مقارنة ما بين كورسا 1200cc و كورسا 1000cc

**Ahmad Allawy** · 05-03-2009 09:47 AM

المشاركة الأصلية كتبت بواسطة mezo2002

اولا احب اشكركم جدا والله على ردكم والاهتمام بالرد عليا ودا مش غريب على ناس فى زوئكم
واكيد طبعا انا استفدت من كلامكم بس الى خلانى افكر فى ال 1000 سىسى هو ان ال 1200 اعلى شويه من المبلغ الى معايا او لو حضرتك عندك فكره ال 1200 الى حالتها كويسه بتكون عامله كام او التمن الكويس عليها دلوقتى تبقى فى حدود كام تبقى مشكور

وبخصوص هانى والله المشكله ياهانى بااشا ان انا مش خبره فى العربيات ومحتاج عربيه تساعدنى وتنجز معايا لان انا محتاجها حاليا علشان اقدر انزل شغلى بس باستمرار لان ركبتى حصلها اصابه فعاوز حاجه تنجز معايا ومش تخلينى اتعب كمان مع الميكانيكه وكدا وخصوصا انى مش خبره فى العربيات

ومشكور جدا ليكم وياريت الى عنده فكره كويسه بالنسبالى يقولها ليه

تمام يا باشا.. انا مش معترض..
شوف بقي حد يكون فاهم كويس في ال1000 و يكون عارف ازاي يميز الحساسات بتاعتها تكون سليمة كويس و كده.. و ممكن يفيدك في حالة لا قدر الله حصل فيهم حاجة.. و يجيبهملك من مكان مضمون و سعر كويس.. عشان انا بصراحة ماعرفش فيها خالص ال1000..

عموما.. ربنا يوفقك في حاجة تمام.. و ربنا يشفي ركلتك من الاصابة.. و تبقي زي الفل ان شاء الله..

**mando_07** · 20-04-2009 08:00 PM

طب مفيش حد يعرف الحساسات دي بتتغير كل إد إيه بالتقريب كدا ؟

**Ahmad Allawy** · 21-04-2009 01:27 AM

المشاركة الأصلية كتبت بواسطة mando_07

طب مفيش حد يعرف الحساسات دي بتتغير كل إد إيه بالتقريب كدا ؟

لأ بيتهيألي الحاجات دي مش بتبقي محددة بكيلومتر..
علي حسب الاستعمال بقي.. و العوامل اللي بتفرق في عمر الحساس

**mando_07** · 21-04-2009 02:32 AM

يعني حضرتك متعرفش بالتقريب هيا ممكن تعمل متوسط كام سنة كدا ؟

**Ahmad Allawy** · 21-04-2009 10:59 AM

المشاركة الأصلية كتبت بواسطة mando_07

يعني حضرتك متعرفش بالتقريب هيا ممكن تعمل متوسط كام سنة كدا ؟

مش عارف بصراحة..
ممكن لو حد من اللي معاه العربية يفيدنا..
او حد من الناس الخبرة اللي اشتغلوا ف التوكيل يفيدنا..

**hanykd** · 21-04-2009 11:29 AM

السلام عليكم
"طب مفيش حد يعرف الحساسات دي بتتغير كل إد إيه بالتقريب كدا "
شوف ياسيدى الحساسات اللى ممكن تتعب شويه هى ال MAF , Ideal ,TPS ودول بقى على حسب إستخدامك أو إستخدام اللى حاتشترى منه العربية أغلاهم هو ال MAF , ,وعلى فكرة ممكن تمشى من غيره بس معدل إستهلاك البنزين حايبقى أعلى شوية يعنى حاتفرق لتر كل 10 لتر يعنى بدل ما 10 لتر حايعملوا 150كم فيما فوق حايعملوا 120 ويمكن أقل حاجة بسيطة" عن تجربة شخصية" وتمن الحساس 1250 من التوكيل و من 400 ل 500 إستيراد بس لو حاتجيبه إستيراد لازم تروح تكشف عليه فى التوكيل أو على أى سكانر عشان ممكن يكون مش شغال بس مش عاطى Error وعمره الإفتراضى مش أقل من 5 سنين.
ال Ideal , دة مهمته التسخين والسلانسيه ودة مش بيبوظ بسهوله تمنه إستعمال 200 جنيه وجديد 650 جنيه ودة حد أدنى يعيش 10 سنين لو أصلى

ال TPS دة حساس البنزبن ومهم جدا وعادة مش بيبوز بسهولة إلا لو رجلك دايما تقيلة عاى البنزين وانت سايق وتمنه 450 جنيه جديد إستعمال 200 جنيه
الأصلى بتاع الحساسات دى كلها ماركته Bosch
وعلى فكرة فى الإستعمال أنت وشطارتك يعنى ممكن تطلع أجدع منى وتاخد بأسعار أقل.
وأى سؤال أنا فى الخدمة.