فعلا انا عندي 1200 و طنابيرها عادي.. مش مهواة...
اكيد اللي بتقول عليها دي فراملها الخلفية ديسكات برضه مش طبلة.. صح...؟؟
عرض للطباعة
ياجامعه لو سمحتو بخصوص الاوبل كورسا التسعينات 1000 سىسى زى ما قولتم فى المقارنه ان فى حساسين بيبوظو طب ياترى دا عيب اوى فى العربيه وياترى سعرهم غالى و المده الزمنيه المتوسط يعنى الى ممكن يكونو بيبوظو فيهم تقريبا اد ايه ارررجو الرد ياخبراء الاوبل لان بجد بدور على اوبل كورسا 1000 سىسى
تانى حاجه هامه لو سمحتوووو صحيح عمره الماتور الاوبل كورسا بتوصل ل 6000 جنيه
اسف على الاطاله ومعلش لانى مش بفهم فى العربيات وارجو المساعده
هو لازم 1000 يعني..؟؟
فرق السعر بسيط جدا.. اشتري دماغك و هات 1200 احسن.. و ووفر علي نفسك صداع الحساسات و كده..
المشكلة ان ممكن حساس من دول يضرب و يخلي العربية تتلخبط.. و تدور عليه.. و ممكن متلاقيهوش بسهولة.. او تلاقيه غالي قوي.. و يطلع بايظ.. او يبوظ بسرعة..
نصيحة.. اشتري دماغك.. و خليك في 1200 موديل 97 وده اخرها... بعد كده 1000
السلام عليكم
أيه يا أحمد باشا
الكورسا ال 1000 مش وحشة قوى كدة وبعدين قطع الغيار متوفرة جديدة وإستعمال
الحساسات هى ال MAF وال idel وموجودة سواء فى التوكيل أو برة جديد وإستعمال بعدين هى مش بتبوظ كل يوم يعنى ولا كل شهر ولاحتى 6 شهور.
المهم هو يكشف عليها فى التوكيل قبل الشراء ويعمل لها سكان كامل هناك قبل ماياخدها.
وبعدين لو حصل معاه حاجة وحوش الأوبل اللى فى المنتدى وسيادتك أولهم وأنا أخرهم مش حانسيبه وحانقوله فلى كل اللى نعرفه.
وبعدين بالطريقة دى ماحدش حايشترى أوبل 1000 خالص واللى معاة واحدة حاتفضل معاه العمر كله مش حايعرف يبيعها لأن سمعتها بفت وحشة بدون داعى.وخاصة فى المنتدى هنا
علما بأنها أشد من ال 1200 كموتور وتكنولوجيا وعزم وسحب وخلافه.
أخوك فى الله هانى
http://www.postimage.org/aVGzF2i.jpg
هؤلاء من سجدوا لله فأعزهم
القصة كلها اني كل اللي باتكلم فيه ده تجارب شوفتها بنفسي.. و اصحاب العربيات مكانوش مبسوطين.. ف النتيجة ان بقتا لعربية بوجه عام.. فيها مشكلة مشهورة.. و انت وحظك بقي.. ممكن تحصل معاك و ممكن لأ,.,,
و للأسف الاشخاص اللي اعرفهم كان معاهم العربية دي.. و ضرب معاهم حساسات.. تعبتهم جدا في تغييرها.. و الاستيراد مش رخيص.. مش اقل من 600-700 و بنسبة 80% بيطلع مش مظبوط.. و الجديد انت و حظك و غالي..
و علي فكرة نفس الكلام و التحذير انا باقوله لأي حد بيفكر في الفيكترا ال1600 الاوتو..
عشان لو حد جاب العربية يبقي علي مسئوليته.. و ميزعلش ان محدش حذره.. ولا يدعي علينا اننا محدش نبهه للحاجات دي..
وعموما.. معلش لو كان كلامي ضايقك..
و انا مش معترض ابدا علي كونا لعربية مع انها اقل في السي سي انها موتورها و عزمها و كل حاجة اقوي من ال1200 .. و تكنولوجي اعلي..
بس اكيد لو مكانش فيها المشكلة دي.. كنت انا اول واحد هاجري عليها و اجيبها..
اولا احب اشكركم جدا والله على ردكم والاهتمام بالرد عليا ودا مش غريب على ناس فى زوئكم
واكيد طبعا انا استفدت من كلامكم بس الى خلانى افكر فى ال 1000 سىسى هو ان ال 1200 اعلى شويه من المبلغ الى معايا او لو حضرتك عندك فكره ال 1200 الى حالتها كويسه بتكون عامله كام او التمن الكويس عليها دلوقتى تبقى فى حدود كام تبقى مشكور
وبخصوص هانى والله المشكله ياهانى بااشا ان انا مش خبره فى العربيات ومحتاج عربيه تساعدنى وتنجز معايا لان انا محتاجها حاليا علشان اقدر انزل شغلى بس باستمرار لان ركبتى حصلها اصابه فعاوز حاجه تنجز معايا ومش تخلينى اتعب كمان مع الميكانيكه وكدا وخصوصا انى مش خبره فى العربيات
ومشكور جدا ليكم وياريت الى عنده فكره كويسه بالنسبالى يقولها ليه