سلوكيات اللى بيركبوا معاك

**1.8Tee** · 04-01-2009 11:42 AM

أكتر 5 حاجات بتتعبنى:

رزع الباب فى الركوب و الخروج.

رشق أو خبط الباب جمب رصيف عالى او عربية قريبة. (العربية عندى أصلا واطية و بتحك فى معظم الأرصفة)

الرمى من الشباك.

الأكل أو الشرب جوة العربية. (رز بلبن !)

تغيير الأغانى و انا منسجم بيها.

أنا غالبا عندى كام عقدة....

**medo_msmsa** · 04-01-2009 12:06 PM

في حاجات بتخنق كتير ممكن يعملها اللي راكبين معاك بس في ناس بيبقوا صحابك اوي وبتضطر تستحملهم وانا حصلي مع صحابي موقف غريب
كان يوم شتاء اوي والمطر كتير وكنا راكبين مع واحد صاحبنا فعربيته اتبهدلت طين من جوة فهو "بيهرج" مع وحد صحبنا تاني وبيقوله لو سمحت ممكن تنفض الدواسة
قام منفضها جوة العربية خلي الارضية الموكيت الشارع المظلبت انضف منها:pointi~2[2]:

**crazylambada** · 04-01-2009 12:15 PM

انتا جيت على الجرح
انا زيك بالظبط و زيادة موضوع السجاير
حكاية رزع الباب ديه و صلت لمرحلة كنت بهزقهم
و فيه اللي كانوا بينفضوا ويعملوها بقيت اعملها فيهم لدرجة كان فيه واحد خلاص حيترجاني علشان ابطل
رشق الباب في الرصيف ده محدش ليه ذنب
ان الغلط مش منهم بل من اللي عمل الرصيف عالي
الاكل والشرب عادي
انا كدهاصلا عربيتي جلد فبتتنضف بسهولة شديدة
تغييرالاغاني ديه انا مش لاقيلها حل لغاية دلوقتي
على فكرة بسبب صحابي واستهتارهم
ان لما جيتعملت الازاز الكهرباعملت الزراير كلها عندي في الباب بتاعي بس
يعني اللي عاوز يفتح الازاز من عندهلازم يقولي غير كده لأ
وبصراحة انا فرحان جدا لانهم بيتنرفزوا من الحركةديه

**Sherif Khalifa** · 04-01-2009 12:19 PM

- الى ينزل و يسيب الشباك مفتوح ايام الانوس و الزجاج كان يدوى :)
- اللب و المحمصات عموما بتفور دمى

**kemo0o** · 04-01-2009 12:20 PM

كل اللي بيركبوا معايا زي الفل ماعدا واحد بس هو اللي ببقى مخنوق منه عشان بيرزع الباب

غالبا موضوع الكاسيت ده انا اللي بعقدهم عشان مش بحب اسمعه كتير فبقعد اقلب كتير

السجاير محدش بيدخن

**crazylambada** · 04-01-2009 12:38 PM

اه نسيت كمان
اللي و هوبيدخل العربيةيوسخلي العتب من جوا برجليه

**EslaM_NagY** · 04-01-2009 02:16 PM

فى عائلتى
الحاج اول ما اركب يقوم مطلع الفوطة الصفرا ويبدا فى نمضيف التابلوه طوال المشوار ان شاء الله اكون رايح شرم الشيخ يفضل طووووول السكة بينضف وبتبقى المشكلة الازلية انى مش شايف المراية اليمين وغالبا بتنتهى بخناقة.

والدتى اول ما تركب تمسك الباب وتشغل الشريط " حاسب فى كلب بيعدى - حاسب فى مطب - حاسب فى واحد بيعدى التقاطع وانا ببقى على أخرى" سعات بلاقى الحل اخر مرة كان فى حتة وهى متعرفهاش لسة حتبتدى قولتلها والله لو فتحتى بوقك لاانا نازل مروح فى تاكس وشوفى بقى حتروحى ازاى. ههههههههه

صحابى ببقى عايز اضربهم بالنار
يفضلوا طول السكة " هو الزرار ده بتاع ايه " هو مش عارف ايه دا ايه لزمته يا لههههههههههوى

**Ghamrawy** · 04-01-2009 02:30 PM

يوووووووووووووووووووووووه
خد عندك
رزع ابواب
قراءة جريدة و صوت تقليب الصفحات و احيانا تغطية المراية اليمين بالجريدة
اللب و السودانى و السجاير و الاكل عموما (ما عدا الشيكولاته)
خبط الابواب فى الرصيف
اطعام البنت جوه العربية
و زى ما أ/اسلام ناجى قال:شريط حاسب و أوووف و هيييييىىى و ياخبر و يالهوى
ركوب اكتر من 2 فى العربية علشان انا طويل و الكرسى بيبقى راجع لاخره و مش باحب حد يصدر ركبته فى ضهرى
الخناق على الاغانى
البصبصة و تطليع الراس بره الشباك أو معاكسة واحدة ماشية او راكبة عربية جنبنا
اللعب فى مستويات مسند الراس او الكراسى

**M.Osman** · 04-01-2009 02:41 PM

-اللعب فى مستويات الكرسي .... بتخنق من الحركة دى
-تغيير الأغانى .... با نهار ابيض! ... بجد ساعات بروح قفله خالص و محدش سامع حاجة بقى...
-محدش يقدر يشرب سجاير عندى فى العربية ( 2 بس من اصدقئي هم اللى بيشربوا القرف ده )

-أنا بقى لما بركب مع صحبى هو بيتخنق منى عشان برزع الباب ... تقريبا علشان انا واخد انا عربيتى بابها اخف ... و هو يروح باصصلى بصة كدا .. و انا اموت على نفسي من الضحك!

**tarek hashem** · 04-01-2009 02:45 PM

كل ده كلام فارغ عادى يعنى
انا فى العادى بتاعى لو ماشى ولقيت عسكرى واقف على اول الدائرى او فى حته فى اول اكتوبر مبيقفش فيها مواصلات بوصله معايا بس يكون عسكرى مش امين شرطه ولا رتبه لانهم غلابه
المهم ركبت واحد معايا اول ما ركب قا قلع الجزمه
ويا عينى شراب بقاله اربعتاشر يوم فى رجله مثلا
انا كان هيغمى عليا من الريحه
وفرمله من اللى همه لبسته فى القزاز
- انزل دلوقتى احسن ما هعمل مصيبه وانا اللى ابن .... علشان ركبتك معايا
- انا عملت ايه يابيه
بينرفزنى اكتر باين ولا ممكن ميكونش فعلا عارف السبب
عموما انا مش هحقق فى ده نزلته وفتحت كل شبابيك العربيه مفيش فايده الريحه لزقت
ركنت وفتحت كل الابواب برضه مفيش فايده
رميت الدواسه اللى كانت تحت رجله بره فى الهواء فبدأت الريحه تمشى
رميتها فى الشنطه وطلعت على اول بنزينه غسلت العربيه من جوه وجبت بخمسين جنيه معطرات

الموضوع: سلوكيات اللى بيركبوا معاك

LinkBack

أدوات الموضوع

عرض

سلوكيات اللى بيركبوا معاك - انشر الموضوع فى :

-

-

-

-

-

-

المواضيع المتشابهه

لو هاتغير الفورد اللى معاك هاتركب ايه؟

ابه الفيلم اللى فيه مشاهد معلقة معاك .

نصيحة لكل الا بيركبوا موتوسيكلات

اكتر حاجه ممكن تضايقك من الاشخاص اللى بيركبوا معاك عربيتك

الكلمات الدلالية لهذا الموضوع

المفضلات

المفضلات

ضوابط المشاركة