الموضوع: البروتون توكيل سيء جداااا؟؟؟

المشاكل دي كلها سبب الاحتكار. ما يغركوش عدد الوكلاء و لا التجار، و لو جيت في الحقيقة انك هتلاقي 3 او 4 بس اللي بيتحكموا في السوق و عاملين ربطية عليه، لأن ده وضع جاي من غياب المنافسة، و غياب المنافسة اساسه الاحتكار.

المشاركة الأصلية كتبت بواسطة superiorboy

من فضلكوم يا جماعة متعمموش اي حاجة مع احترامي الشديد لك يا اخ مؤمن لكن مش معنى ان فيه توكيل او 2 او 3 حتى مش كويسين اننا نعمم على كدة باقي التوكيلات و معروف عندنا ان الاسعار زي الزفت في كل حاجة لكن الوكيل كوكيل ممكن ميكنش ليه يد في القصة دي (و ولنهم بردو بيبقوا عاوزين يحققوا مكاسب عالية بردو) هما عليهم جمارك و تغير في اسعار الدولار و خلافه لكن فيه وكلاء محترمين انا اسمع ان الفطيم وكيل هوندا ممتاز
اما قصة هي دي بلدنا و مش هتتغير من فضلكم بطلوا تقولوا الكلام ده علشان احنا اللي عملنا كدة في البلد كل واحد عاوز يبقى وزير بدون ميتعب و متصور انو علشان مثلا معاه كمبيوتر و انجليزي خلاص يبقى هو كدة هيوعد و يحط رجل على رجل و يطلب بالاسم و نرجع نقول في بطالة نفس القصة بردو فينا عمالين نشتكي نشتكي نشتكي و مبنعملش اي حاجة علشان الشكاوي دي يبقى عاوزنها تتغير .... ربنا سبحانه و تعالى قال (ان الله لا يغير ما بقوم حتى يغيروا ما بأنفسهم)
اسف ياجماعة لو كنت خرجت برة الحدود بتاعة الموضوع لاكن بصراحة الواحد زهئ ممن الحاجتين دوول

اولاً يا سيدي الفاضل انا مش عيزك تكون عصبي
ثانياً يا استاذي انا معممتش انا قولت " معظم التوكيلات " واخد بال حضرتك معظم مش كل في فرق كبير طبعاً في التعبير

ثالثاً و دا الاهم الناس هنا كلها متواضعة جداً و اي حد بيشتكي بيشتكي علشان هو اشتري منتج بفلوس تعب فيها و شقا بيها لغاية لما ربنا كرمه و جاب العربية تمام .... فطبعاً لما يكون اي اخ فاضل من الاعضاء لسه جايب عربية او حتي العربية الي معاه موديل قديم و حصل عنده مشكله و يلاقي لا مبالاه من التوكيل يبقي لازم يزعل تمام ....
رابعاً و دا الاهم حضرتك لازم تعرف حاجة مهمة اوي مش معني ان احنا بنحكي مشاكلنا من خلال منتدي و جهاز كمبيوتر بيقي احنا قاعدين حاطين رجل علي رجل و عايزين نعمل وزرا زي ما حضرتك بتقول..... تمام لان حضرتك متعرفش الناس حالها عامل ازاي و ايه الي شغلها يعني انا مثلاً من ضمن الاعضاء الي لسه شاري الجين 2 2008 و العربية لسه معملتش 6000 كم و عملت حادثة و يارتها بسببي انا واقف في امان الله في الاشاره و هب راح واحد رزعني من ورا و رحت مرمي علي الادامي و يمكن مفيش حد يعرف الموضوع دا خالص في المنتدي غير الاستاذ المحترم و الفاضل احمد صيام و مش عايز اقولك انا وولدي اعتمدنا ازاي علي العربية يعني من الاخر الموضوع دا بهدله اساساً
وانا كنت متعمد مقلش الموضوع دا علشان الناس مش ناقصه حد ينكد عليها
لكن علشان انت تقول عايزين نعمل وزرا فا دا مش عندنا احنا ناس عايزين حقنا و لا انت ايه رايك ؟؟؟
ارجو ان اكون وضحتلك وجه نظرنا المتواضعه ووجه نظري الشخصية ............

المشاركة الأصلية كتبت بواسطة ahmadSayed

مبدأيا الف سلامه عليك, لسه حاصله معايا من كام يوم والحمد لله خدت الخبطه وانا حاطت رجلى على الفرامل مكنتش شلتها فجت سليمه كام خدش فى الاكصدام من ورا.

عايز ارد على superiorboy
اول مراحل حل المشكله هى انك تعرف ان فى مشكله اصلا, يعنى لو الحصلتلو مشكله مشتكاش هتعرف اصلا منين انه فى مشكله, ثانيا اللى بيشتكى هنا بيبقى عايز الناس تساعده بحل او تنقلوا خبرتها وبالفعل فى ناس اعتقد ان مشاكلهم اتحلت بعد ما نشروها هنا, او على الاقل اعصابهم ارتاحت وعرفوا يفكروا بهدوء اكتر

شاكر جداً ليك يا استاذ احمد لمشاعرك الطيبة وربنا يكفيك شر طريقك صدقني يا استاذ احمد انت اكيد عارف ان العربية لو حصل فيها حاجة انت ممكن تأجل حاجات و تعطل مشاوير اد ايه
الحمد لله علي كل حال
ولك اجمل تحيه
وربنا يكفيك شر طريق و يباركلك في جميلة الجميلات

المشاركة الأصلية كتبت بواسطة MohabSaeed

الف سلامه عليك استاذ مؤمن . الحمد لله على كل شئ

ربنا يكفينا جميعا شر الطريق .


- الحمد لله الى انا ملاحظه فى المنتدى عموما و قسم بروتون خصوصا ان كل الاعضاء بتحاول تفيد بعضها ولو بمعلومه صغيره بس ممكن تكون مفيده لشخص اخر و ديه حاجه جميله جدا اننا كلنا نقف مع بعض و نساعد بعض ولو حتى بالمعلومات و النصائح .
مافيش حد قصده انه يشوه سمعه وكيل ولا شركه ولا ماركه احنا مجرد بنقول تجاربنا و ارائنا و نصايحنا , علاشان لو وقعنا فى خطا الباقين يتداركوه و لو حلينا مشكله يبقى سهل على الباقى حل المشكله .
الحقيقه ده الى انا لمسه و شايفه بعينى فى المنتدى و هو ده الهدف من انشاءه اساسا .

استاذ مهاب انا و الله مش عارف اشكرك ازاي ..... حضرتك من الناس المحترمة جداً و من اعمده منتدي بروتون
و انا لي الشرف بمعرفه حضرتك حتي و لو من خلال المنتدي .... دا كفاية مواضيع حضرتك المتميزه عن الواجا
ربنا يوفقك الي الخير دائماً