ياريت التفضل بعمل مقارنة بين التويوتا الافانزا والماتريكس وذلك لانتمائهم لنفس الفئة
وشكرا مقدما[/b]
عرض للطباعة
ياريت التفضل بعمل مقارنة بين التويوتا الافانزا والماتريكس وذلك لانتمائهم لنفس الفئة
وشكرا مقدما[/b]
انا شاهدت الافانزا فى توكيل تويوتا وهى دفع خلفى ويكفى انها من تويوتا
بس دة حضرتك فية فرق 20 الف حوالى
بس على العموم لو حضرتك عاوز عربية 7 راكب يبفى الأفانزا مفيش غيرها لكن راى الشخصى لو انت حتركب 4 او 5 عادى يبقى ماتريكس
دة غير طبعا ان لو حضرتك حتركب بالكتير 5 افراد حيبقى فية اختيارات تانية كتير و من ضمنهم الكورولا النص كماليات و الياريس دة لو انت عاوز تركب تويوتا لكن لو مش لازم فية لانسر 1600 و هوندا سيتى و نيسان صنى و بروتون واجا و شيفرولية اوبترا و هيونداى الانترا
طبعا زي أخوانا الأفاضل ما قالوا ان العربيتين هناك اختلاف في السعة الداخلية فحسب احتياجك
لو مسألة انك تركب سبعة راكب يبقى الأفانزا عالطول اما لو مش فارقه يبقى الماتريكس
وهناك اختيارات أخري ولكن أرجو ان يتم ذكر اوليات السيارة بالنسبة لحضرتك ما هي ؟
الصراحة موضوع السبعة راكب ده مش مهم بالنسبة لى ولكن اختياراتى فعلا كانت تنحصر فى الماتريكس- اللانسر 1300 - الاوبترا -النيسان صانى -الياريس - الهوندا سيتى 1300وكلهم متقاربين فى الاسعار لكن لما لقيت التويوتا منزلة عربية لسه ماانتشرتش - شكلها جديد وسعرها مقارب (ال1300 cc فقط) قلت جايز اى من الاخوة الافاضل يكون عنده معلومات مشجعة عنها وعن مميزاتها مقارنة بأقرب شبيه لها ( الماتريكس) -علما بانى لم ارها فى الطبيعة لتواجدى خارج مصر حاليا - ولكن بالفعل السيارة المطلوبة لازم تأخد 5 افراد مستريحين ( وان كنت افضل بالقطع السيارات اليابانية ) وانوى شراء السيارة انشاء الله فى نهاية شهر اكتوبر القادم وشكرا لردود حضراتكم
ممكن تفكر في الدايهاتسو ماتيريا وهي تاخد 5 افراد مستريحين
وهي من فئة السيارات الميني فان والكنبه الخلفيه متحركه لتوسيع الشنطة او توسيع مكان الركاب على حساب الشنطة لك حرية الاختيار
وسعرها فول اوبشن اوتوماتيك مع ABS و EBD وجنوط وكاسيت سي دي ووسع رهيب داخلي بــ 105 الف
وانا معاك في مسألة الياباني
الماتيريا نظرياً وعملياًً سيارة ممتازة
ولكن يعيبها الشكل بتاعها، أنا عن نفسي مابارتحلوش إطلاقاً، بحس إنها بترجع بينا لأيام ثلاثينيات القرن الماضي من حيث الشكل الخارجي للسيارة، ودي نقطة الحقيقة تؤخذ على مصمم السيارة دي، هو صحيح العربية كويسة من حيث الأداء والمضمون ولكن شكل السيارة (بالنسبة لي) يمثل جزء لا يتجزأ من عوامل اقتناعي بها
أنا شايف لو حصرت المقارنة بينها وبين الماتريكس يبقى طبعاً الماتريكس مع احترامي لدايهاتسو صاحبة التحفة "تيريوس"
سلام عليكم و رحمه الله
ارجو من حضرتك انك تبتعد عن كلا السياراتين
الماتريكس و الافانزا
لعوامل الثبات على الطريق
و اذا اردت الاخذ برايي فاني انصحك سيدي إما تويوتا ياريس او نيسان تيدا
مع احترامى لك الماتريكس مشهود لها بالثبات على الطريق, اما الافانزا الله اعلماقتباس:
ارجو من حضرتك انك تبتعد عن كلا السياراتين
الماتريكس و الافانزا
لعوامل الثبات على الطريق
و اذا اردت الاخذ برايي فاني انصحك سيدي إما تويوتا ياريس او نيسان تيدا
اما بالنسبة لترشيحات حضرتك, التيدا ثابتة, اما الياريس فأكتر ما يعيبها ثباتها السىء جدا
هي مسألة أذواق بس مش عارف ليه الماتيريا شكلها مش عاجب معظم رواد المنتدي أنا شخصيا لو معاي فلوسها أشتريها ، في وجهة نظري المتواضعة شكلها حداثي و ثوري حاجة فعلآ متميزة و نوعية الدهان اللي عليها جميلة قوي فيه لمعة غريبة
أظرف تشبيه سمعته ليها سيارة تكريم الإنسان :D :D :D
أنا تابعت الموضوع وشايف أن أراء الناس ممتازه ولكن ما أستوقفني هو كلام صديقنا mtema99 عن عدم ثبات الماتريكس وهذا إن دل فهو يدل أن هذا الكلام عن سمع وليس عن تجربهhttp://www4.0zz0.com/2007/06/20/05/38454616.gif
وبأكد للجميع أن الماتريكس ثباتها جيد جدا على الطريق وأعتقد أني قد صورت السياره على سرعة 180 دون أمساك الدريكسيون ولم تنخفض أو ترتفع أوتترنح والموضوع موجود
فعلا لم يشتكى اى احد من ثبات الماتريكس وده شىء اكيد
ولهذا وكذلك لاتساع الماتريكس الداخلى الواضح تظل منافس قوى جدا حتى امام السيارات اليابانية القريبة من نفس السعر
وانا اعترف بكده ، وتفضل اختيار مهم بالنسبة لى - مع تقديرى الكامل للسيارات اليابانية -وربنا يوفقنى فى الاختيار انشاء الله
و شكرا لاهتمام الجميع
كلامك مظبوط ومش علشان انا تبقى العربيه عجباني يبقى معناها ان العربيه فعلا حلوهاقتباس:
هي مسألة أذواق بس مش عارف ليه الماتيريا شكلها مش عاجب معظم رواد المنتدي أنا شخصيا لو معاي فلوسها أشتريها ، في وجهة نظري المتواضعة شكلها حداثي و ثوري حاجة فعلآ متميزة و نوعية الدهان اللي عليها جميلة قوي فيه لمعة غريبة
أظرف تشبيه سمعته ليها سيارة تكريم الإنسان
والعكس ايضا ان لو العربيه مش عجباني ده مش شرط طبعا انه يبقى معنى كده ان العربيه وحشة
لأن ثقافة الشخص بتأثر على هذا وده بيفرق من شخص لأخر
ولكن هناك راي اقرب لصحة عن الأخر
وانا من رايي ليس الشخصي ان العربيه لها تصميم عصري وثوري جدا وهو ده اللي بيخليها بتتباع بنسبة غير متوقعة لحد الأن
والدليل ان العربيه بينزل شكلها في امريكا تحت اسم شركة سيون التابعة لشركة تويوتا ايضا
والدليل الأخر ان في بريطانيا بيركبوا العربيات اتاكسي اللي شكلها قديم لحد الأن وبتنتج منها
يبقى الموضوع ليس متوقف على راي شخص
أظرف تعليق سمعته على الماتيريا عربيه الكشرى
وعموما لا شك أنها مسأله أذواق وإن كان معظم الناس لا تراها سياره جميله شكلا وإن كانت تحفه موضوعا
لكن أنا عن نفسى شايف إن شكلها مش حلو وبرضه الأفانزا بصراحه شكلها مش عاجبنى إطلاقا وفى ناس كتيير بتشتكى من عيوب فى تقفيلها وثباتها لا سيما فى المنحنيات
وإذا كان الاختيار مقصور على الاتنين دول يبقى ارشح لك الماتركس واذا الاختيار واسع شويه يبقى ارشح لك لانسر 1300 مانيوال وربنا يوفقك فى اختيار الأفضل
يا جماعة أنا زهقت من حكاية ترشيح اللانسر دي ، ده لو حد سأل يشتري 127 و لا 128 يقولوا لأ هات لانسر و لو حد قال اشتري بورش و لا فيراري يقولوا لأ هات لانسر :D :D :D :D :D
تقريبا أعضاء المنتدي شايفين إنها مش واخدة حقها في مصر يدوب بايعة كم مليون عربية :D :D :D
لأنها عربيه اعتمادية جيده جدا والعيوب اللي فيها ليست مؤثرة للعامة الناس ولكن أذواق :wink: :wink: :wink:
مش عارف ليه انا مش مقتنع بان الافانزا مش ثابته علي الطريق
لان من كلامكم انها دفع خلفي وده كفايه انها تكون ثابته في المنحنيات -علي حد علمي-
علي فكره انا مشفتهاش ولكن بتكلم من منطلق مبدا معين
اعتقد جايز تكون مش ثابتة علشان مرتفعة عن الارض وكمان ابعادها تسمح بكده (نسبة الارتفاع الى العرض )
اما موضوع الدفع الخلفى فبيتهيألى ان الدفع الامامى احسن وافضل فى المنحنيات ... وللا ايه؟؟ ممكن حد فاهم يجاوبنا؟
خلي بالك ان موضوع الثبات ده متفاوت
يعني ممكن واحد يقول على عربيه مش ثابته وواحد خر يقول على عربيه تانيه مش ثابتة ايضا ولكن هناك تفاوت ونسب
يعني مش معنى انها مش ثابتة انها في كل مشوار هتحس انها هتموتك على الطريق لا قدر الله يعني
مثل التويوتا الموضوع يبقى ملاحظ على السرعات العالية ومش بطريقه تخوف اللي راكبها
والمسألة متفاوتة يعني لها نسب
عايزين يا جماعة تفاصيل اكتر عن الافانزا بارك الله فيكم
المعروف أن الماتريكس ثابتة جدا أنا مع معاذ و بايواقتباس:
ارجو من حضرتك انك تبتعد عن كلا السياراتين
الماتريكس و الافانزا
لعوامل الثبات على الطريق
ده كلام مش دقيق أوي و أنا قلت قبل كده 8\10 تحت 120 و 7\10 فوق 120 ( أسأل مجرب ولا تسأل طبيب )اقتباس:
اما الياريس فأكتر ما يعيبها ثباتها السىء جدا
إلي يعيب اليارس فعلا هو ضعف الصاق مع العلم أن العربية أخذه 5نجوم في ncap الأمانن عالي أيوة بس الصاج ضعيف:mrgreen: :mrgreen: :mrgreen: أنا كمان مش عاجبني شكلها بس دي أذواقاقتباس:
أظرف تعليق سمعته على الماتيريا عربيه الكشرى
أستاذ محمد لو حضرتك مستعد توصل لسعر الأفانزا أنا رأي الشخصي تويوتا كورولا ثم لانسر ثم تيدا
فعلا انا لغاية دلوقتى مش لاقى اى اخبار مشجعة عن الافانزا او اى معلومات كافية عنها
وفعلا الاختيارات زى ماقلت تعتبر ترتيب منطقى وشكرا لاهتمام الجميع
انا الصراحه شفت الافانزا كتير اليومين اللي فاتو ... انتشرت بسرعة وده طبعا لان فئتها ال 7 راكب قليلة جدا في مصر وكمان تويوتا يعني عمرها ماهتعمل عربية وحشة
بالنسبة للتقفيل في اندونيسيا .. وايه يعني .. المهم مايكنش تقفيل مصري ولا صيني .. غير كده كله كويس ( زي الهوندا سيتي مثلا تقفيلها ممتاز )
الحقيقة اللي مخوفني انها 1500 سي سي .. هل ده كفاية على الحجم ده ؟؟؟؟؟ متهيالي اقلها 2000 سي سي
لكن بشكل عام انا شايف انها تستحق التفكير وخصوصا ان سعرها مغري وفئتها مطلوبة للأسر الاكتر من 4 افراد .