ازيكوا ياجماعة عاملين اية
بتغسلوا عربياتكوا زيي كدة كل يوم ولا كل قد اية ولاهل بتهتموا بنضافة العربية ولا لا
عرض للطباعة
ازيكوا ياجماعة عاملين اية
بتغسلوا عربياتكوا زيي كدة كل يوم ولا كل قد اية ولاهل بتهتموا بنضافة العربية ولا لا
العربية من جوا لازم انضفها بايدي عن طريق فوطة من التراب
عقبال ما العربية ما تسخن
العربية البواب بيلمعهالي كل ما اجي اخرج
و بغسلها مرة كل اسبوع غسلة حلوة
و كومبروسر هوا من جوا كل اسبوعين
اما غسيل العربية من تحت فمرة كل ما اكون فاضي
غالبا بيبقى كل شهرين لاربع شهور
ياااه فكرتني
انا حياتي جزئين
شهور الشغل (بدون أجازات) و شهور الأجازات بدون شغل
أيام الشغل بتتحول العربية من جوا الى سيرك
ورق مهم على مش مهم على كيس شيبسي على جراب نظارة على كوفية على نص جنيه على غطا قلم ..كده يعني
و ما ينفعش حد ينضفها علشان باحس انه حاطط ايديه في بنطلوني كده ..ما بابقاش مرتاح ,,
بس البواب بيغسلها من بره كل يوم مرتين ولا حاجة
أيام الأجازة بقى
تلاقيها بتبرق
ما فيهاش حاجة غيري
هههههههههه
الاخ الفاضل ماجيفر اولا احب اسلم عليك وليا الشرف اني ارد على موضوعك الجميل ده
بص ياسيدي انا بغسل العربية مرتيين في اليوم مرة البواب بيغسلها قبل ما انزل والتانية في الجراج اللي بركن فيه عند الشغل قبل ما امشي بتكون مغسولة لاني بيني وبينكم لما بركب العربية وهي متربة بيجيلي حالة قشعريرة وبحس ان العربية حزينة ده بالنسبة للعربية من بره اما من جوه فا مرتيين في الاسبوع عند الناس اللي بتقف عند مصطفى محمود اللي بيغسلوا العربيات وبدفع 20جنية شاملة التنطيف بره وجوه اما المرايا مش عايز اقولك فيها تقريبا 3 انواع معطر لازم ريحه العربية تكون فواحه وكل شوية تهف الريحة في منخيرك
وجايب ليها بخاخ من جوه للتابلو وجايب بخاخ تاني للمتور وبخاخ تالت للكاوتش عشان يخليه بيلمع ومسود اوي كده
بس ياسيدي ده بالنسبة للفيرناية ال gtr
العربيه انا بغسلها بنفسي من الداخل مرتين في الاسبوع
و كل يوم البواب بيغسلها من بره
مرة واحدة كل يوم
مرة واحدة في الشهر
في يومين الشتا دول
لازم مرة كل يوم او يومين
ده المفروض..اما بالنسبه لي
قمة الكسل:k38:
لما بتتوسخ بغسلها سواء جوة او برة.
انما مش عمال على بطال.
يعنى
جوة تقريبا مرة فى الشهر
برة مرة كل اسبوعين
من الخارج: مرة كل شهر عشان المية الكتير مش صح على صاج العربية على حد علمى ... ده فى الأيام العادية من غير مطر ..لكن لو فى مطر بغسلها من الطين على طول
لكن بلمعها كل ما انزل ..
من الداخل: كل ما تتسخ ... بنفسي.
بصراحة بستغرب من الناس اللى بتغسل العربية يوميا بالماء...!
تقريباً غسلة محترمة مرة في الشهر (جوة و برة و من تحت)
تقريباً مسح بالفوطة كل يوم
من الداخل حسب الظروف البيئية
وساعات أسيبها من غير حاجة كده حسب المزاج
الحلو في الموضوع أني باعمل كل ده بنفسي من 8 سنين تقريباً (خبرة يعني). نادراً لما أروح المغسلة عشان التشحيم بس. اللي بيساعد في كده الجراج تحت البيت و منه للأسفلت و عامل بوز نحاس للخرطوم عند المخرطة لزوم الضغط العالي :) . و عشان البرستيج باختار مواعيد زي 6 الصبح أو 2 بالليل لو في رش بالخرطوم :)
انا معنديش مكان في الشنطة من كتر المنظفات .
أرمور أول للتابلوه البخاخة + ستوك كام سفنجة أرمور أول كدة .
فوم للكاوتش عشان يبقي بيلمع من برة و أسود .
فوم للموتور .
فوم للفرش و الموكيت اللي تحت الدواسات .
سفنجة لل dash-board .
منظف زجاج بمستلزماته (البتاعة الكاوتش اللي بيمسكوها في البنزينة و البخاخة) .
شامبو لجسم العربية من برة .
علبة بولش + علبة واكس.
Wd-40 لتنظيف البلاستيك الغير مرشوش بدهان (بربريز الزجاج + الشبكة و أكس المرايات)
بس انا ببقي مستعجل فا بغسلها في البنزينة
انا بقي عن نفسي لازم كل يوم بنضفها من الداخل بنفسي وبعدين اخدها فوطة زفرة وبعدين الاربع فرد بالرفارف وبعدين فوطة بلة
وكل دة بنفسي مش عارف اتعدت علي كدة ولا اية ومعرفشي امشي بالعربية وهيا متوسخة بحس ان انا متعفرط كدة
ومش بحب حد يغسلها بحس انة بيكروتها
البواب بيوسخها كل يوم الصبح بس الواحد مافيهوش حليل انه بنظفها كل مايجى نازر المهم ان الازاز نظيف
لكن كل يوم جمعه انزل بالمكنسه فى الجراج و اقعد تنظيف فيها من بعد الصلاه لحد العصر من جوه و بره و دى مره كل جمعتيين يعنى جمعه اه و جمعه لا
و غسيل الشاسيه مره كل شهريين او 3
اسمحلي ادلو بدلوي
مش كل العربيات اللي بتتأثر بالمياه حتي مع الاملاح والشوائب
يعني مثلا انا عربيتي شاريد 90 الباب اللي ورا اتخبط في يوم مطر ورديت الباب والصاج بان وبصراحه قولت اما اعمل العربيه كلها فسبته وخصوصا ان لون العربيه فيراني فاتح مش باين الباب اللي مخبوط ومشيت بيها طول الشتا ومفيش ولا ملي بارومه ولا الصاح حتي فقد بريقه
استخلص من ذلك انه يوجد سيارات معالجه ضد الصدأ وسيارات لاء
ارجو ان اكون افدت
ابو أياد
انا غريب جدا ف الحاجات دي بقي.. :)
عادة.. العربية البواب بينضفها بفوطة زفرة بس..
يعني انا مش باخليه يغسلها بمية.. غير لو كانت مطينة بقي و مش باين ليها معالم.. و مش باغسلها ف بنزينة غير قليل جدا..
يعني العربية بقالها معايا سنة.. اتغسلت ف المحطة مرتين بس :) :) :)
من جوة.. الارضية فيها تراب كتير.. بس مش بافضي اوديها تتغسل من جوة بس ف المحطة..
عشان كده ماخترتش اي اوبشن من اللي انت حاططهم ف التصويت..
مرة كل سنة..
الطبيعى بغسل العربيه مرتين فى الشهر او تلاته لو رايح مناسبه مثلا .و بغسل العربيه بنفسى
و حاطط فى شنطه العربيه هاندباج فيها شامبو مخصوص لغسيل السياره من الخارج " قبل ماحد يتريق ده رخيص و ب 2 جنيه " :-) , مظف متعدد الاستخدامات للفرش و الموكت و البلاستيكات , ملمع للتبلوه ارموراول , واكس ارموراول , فوم للجنط ارموراول ,WD40 , ويندكس لتلميع الزجاج , علبة كمبوند و علبة بولش سوبر ميدو " ملهومش لازمه " ,كيس قطن , اربع فوط قطنيه , 3 فوط فايبر , فوطه جلد , سنفجه ناعمه لنظيف الجنط , و عاوز اجيب فوم الكاوتش برده ارموراول :-)
انا عموما بتبسط و انا بنظف عربيتى بنفسى
مره نظفت العربيه و اديتها وش بولش فى 6 ساعات !!!!!
النظافة الدائمة للسيارة بتسهل عملية التنظيف فى كل مرة يعنى مش بيبقى فيه تراكم للأوساخ و الأتربة و بالتالى مجهود و وقت أقل فى التظيف
و أنا من الناس اللى بتحب جداً تنظيف العربية بنفسها
هو انا بنظفها على حسب الجو يعنى بعد المطرة لازم اغسلها علشان الطين وفى التراب بغسلها كل يومين وفى العادى بغسلها كل اسبوع .
المية الكتير مش صح على صاج العربية
انا بحب انظف العربية بنفسى وبغسلها مرة فى الشهر وكل يوم قبل مغطيها لازم اشيل التراب علشان مع الشبورة بيعمل شغل جامد ولما بمشى فى شوارع غرقانة لازم اغسل العربية من تحت
انا ساعات بتطلع في دماغي اغسلها بنفسي
وطبعا بتطلع بتلمع على الاخر ...(((لأ طبعا )))
وبوديها تتغسل بره وجوه بـ 15 ج بس ياعني اريح ليا
انا عندى فى بيتى تحت جراج خاص بركن فيه العربيتين بس مابغسلهمش الا لو فيه مناسبه (يعنى خروجه او فرح )(بكسل اوى ) اهم حاجه عندى نظافة الصالون بتاع العربيه انما لو حد شاف العربيه عامله عندى ازاى
الطينه عليها لحد الازاز بس بصراحه انا قاصد كده علشان عند الكليه الطلبه هناك بيقعدوا على العربيه وما شاء الله مليانه خدوش كلها بسببهم ولو لاقيت والدى بنظف العربيه بقوله لا سيبها كده علشان العيال اللى عند الكليه فبيسيبها
i'll clean the clio tomorrow morning, but i may think again because it's so cold in the outside lol
i wonder how do they survive the winter those who work in washing cars!!!
لما تنظف العربيه بتحس انها زي الانسان لما بياخذ شور بيفوق والعربيه كذلك بتحس انها فاقت
البواب بيمسحها كل يوم من بره
اما من جوه مره كل اسبوع علي الأقل
انا بالنسبة لى كل ما تترب من برة اغسلها عند الجماعة اللى بيقفوا بالجردل فى الشارع
ومرة كل شهر من برة فى المشحمة على الارض
وبارفعها كل شهرين
وعلى فكرة الكلام دة مش روتين لكن حسب الحالة بتاعة العربية والظروف يعنى لو وراك مناسبة ولا حاجة
اما من جوة انا عندى جاروف وفرشة بادور بيه على العربية مرتين فى الاسبوع بايدى وانا باسخنها او بعد اخر مشوار وانا طالع البيت
وبافكر اجيب بلاور قريبا
قبل ماستلم العربيه كونت بقول ...انى هنضفها كل يوم واخليها بتلمع...بس اول ماستلمتها لحد دلوقتى ماتنضفتش غير مرتين من برا وجوا(تنظيف البواب) ..والصراحه من جوا كلها تراب وعلب فاضيه ومناديل....واللى مخلينى اكسل انضفها ان المرتين اللى نضفتهم فيها العربيه اتخبطت منى فى يومها...ومن ساعتها بنزل بيها متربه.
[QUOTE=MoToRiZeR;583749]yea i agree it's great to run or play football in the winter but i still can't imagine working with water all the time :policeman:
ربنا بيقويهم من عنده لان ده شغلهم
وربنا يقوينا كلنا
انا عن نفسى كل لما تتوسخ من جوة او من برة بغسلها
مبحبش امسى بيها و هيا ومتربة خالص