مامدي تنظيفك لسياراتك

**MohabSaeed** · 05-01-2009 08:39 PM

الطبيعى بغسل العربيه مرتين فى الشهر او تلاته لو رايح مناسبه مثلا .و بغسل العربيه بنفسى
و حاطط فى شنطه العربيه هاندباج فيها شامبو مخصوص لغسيل السياره من الخارج " قبل ماحد يتريق ده رخيص و ب 2 جنيه " :-) , مظف متعدد الاستخدامات للفرش و الموكت و البلاستيكات , ملمع للتبلوه ارموراول , واكس ارموراول , فوم للجنط ارموراول ,WD40 , ويندكس لتلميع الزجاج , علبة كمبوند و علبة بولش سوبر ميدو " ملهومش لازمه " ,كيس قطن , اربع فوط قطنيه , 3 فوط فايبر , فوطه جلد , سنفجه ناعمه لنظيف الجنط , و عاوز اجيب فوم الكاوتش برده ارموراول :-)

انا عموما بتبسط و انا بنظف عربيتى بنفسى
مره نظفت العربيه و اديتها وش بولش فى 6 ساعات !!!!!

**ahit** · 06-01-2009 04:54 AM

النظافة الدائمة للسيارة بتسهل عملية التنظيف فى كل مرة يعنى مش بيبقى فيه تراكم للأوساخ و الأتربة و بالتالى مجهود و وقت أقل فى التظيف
و أنا من الناس اللى بتحب جداً تنظيف العربية بنفسها

**MohaMed_Refaat** · 06-01-2009 05:56 AM

هو انا بنظفها على حسب الجو يعنى بعد المطرة لازم اغسلها علشان الطين وفى التراب بغسلها كل يومين وفى العادى بغسلها كل اسبوع .

**abzoabzo** · 06-01-2009 11:49 AM

المية الكتير مش صح على صاج العربية

انا بحب انظف العربية بنفسى وبغسلها مرة فى الشهر وكل يوم قبل مغطيها لازم اشيل التراب علشان مع الشبورة بيعمل شغل جامد ولما بمشى فى شوارع غرقانة لازم اغسل العربية من تحت

**smsmbakr** · 06-01-2009 05:26 PM

انا ساعات بتطلع في دماغي اغسلها بنفسي
وطبعا بتطلع بتلمع على الاخر ...(((لأ طبعا )))
وبوديها تتغسل بره وجوه بـ 15 ج بس ياعني اريح ليا

**mrghost** · 06-01-2009 06:48 PM

انا عندى فى بيتى تحت جراج خاص بركن فيه العربيتين بس مابغسلهمش الا لو فيه مناسبه (يعنى خروجه او فرح )(بكسل اوى ) اهم حاجه عندى نظافة الصالون بتاع العربيه انما لو حد شاف العربيه عامله عندى ازاى
الطينه عليها لحد الازاز بس بصراحه انا قاصد كده علشان عند الكليه الطلبه هناك بيقعدوا على العربيه وما شاء الله مليانه خدوش كلها بسببهم ولو لاقيت والدى بنظف العربيه بقوله لا سيبها كده علشان العيال اللى عند الكليه فبيسيبها

**MoToRiZeR** · 07-01-2009 01:40 AM

i'll clean the clio tomorrow morning, but i may think again because it's so cold in the outside lol

i wonder how do they survive the winter those who work in washing cars!!!