الموضوع: مقارنة ما بين كورسا 1200cc و كورسا 1000cc

المشاركة الأصلية كتبت بواسطة farahat

أولاً اشكر كل من قام بالمرور على هذا الموضوع شكراً جزيلاً ،

الفكرة إن الموضوع مقارنة بين عربيتين مش مقارنة مواتير ، لأني كدة مش هعرف أقيم اداؤه إلا إذا جربته متسقط في عربية ، و دي حاجة مش سهلة.

أما موضوع الصور فدي أحمد باشا عنده حق فيها ، و اشكر modux على التوضيح للفرق في الشكل و هحول أجيب صور ليهم إن شاء الله .

ممدوح باشا ، مفيش فرق في الفرامل بين الاتنين الموجودين في مصر ، لكن ال-١٢٠٠ إلي حضرتك بتتكلم عليها دي موديل ٩٨-٢٠٠٠ ، يعني ال-١٢٠٠ بتاعة الشكل إلي نزل منه هنا ١٠٠٠ فقط ، و دي كانت فراملها أقوى عشان موتورها أقوى (هو موتور ال-ECOTEC 1200CC إلي هو كان نازل في استرا ).

الشكر لله يا باشا..
تسلم ايدك علي الموضوع المحترم جدا..
و مبروك التثبيت يا باشا..

المشاركة الأصلية كتبت بواسطة MMamdouh

لا انا قصدى العكس... ال1200 هى اللى فيها طنابير مهواه

معتقدش ان ال1000 او ال1600 فيها ديسكات ورا

MMamdouh

ماهو انا 1200 و محمد كان 1000.. و احنا الاتنين الطنابير عندنا مش مهواة..
هي غالبا فعلا بتاعت موديلات منزلتش مصر..

المشاركة الأصلية كتبت بواسطة mezo2002

ياجامعه لو سمحتو بخصوص الاوبل كورسا التسعينات 1000 سىسى زى ما قولتم فى المقارنه ان فى حساسين بيبوظو طب ياترى دا عيب اوى فى العربيه وياترى سعرهم غالى و المده الزمنيه المتوسط يعنى الى ممكن يكونو بيبوظو فيهم تقريبا اد ايه ارررجو الرد ياخبراء الاوبل لان بجد بدور على اوبل كورسا 1000 سىسى
تانى حاجه هامه لو سمحتوووو صحيح عمره الماتور الاوبل كورسا بتوصل ل 6000 جنيه
اسف على الاطاله ومعلش لانى مش بفهم فى العربيات وارجو المساعده

هو لازم 1000 يعني..؟؟
فرق السعر بسيط جدا.. اشتري دماغك و هات 1200 احسن.. و ووفر علي نفسك صداع الحساسات و كده..
المشكلة ان ممكن حساس من دول يضرب و يخلي العربية تتلخبط.. و تدور عليه.. و ممكن متلاقيهوش بسهولة.. او تلاقيه غالي قوي.. و يطلع بايظ.. او يبوظ بسرعة..

نصيحة.. اشتري دماغك.. و خليك في 1200 موديل 97 وده اخرها... بعد كده 1000

المشاركة الأصلية كتبت بواسطة hanykd

السلام عليكم
أيه يا أحمد باشا
الكورسا ال 1000 مش وحشة قوى كدة وبعدين قطع الغيار متوفرة جديدة وإستعمال
الحساسات هى ال MAF وال idel وموجودة سواء فى التوكيل أو برة جديد وإستعمال بعدين هى مش بتبوظ كل يوم يعنى ولا كل شهر ولاحتى 6 شهور.
المهم هو يكشف عليها فى التوكيل قبل الشراء ويعمل لها سكان كامل هناك قبل ماياخدها.
وبعدين لو حصل معاه حاجة وحوش الأوبل اللى فى المنتدى وسيادتك أولهم وأنا أخرهم مش حانسيبه وحانقوله فلى كل اللى نعرفه.

وبعدين بالطريقة دى ماحدش حايشترى أوبل 1000 خالص واللى معاة واحدة حاتفضل معاه العمر كله مش حايعرف يبيعها لأن سمعتها بفت وحشة بدون داعى.وخاصة فى المنتدى هنا
علما بأنها أشد من ال 1200 كموتور وتكنولوجيا وعزم وسحب وخلافه.
أخوك فى الله هانى



هؤلاء من سجدوا لله فأعزهم

القصة كلها اني كل اللي باتكلم فيه ده تجارب شوفتها بنفسي.. و اصحاب العربيات مكانوش مبسوطين.. ف النتيجة ان بقتا لعربية بوجه عام.. فيها مشكلة مشهورة.. و انت وحظك بقي.. ممكن تحصل معاك و ممكن لأ,.,,
و للأسف الاشخاص اللي اعرفهم كان معاهم العربية دي.. و ضرب معاهم حساسات.. تعبتهم جدا في تغييرها.. و الاستيراد مش رخيص.. مش اقل من 600-700 و بنسبة 80% بيطلع مش مظبوط.. و الجديد انت و حظك و غالي..

و علي فكرة نفس الكلام و التحذير انا باقوله لأي حد بيفكر في الفيكترا ال1600 الاوتو..

عشان لو حد جاب العربية يبقي علي مسئوليته.. و ميزعلش ان محدش حذره.. ولا يدعي علينا اننا محدش نبهه للحاجات دي..

وعموما.. معلش لو كان كلامي ضايقك..
و انا مش معترض ابدا علي كونا لعربية مع انها اقل في السي سي انها موتورها و عزمها و كل حاجة اقوي من ال1200 .. و تكنولوجي اعلي..
بس اكيد لو مكانش فيها المشكلة دي.. كنت انا اول واحد هاجري عليها و اجيبها..