي كدة ولا اية ومعرفشي امشي بالعربية وهيا متوسخة بحس ان انا متعفرط كدة
ومش بحب حد يغسلها بحس انة بيكروتها

المشاركة الأصلية كتبت بواسطة ahmednabeel

الاخ الفاضل ماجيفر اولا احب اسلم عليك وليا الشرف اني ارد على موضوعك الجميل ده

بص ياسيدي انا بغسل العربية مرتيين في اليوم مرة البواب بيغسلها قبل ما انزل والتانية في الجراج اللي بركن فيه عند الشغل قبل ما امشي بتكون مغسولة لاني بيني وبينكم لما بركب العربية وهي متربة بيجيلي حالة قشعريرة وبحس ان العربية حزينة ده بالنسبة للعربية من بره اما من جوه فا مرتيين في الاسبوع عند الناس اللي بتقف عند مصطفى محمود اللي بيغسلوا العربيات وبدفع 20جنية شاملة التنطيف بره وجوه اما المرايا مش عايز اقولك فيها تقريبا 3 انواع معطر لازم ريحه العربية تكون فواحه وكل شوية تهف الريحة في منخيرك

وجايب ليها بخاخ من جوه للتابلو وجايب بخاخ تاني للمتور وبخاخ تالت للكاوتش عشان يخليه بيلمع ومسود اوي كده

بس ياسيدي ده بالنسبة للفيرناية ال gtr

دة انا اللي ليا الشرف بجد والله ومنور الموضوع

البواب بيوسخها كل يوم الصبح بس الواحد مافيهوش حليل انه بنظفها كل مايجى نازر المهم ان الازاز نظيف

لكن كل يوم جمعه انزل بالمكنسه فى الجراج و اقعد تنظيف فيها من بعد الصلاه لحد العصر من جوه و بره و دى مره كل جمعتيين يعنى جمعه اه و جمعه لا

و غسيل الشاسيه مره كل شهريين او 3

انا غريب جدا ف الحاجات دي بقي.. :)
عادة.. العربية البواب بينضفها بفوطة زفرة بس..
يعني انا مش باخليه يغسلها بمية.. غير لو كانت مطينة بقي و مش باين ليها معالم.. و مش باغسلها ف بنزينة غير قليل جدا..
يعني العربية بقالها معايا سنة.. اتغسلت ف المحطة مرتين بس :) :) :)
من جوة.. الارضية فيها تراب كتير.. بس مش بافضي اوديها تتغسل من جوة بس ف المحطة..

عشان كده ماخترتش اي اوبشن من اللي انت حاططهم ف التصويت..
مرة كل سنة..

المشاركة الأصلية كتبت بواسطة Ahmad Allawy

انا غريب جدا ف الحاجات دي بقي.. :)
عادة.. العربية البواب بينضفها بفوطة زفرة بس..
يعني انا مش باخليه يغسلها بمية.. غير لو كانت مطينة بقي و مش باين ليها معالم.. و مش باغسلها ف بنزينة غير قليل جدا..
يعني العربية بقالها معايا سنة.. اتغسلت ف المحطة مرتين بس :) :) :)
من جوة.. الارضية فيها تراب كتير.. بس مش بافضي اوديها تتغسل من جوة بس ف المحطة..


عشان كده ماخترتش اي اوبشن من اللي انت حاططهم ف التصويت..
مرة كل سنة..

انت عكس واحد صحبى خالص اكيد انت عارفه