-
ماء الريدياتير
اولا كل سنه وانتوا طيبين وان شاء الله السنه دى تكون اجمل
ثانيا انا لاحظت حاجه فى العربيه وبصراحه مش متطمن عربيتى موديل 2007 ياعنى بقالها دلوقتى سنه و7شهور من شهر تقريبا فتحت علبه (الخاصه بالريادتير)اتخضيت لما لقتها فاضيه نهائى مع العلم ان لما فتحت غطا الريداتير لقيته مليان المهم اشتريت مياه خضرا وزودت العلبه للحد المطلوب وبعد اسبوع فوجئت بتناقص المياه تانى سؤالى بقا الكلام ده طبيعى رغم شده البروده اللى فى الجو مع العلم ان استهلاكى للعربيه فوق العادى وعن شرط ان العربيه مافيش اى دليل على تسريب لنقطه مياه واحده
ياريت اللى عنده خلفيه يقولى رأيه :K_crying[1]: :K_crying[1]: :K_crying[1]:
-
قصدك القربة بتاعت الردياتير فاضية
لو كل فترة كبيرة بتنقص زودها وخلاص
لو على فترات قصيرة راجع على دائرة المياه للتأكد من عدم وجود أي تسريب
وممكن يكون التسريب بسبب عيب في غطاء القربة أو غطاء الردياتير
-
أنا أعرف أنك المفروض تكشف علي مستوي مياة التبريد في الريدياتير فقط , انما مش مهم مستوي السائل في القربة طالما الريدياتير مليان.
يلريت حد يأكد المعلومة دي أو ينفيها :U_thin1[1]:
-
الرادياتير يتم التأكد من انه مليان مره واحده فقط و بعد كده تتم المتابعه من القربه ولا داعى لفتح غطاء الردياتير أبدا طالما القربه بها ماء حتى و لو قليل جدا و يكفى تزويده للعلامه المطلوبه و احب أوضح ان القربه ليس لها دور فى دوره التبريد و لكن و ظيفتها هى الإبقاء على الردياتير مليان و لما الميا بتسخن فى الردياتير بتمدد و يزيد حجمها فالزياده ده بترجع فى القربه و لما تبرد و ترجع لحجمها الطبيعى الردياتير يرجع يشفط الكميه الزياده ده من القربه (و عشان كده غلط ان القربه تبقه مليانه على أخرها و علامه الFull بتبقه تقريبا فى منتصفها عشان يبقه فيه مكن للميا تزيد فيه) و طبعا مع الوقت بيحصل نسبه بخر بسيط و كله بيبقه على حساب القربه انما الردياتير واخد حقه تمام و مليان علطول طول ما القربه فيها ميه و بتديله) انما لو النقص سريع و ملحوظ ممكن يكون فيه مشكله....(ولكن خد بالك ان ممكن يكون النقص اللى انت شوفته تانى مره مش نقص حقيقى و لكن انت كنت شايفها و العربيه سخنه و المياه عاليه فى القربه و لما شوفتها تانى مره كانت العربيه بارده و المياه واطيه فى القربه ).انا عندى الميه بتنقص فى القربه كل شهر أو شهرين بمقدار ما يعادل فنجان قهوه و بزودها و هى بارده بحيث تكون عند علامه الfULL
-
اعتقد ان الموضوع ده موش طبيعي اكشف عليها
-
الرد
-
Content Relevant URLs by
vBSEO 3.6.0 PL2