| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 52

  1. #1

    الصورة الرمزية farahat

    رقم العضوية : 2264

    تاريخ التسجيل : 21Sep2007

    المشاركات : 1,671

    النوع : ذكر

    الاقامة : القاهرة

    السيارة: N/A

    السيارة[2]: BMW

    دراجة بخارية: NA

    الحالة : farahat غير متواجد حالياً

    افتراضي مقارنة ما بين كورسا 1200cc و كورسا 1000cc - Facebook Twitter whatsapp انشر الموضوع فى :

    العربية ال-١٢٠٠ موتورها بسيط و تكنولوجية بسيطة و دة معناه : بنزين أكتر شوية ، قوة أقل شوية ، عزم أقل و في المقابل سهولة في الصيانة و طبعاً قطع غيار موتور عددها أقل .
    غير كدة العربيتين تقريباً واحد في كل حاجة .

    الطول : ٣٧٤ سم
    العرض : ١٧٧ سم (شامل المرايات لأنه غير قابلة للطي )
    قاعدة العجلات : ٢٤٤ سم
    و بالتالي العربية واسعة جداً تقريباً في نفس وسع الإكسل لأن ليهم نفس المقاسات مع عدا طول الشنطة انما الصالون واحد في الأبعاد .
    وزن : ٨٧٥ كيلوجرام (يعني خفيفة إلى حد ما عشان كدة بتجري جامد )

    مقارنة سريعة كدة نعملها :
    كورسا ١٢٠٠ (موديل ٩٤ - ٩٧ ):
    - ١٢٠٠ CC
    - ٤ سيلندر
    - ٨ صباب ( يعني ٢ لكل سيلندر )
    - ٤٥ حصان - ٨٦ نيوتن متر عزم
    - أقصى سرعة ١٤٤ كم/ساعة تقريباً
    - التسارع من ٠-١٠٠ في ١٧٫٤ ثانية
    - حقن إلكتروني (يعني فيها وحدة كمبيوتر موتور و رشاش ) ، و لكن رشاش واحد للموتور كله
    - إستهلاك بنزين حوالي ٢٠٠ كيلو في الصفيحة داخل المدينة و بيقل في الطريق السريع

    كورسا ١٠٠٠ (موديل ٩٨-٢٠٠٠ )
    - ١٠٠٠ CC
    - ٣ سيلندر
    - ١٢ صباب (٤ لكل سيلندر يعني أداء أعلى )
    - ٥٥ حصان - ٨٢ نيوتن متر عزم
    - أقصى سرعة ١٥٠ كم / ساعة تقريباً
    - التسارع من ٠-١٠٠ في ١٦ ثانية
    - حقن إلكتروني متعدد النقاط (يعني في وحدة كمبيوتر موتور و ٣ رشاشات واحد لكل سيلندر )
    - إستهلاك بنزين حوالي ٣٠٠ كيلو في الصفيحة داخل المدينة و بيقل في الطريق السريع

    الكماليات :
    كورسا ١٢٠٠ :
    - زجاج كهرباء ٢ أمامي
    - فتحة سقف
    - مرايات كهرباء
    - كاسيت

    كورسا ١٠٠٠ :
    - تكيف
    - باور
    - كاسيت
    - مفتاح مشفر لمنع السرقة (يعني ماينفعش تعمل مفتاح عادي و يدورها لازم يكون فيه وحدة الشفرة مبرمجة )

    ملحوظات :

    - العربيتين تجميع أسباني

    - فيه كميه من السيارات نزلت موديل ٩٧ فيها موتور 1200CC العادي و لكن فيها كماليات الموديلين إلي قبليها و إلي بعديها

    - العربيتين فيهم حقن إلكتروني يعني فيهم كمبيوتر

    - حجم الشنطة صغير نوعاً ما

    - مقاس الجنوط في الموديلين ١٣ بوصة لكن فيه ناس كتير مغيرة و مركبة ١٤ عشان الشكل و الثبات

    - العربية ثباتها هايل جداً بالنسبة لحجمها

    - البور ستيرنج في ال-1000CC كهرباء يعني بيخلي العربية نعمة جداً و مريحة جداً ، و إن كان العربية صغيرة يعني بدون باور مش هتكون صعبة ولا تقيلة ( ناس كتير بتفتي و تقول العربية نص باور و ربع باور و دة كلام غلط هي ال-١٢٠٠ مفيهاش باور اصلا و لكن العادي بتاعها مش تقيل )

    - هناك بعض الحساسات بيستخدمها كمبيوتر العربية عشان يحسن أداء المحرك و يوفر في البنزين مثل (كورسا 1000CC ) :

    - حساس كمية الهواء MAF ( و دة وظيفته يقيس كمية الهواء الداخل للموتور عشان يحدد أنسب كمية بنزين تترش في كل سيلندر عشان يوفر أكبر قدر من البنزين بدون ما يؤثر على الأداء نهائياً )

    - حساس السرعة الخاملة IDLE actuator ( و دة وظيفته إنه يسخن العربية في حالة انها باردة من غير تدخل السواق ، يعني بالبلدي بدل الشفاط بتاع زمان ، كنا بنشده الصبح لحد ما تسخن العربية و بعدين نرجعه ، هو الحساس دة بيعمل كدة بالضبط بس من غير ما نشده هو بيعمل كدة اتوماتيك )

    - حساس البنزين TPS ( و دة وظيفته يقيس إنت ديس دوست البنزين قد إيه عشان على اساسها الكمبيوتر هو إلي يحدد البنزين إلي يدخل الموتور عشان السواق مش يدوس بنزين زيادة و الموتور مايستفدش منه أو يتحرق على الفاضي من غير طاقة تخرج منه أو العربية تشرق ، كل الحاجات دي حلها الحساس دة )

    - حساس كهربا CPS ( و دة وظيفته يحدد توقيت الشرارة بتاعة الإشعال ، يعني بدل الإسبراتير ، و دة بيؤدي إلى إن الشرارة بتكون في وقت أحسن و أقوى و بالتالي الموتور بيطلع قوة أعلى و يلغي مشاكل الإسبراتير )

    - حساس تسقيف Knock sensor ( و دة وظيفته إنه يمنع تسقيف الموتور نهائياً عشان كدة عمرك ما تسمع موتور Ecotec بيسقف و كمان بيخلي العربية تتعرف على نوع البنزين المحطوط فيها من غير ما تعد تلعب في jumpers و أسلاك عشان تزبطها و دي ميزة مهمة عشان الموتور يستفيد بالبنزين إلي بيتحط فيه على أكمل وجه حسب نوع البنزين بدون مشاكل )

    - العربية ال-1000CC مفيهاش موبينة ، فيها كويلات راكبة فوق البوجيهات على طول عشان تكون شرارة أقوى بكتييييير و أحسن ، و فيه فوق كل بوجيه قيل خاص بيه

    - الفرق بين الموتورين في الحساسات دول فقط ، هما أكتر و أغلى و لكن في المقابل بنزين أقل و أداء و قوة أعلى ، و غالباً مش بيحتاج يتغير فيهم غير اتنين إلي هما عليهم ضغط و إستهلاك جامد إلي هما حساس الهوا MAF ، و حساس ال-TPS بتاع دوس البنزين


    في النهاية كل واحد بيختار هو يهمه إيه ، إستهلاك أقل و قوة و أداء أعلى بس يهتم بالصيانة أكتر عشان يستفيد بيها، ولا يهمه أكتر سهولة الصيانة و بساطتها و تكون عربية عادية بس شكلها كويس في مقابل أداء أقل و إستهلاك أعلى شوية ؟؟
    زائد كمان احتياجاته من الكماليات لأن فيه فرق ما بينهم .

    كل واحد يختار إلي يناسبه !


    ___________
    تم إضافة لينك الموضوع إلي كــل ما تريـــد معرفتـــه عن الأوبــــل كورســـا
    مشرف القسم


  2. #2

    الصورة الرمزية Ahmad Allawy

    رقم العضوية : 2563

    تاريخ التسجيل : 11Oct2007

    المشاركات : 6,632

    النوع : ذكر

    الاقامة : Cairo- Moqattam

    السيارة: no

    السيارة[2]: Subaru Impreza 2009

    دراجة بخارية: no

    الحالة : Ahmad Allawy غير متواجد حالياً

    افتراضي -

    لأ مش عارف اقولك ايه..
    بجد موضوع اكتر من ممتاز..
    تسلم ايدك يا باشا...
    بعد كده محدش ييجي يسأل تاني بقي ايه الفرق بين ال1000 و ال1200 ..

    تعرف اللي كان ناقص ايه؟؟ شوية صور بس..

    سبحانك اللهم ربنا و بحمدك.. اشهد الا اله الا انت..استغفرك و اتوب اليك..


  3. #3

    الصورة الرمزية hanykd

    رقم العضوية : 23595

    تاريخ التسجيل : 29Oct2008

    المشاركات : 535

    النوع : ذكر

    الاقامة : Alexandria

    السيارة: Optra

    السيارة[2]: Opel Corcaa 99

    دراجة بخارية: لا يوجد

    الحالة : hanykd غير متواجد حالياً

    افتراضي -

    تسلم إيديك ياباشا

    بجد شرح وافى على الرغم من كونه بسيط وسلس

    بارك الله فيك


  4. #4

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,015

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -

    هذا كلاماً بليغاً
    لا نحتاج بعده تفسيراً

    ممكن مقارنة مع 1400cc

    A.Saad


  5. #5

    الصورة الرمزية Ahmad Allawy

    رقم العضوية : 2563

    تاريخ التسجيل : 11Oct2007

    المشاركات : 6,632

    النوع : ذكر

    الاقامة : Cairo- Moqattam

    السيارة: no

    السيارة[2]: Subaru Impreza 2009

    دراجة بخارية: no

    الحالة : Ahmad Allawy غير متواجد حالياً

    افتراضي -

    اقتباس المشاركة الأصلية كتبت بواسطة asaadte مشاهدة المشاركة
    هذا كلاماً بليغاً
    لا نحتاج بعده تفسيراً

    ممكن مقارنة مع 1400cc
    لو كده يبقي ال1400 و ال1600 كمان..
    الكامة الواحدة و الكامتين.. :)
    المواتير دي ف التيجرا.. و الكورسا..

    لو في معلومات عندك.. يبقي ربنا يكرمك..

    سبحانك اللهم ربنا و بحمدك.. اشهد الا اله الا انت..استغفرك و اتوب اليك..


  6. #6

    الصورة الرمزية modux

    رقم العضوية : 263

    تاريخ التسجيل : 26Apr2007

    المشاركات : 1,689

    الاقامة : heliopolis

    الحالة : modux غير متواجد حالياً

    افتراضي -

    الفروق الشكليه

    1200

    1- الجريد اللي علي الابواب صغيرة نوعا ما و رفيعه
    2- الشبكة في الاكصدام و عبارة عن خط و احد
    3- الاكصدامات سوده و مفيش فتحة ورا للهوك بيبقي طالع من الاكصدام


    1000

    1- الجريد اللي علي الابواب واخدة كرف نوعا ما و تخينة شوية

    2- الشبكة منفصله عن الاكصدام
    3- الاكصدامات لون العربية و في فتحة ورا للهوك بباب صغير
    ( و واقعه من 90 % من العربيات هههههه )


  7. #7

    الصورة الرمزية MMamdouh

    رقم العضوية : 102

    تاريخ التسجيل : 23Apr2007

    المشاركات : 34,229

    النوع : ذكر

    الاقامة : Downtown - Cairo, Egypt

    السيارة: Daewoo Lanos I 1999

    السيارة[2]: Daewoo Lanos II 2001

    دراجة بخارية: N/A

    الحالة : MMamdouh غير متواجد حالياً

    افتراضي -

    اعتقد فيه فرق فى الفرامل

    حسب اللى شوفتة فى كتالوج بريمبو الكورسا ال 1200 طنابيرها مهواه لكن ال1000 مفيهاش تهوية

    MMamdouh

    What is the difference between ignorance and apathy?...I don't know & I don't care



    [marq="3;right;3;scroll"]اللى ميعرفش... يقول هجس[/marq]

    [marq="Error"]what goes around... comes around[/marq]





  8. #8

    الصورة الرمزية huusseen

    رقم العضوية : 10928

    تاريخ التسجيل : 18May2008

    المشاركات : 50

    النوع : ذكر

    الاقامة : القاهرة

    السيارة: -

    السيارة[2]: لانسر

    الحالة : huusseen غير متواجد حالياً

    افتراضي -

    جزاك الله خيرا على هذا الشرح الوافي


  9. #9

    الصورة الرمزية farahat

    رقم العضوية : 2264

    تاريخ التسجيل : 21Sep2007

    المشاركات : 1,671

    النوع : ذكر

    الاقامة : القاهرة

    السيارة: N/A

    السيارة[2]: BMW

    دراجة بخارية: NA

    الحالة : farahat غير متواجد حالياً

    افتراضي -

    أولاً اشكر كل من قام بالمرور على هذا الموضوع شكراً جزيلاً ،

    الفكرة إن الموضوع مقارنة بين عربيتين مش مقارنة مواتير ، لأني كدة مش هعرف أقيم اداؤه إلا إذا جربته متسقط في عربية ، و دي حاجة مش سهلة.

    أما موضوع الصور فدي أحمد باشا عنده حق فيها ، و اشكر modux على التوضيح للفرق في الشكل و هحول أجيب صور ليهم إن شاء الله .

    ممدوح باشا ، مفيش فرق في الفرامل بين الاتنين الموجودين في مصر ، لكن ال-١٢٠٠ إلي حضرتك بتتكلم عليها دي موديل ٩٨-٢٠٠٠ ، يعني ال-١٢٠٠ بتاعة الشكل إلي نزل منه هنا ١٠٠٠ فقط ، و دي كانت فراملها أقوى عشان موتورها أقوى (هو موتور ال-ECOTEC 1200CC إلي هو كان نازل في استرا ).


  10. #10

    الصورة الرمزية Ahmad Allawy

    رقم العضوية : 2563

    تاريخ التسجيل : 11Oct2007

    المشاركات : 6,632

    النوع : ذكر

    الاقامة : Cairo- Moqattam

    السيارة: no

    السيارة[2]: Subaru Impreza 2009

    دراجة بخارية: no

    الحالة : Ahmad Allawy غير متواجد حالياً

    افتراضي -

    اقتباس المشاركة الأصلية كتبت بواسطة modux مشاهدة المشاركة
    الفروق الشكليه

    1200

    1- الجريد اللي علي الابواب صغيرة نوعا ما و رفيعه
    2- الشبكة في الاكصدام و عبارة عن خط و احد
    3- الاكصدامات سوده و مفيش فتحة ورا للهوك بيبقي طالع من الاكصدام


    1000

    1- الجريد اللي علي الابواب واخدة كرف نوعا ما و تخينة شوية

    2- الشبكة منفصله عن الاكصدام
    3- الاكصدامات لون العربية و في فتحة ورا للهوك بباب صغير
    ( و واقعه من 90 % من العربيات هههههه )
    وكأنك بتتكلم علي عربيتي بالظبط يا محمد.. :): )
    بس عربيتي 1200 بس موديل 97 كان نفس شكل ال98 بالظبط..
    وفي فرق كبير واضح..
    ال1200 فيها فتحة سقف..
    و ال1000 فيها فانوس ستوب علي الزجاج الخلفي..

    سبحانك اللهم ربنا و بحمدك.. اشهد الا اله الا انت..استغفرك و اتوب اليك..



 
صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. مقارنة بين ابيزا و كورسا و بولو موديلات 2010
    بواسطة thebeginner في المنتدى قســـــــــم المقارنــــات
    مشاركات: 26
    آخر مشاركة: 17-06-2010, 03:02 PM
  2. كليو 2002 1200cc أو بولو 99 1000cc ...
    بواسطة hegazy_matrix في المنتدى قســـــــــم المقارنــــات
    مشاركات: 2
    آخر مشاركة: 17-01-2010, 12:37 AM
  3. عايز النصيحة فى اوبل كورسا 98 1000cc
    بواسطة wael11 في المنتدى أوبـــــل
    مشاركات: 20
    آخر مشاركة: 29-12-2009, 07:23 PM
  4. مطلوب كورسا 1200cc
    بواسطة ali6100 في المنتدى قســم خاص لطلـبات شــراء الســـيارات و متعلقاتها فقـــط
    مشاركات: 0
    آخر مشاركة: 02-12-2009, 01:11 AM
  5. مقارنة بين ( بونتو-بولو-ابيزا-كورسا)
    بواسطة elhoda في المنتدى قســـــــــم المقارنــــات
    مشاركات: 5
    آخر مشاركة: 08-03-2009, 11:47 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2