Landwind X6 اكبر مقلب صيني

02-05-2007 02:45 PM

قامت ال NCAP بعمل اختبار امان للسيارة Landwind X6 والتي تنتجها Jiangling Motors Corporation’s علي فكره الشركة ديه ليها ولكيل هنا في مصر وانا شوفت اعلاناته في الجرنان بس مش فاكر اسمه ايه
واليكم صور الاختبار اللي خدت فيها السيارة صفر كبييييييير من خمسة في تامين مقصورة الركاب

**aamerbebo** · 02-05-2007 05:49 PM

فعلا يا ابو نورا انا شفت الفيديو بتاعها من مده وكان الاختبار سئ جدا جدا جدا اكثر ما تتخيل.
شكرا يا ابو نورا

**PAYOO** · 02-05-2007 06:02 PM

بالرغم من فخامة وضخامة السياره التي تجعلك تتخيل أنها كتله خرسانيه لكن لم تثبت أي جداره في هذه الأختبار نهائيا

ولعل هذا يؤكد أن الشكل ليس له علاقه بالمضمون لذلك مثل هذه الأختبارات هيه الأهم لتحديد ما غذا كانت السياره أمنه أم لا

شكرا يا أبو نورا

**sh_masry** · 02-05-2007 06:09 PM

و هذا الشكل يدل على ان السيارات الصينى بجميع فئاتها لا يمكن تتاخد بالشكل و البعد عنها على الأقل فى الوقت الحالى غنيمه .
و دى ياترى لو فى مصر بكام بقى ؟؟؟ 160 الف جنيه ؟؟؟؟و الأيصال بكام ؟؟؟ :lol:
و شكرا يا ابو نانا .
a7'ookom
Sherif

**Hassan** · 02-05-2007 06:24 PM

هى حاليا فى مصر باسم 6life و الوكيل هو وكيل كيا السابق و بسعر 180000 جم تقريبا !!!!!!!!

**aamerbebo** · 02-05-2007 07:40 PM

والله يا استاذ شريف انا ارفض تماما الحكم على الصناعة الصينية عامة ولكن الحكم يكون على السيارة فقط... ولذلك انا قلت ان السيارة دي فعلا سيئة وكنت مؤيد للاستاذ ابو نورا ولكن مثلا حاجة زي البريليانس جالينا او الاسبيرانزا عمري ما هقول عليهم كده ولو مش مصدق شوف اختبارات التصادم الخاصة بالاسبيرانزا.....

**sh_masry** · 02-05-2007 10:02 PM

هو شريف ده اللى مزعلكم ؟؟؟ هههههههههه
يا سيدى الفاضل انا لن اقتنع بهذه الخرده الصينى المسماه سياره بأى نوع ان كان حتى ارى سياره منهم تثبت كفاءه بعد خمس سنوات ان شاء الله يدينا العمر و وقتها يمكن ابتدى اغير رأيى و هذا الكلام من خلال تجربتى اكتر من عشره مرات لقيادتها و كل مره اقول يمكن اقتنع و لكن اؤكد صحه كلامى لنفسى انى غير موافق عليها ...... و هذا يا جماعه رأيي الشخصى و انا لا اقول لأحد هاتها او ماتجبهاش لأنى مش انا اللى بدفع فلوسها و مش انا اللى هاجرى وراء التوكيل علشان يصلحلى عيوبها.
و اكرر هذا رأيى الشخصى و لا داعى للتعليق على كلامى لأنى مش هاغيره و زى اى واحد بينصح بحاجه و المستمع له الحق فى الرفض او القبول وللا ايه يا باشمهندس ؟؟؟؟
a7'ookom
Sherif

**aamerbebo** · 02-05-2007 10:35 PM

يا سيدى الفاضل انا لن اقتنع بهذه الخرده الصينى المسماه سياره بأى نوع ان كان

'طبعا كما قلت لا داعي للتعليق على كلامك بعد هذه المقولة والتي اظنها عشوائية بعض الشئ
شكرا

**جندى مجند** · 03-05-2007 02:37 AM

ولو مش مصدق شوف اختبارات التصادم الخاصة بالاسبيرانزا

أرجو وضع لينك لهذا الاختبار للاطلاع عليه و آسف اذا كانت اللينك موجودة بالفعل فى موضوع آخر و لم أطلع عليه

03-05-2007 03:15 PM

يا امر الله يهديك خد الامور ببساطة

اولاً
الصناعة الصينيه ( كلها شوف كلها ديه ) عندها مشاكل في معايير الجودة
بص هي المشكلة ديه مش هتخلي العربية خرده زي ما ممكن ناس تقول بس عمرها ما هتبقي زي المدارس القديمة في التصنيع
انجلترا - ايطاليا - المانيا - امريكا
ثانياً
لان الصناعة الصيني بتعتمد علي مبداء " ادفع تنل " يعني تدفع اكتر نظبط اكتر (مثلا هناك المنتج الواحد ليه اكتر من سعر لو بدولار هيبقي بجودة غير جودة ابو عشرة يعني تعاملتهم نفعية بحتة
عندك مثلا شركة شيري اول مره اشوف شركه تدي توكيل موديل لشركة وموديل تاني لوكيل تاني
يعني الراجل عايز يبيع مش بيدور علي اسم العلامة والمنتج
لما كان بديهيا ان اصحاب التوكيلات ف بلدنا كلهم من عائلة دراكيولا فالله وحدة يعلم العربية اللي نزلالك هنا مصر من ام كام
ثالثاً
الصين (زيها زي كل الدول الحديثة في صناعة السيارات ) وارد جدا انها تقع في مشاكل عيوب التصميم لاسباب كتير علي سبيل الذكر لا الحصر الافتقار للخبرة - ضئاله ميزانيات الابحاث والتطوير بالمقارنة بشركات عملاقة زي تويوتا وجنرال موتورز

وغني عن الزكر ان كوريا هيا كمان وقعت في مشاكل في التصميم في بداية مرحلة انتقالها من نسخ التصميات لتطوير تصميمتها الخاصة ( ارجع لتسلسل - البوني - الاكسل - الاكسنت - الفيرنا - النيو اكسنت ) وانت تشوف فكر الشركة في التصميم اتغير ازي ، بس ده برضوا مخلاش الاكسنت اللي كانت اول تصميم خاص بهيونداي تبقي خرده

رابعاً وهو الاهم
ممكن درجة قليلة في جودة المنتج ودقة التصميم تكون كافيه جدا وعمليه جدا لشخص ما
" انا بشوف ناس راكبه عربيات هلاميه زي الزاز والانشيا ومحافظة عليها جدا بره وجوه

وعلي العكس ممكن درجة عاليه من الجودة ورقي الخامات وووو ويجي شاب صغنون بشعل كنيش يخليها قفص كتايت في سنة واحدة استخدام ( افترج علي الابيزا والمتسوبيشي اللي في ايدين توتو وكوكي

لو عملنا بما ان اذن هنلاقي ان

الصناعة الصينية صناعة واعدة ومتميزة بكونها اقتصاديه وان كانت اقل جوده
ممكن جدا اكون محتاج عربية في حدود ال60 الف وعندي طموح امتلك امكانيات اعلي فاجيب الاسبيرانزا واحافظ عليها
" انا فاكر انك نصحت الناس متركبش اكتر من تلاتة وتقسم علي انفسهم انهم ميركبوش 4 الا مرتين في العمر "
لو انت راكب كورولا هتقول كده !!؟

وعلي العكس برضو ممكن يكون ابونورا استهلاكه للعربية كتير ومشويره كتير وبيرميها في كل حتة شوية وبيحب يزنق علي الميكروباصات ومعندوش فلوس يجيب مرايه ب 200 300 جنية وعايز اكصدام يرزع فيه براحتة وقطع غيار رخيصة وصيانة عند الواد بليلة اللي علي الناصية ومش فاضي يروح كل اسبوع التوكيل يسائل التعديل الجاي امتي فميشتريش اسبيرانزا

لانا هبقي غلطان ولا امر هيبقي غلطان ديه مسئلة ازواق وطباع وظروف ماديه واقتصاديات تشغيل يعني معادلة اطرافها متغيره من شخص لاخر

احنا هنا بقي (في المنتدي يعني )
قاعدين عشان نمارس هوايتنا ونسمع بعض (واخد بالك) ونفيد بعض
فمينفعش كل ما واحد يقول البيجو الايراني وحش انط انا اقول لااااااااااء ايران صناعتها جامدة واليجو جامدة والسابا اجمد
مينفعش احنا مش في قاعة محاكمة للسيارات وصانعيها وديه في ريفيوهات فنيه عشان نقول كلام متأكدين انة عشوائي
علي فكره معروف ان المنتديات هي اكثر الاماكن ترويجا للاشاعات والمبالغات

خد الامور ببساطة يا امر وباعتدال واتزان ( متنساش انك مرشح لدور مهم في الرابطة )
وسيب مساحة في الحوار للمعارض والمبالغ لان ده منتدي حواري مش معمل ابحاث تقييم السيارات

امر يا حبيبي اسلوبك بيفكرني بمشجعي الزمالك عشان كده برجوك بصفتي اخ ليك ولكل اعضاء المنتدي شجع براحتك بس بلاش تحدف طوب بصورة عشوائية علي اللعيبة لان اللي جايين يتفرجوا في المدرجات ملهومش دعوه

اخوك وائل مجدي

الموضوع: Landwind X6 اكبر مقلب صيني

LinkBack

أدوات الموضوع

عرض

العرض المتطور

الصينى صينى -

-

-

المواضيع المتشابهه

اكبر مقلب فى حياتى

اكبر مقلب اخدته في حياتي ( طويل شويه بس هتضحك من قلبك )

landwind fashion

Landwind Fashion !!!!!

Landwind Crash Test

الكلمات الدلالية لهذا الموضوع

المفضلات

المفضلات

ضوابط المشاركة