::: ازاي تفتح موتور عربيتك ؟!! :::

**a7er7ob** · 04-01-2009 07:28 PM

ياجماعه في ناس كتير اووي بتشتكي ان العربيه مش بتسحب و مش بتجيب 100 على الطريق و استجابت العربيه معاه مش اووي على الطريق ونفس العربيه قصير .
النهارده احنا هنتكلم على تفتيح موتور عربيتك ايا كان نوعها
اولا : هل جسم الانسان يقدر يديك اقصى ما عنده مره واحده؟
بالطبع لا
لازم تمرين ولازم تدريب علشان تقوي عضلاتك و تقدر انك تقاوم بيها قوه الاداء الي انت عاوزه
بالظبط العربيه كده
لو انت جبت عربيه بقلها 10 سنين ماشيه الاول 15 والتاني 30 والثالث 60 والرابع 80 الخامس هيجيلك مش هيعدي 100 110
وده ليه؟؟
لانك عمرك معودت موتور عربيتك انه يحرق على الغيار و يطول في الحرق شويه
انا مش بقول امشي احرق بموتور عربيتك على طول لا
وهشرحلكم وجهه نظري

ثانيا : في عوامل تخلى عربيتك تقدر تفتح موتورها وانت مطمئن من رد فعل عربيتك معاك

ثالثا : نوعيه البنزين الي تفتح عليه موتور عربيتك

--------------------------------------
بصوا يا جماعه
لازم علشان العربيه تبقى مظبوطه معاك وانت بتفتح موتورها انك تتاكد من نظافه الكربراتير و البوجيهات و طقم الكهرباء و ان الزيت لسه جديد
لان اي خلل في ده ممكن ميدكش النتيجه المطلوبه
اهم نقطه في الموضوع بقى :
انك هتطلع على طريق مفتوح دولي مثلا وتبدا بالعربيه من 0 و تحاول تطول الوقت بين النقلات بس متحرقش موتور عربيتك يعني
مثلا لو عندك ار بي ام لو انت بتنقل على 3 استنى انقل بين 4 وال 5
و لاحظ عداد السرعه
و حاول تككرر العمليه دي على فترات من اول وجديد
خلي بالك مش من يوم ولا 2 هتلاقي سحب عربيتك بقى اعلى
المهم كرر العمليه دي كزا مره ولاحظ سرعت عربيتك هل نفس كل من الاول و التاني و التالت بيزيد ولا لا
و بقت العربيه بتجيب كام معاك على الرابع او الخامس
بس لو موتور عربيتك خفيف خلي معاك بوجيه و مفتاح بوجيهات معاك احتياط لانه ممكن يضرب منك البوجيه
و حاول في خطوه بعد كده انك تسقط غيار بمعني انك مثلا ماشي على الرابع و سرعتك خفت ودخلت رعتك في سرعه 3 تروح ناقل لل 3 وتحرف عليه شويه وتدي الرابع
بس خلي بالك من سرعتك كويس ساعتها والافضل انك متعملهاش غير وانت متاكد ان سرعتك دي جوه سرعه 3 مش معدياها اوي اي غيار اخر

الكلام الي انا قلته فوق ده للي عاوز يفتح موتور عربيته ومش بقول انه لازم يتعمل لا انا ببينه للي عاوز يعمله

المهم علشان تبقى عربيتك سحبها حلو برضه
لو موتور عربيتك خفيف يبقى زي مهو
لو موتور عربيتك مظبوط ركب بوجيهات 3 شمعه سن طويل طبعا و طقم كهرباء جديد و حاول تغير اسلاك البوجيهات باسلاك رياضي علشان تستحمل البوجيهات الجديده و غير فلتر هوا والاحسن ركب فلتر رياضي
واتاكد من ماسوره العادم الجكمان وحط بنزين 90 او 92 متستخسرش

و بده هتلاقي سحب عربيتك زاد ان شاء الله مع الخطوات السابقه دي كلها و انا موجود في الخدمه

**محمد فريد** · 04-01-2009 08:45 PM

الله عليك استاذ ورئيس قسم والله
وانا ساعات لما بقرص على الغيارات شويه فعلا بحس ان العربيه مظبوطه ونفسها طويل

والف شكر يا جميل

**fadaky** · 05-01-2009 12:02 AM

***************
لقد خالفت بهذه المشاركة القاعدة رقم 13 وتستحق إنذارك الأول ووقف أسبوع
ط م 1

**nabaster** · 05-01-2009 12:56 AM

fadaky
*****************

ايه يا عم الي بتقوله ده عيب اوي كده الراجل بيطرح موضوع من حقك تسمعله ومن حقك متسمعلوش من حقك ترد او تمر مرور الكرام ومتردش بس تشتم لا

وياريت من الاداره تحذف المشاركه بتاعة العضوfadaky وتاخد معاه الاجراء الازم

وشكرا

**a7er7ob** · 05-01-2009 02:09 AM

شكرا يا جماعه والله على رددكم الحلوه معايا
والاخfadaky
قلي ايه القاعده الي بتقولي انا كسرتها دي يمكن اكون فعلا غلطان وشكرا

**Dr Ahmed** · 05-01-2009 02:13 AM

المشاركة الأصلية كتبت بواسطة a7er7ob

شكرا يا جماعه والله على رددكم الحلوه معايا
والاخfadaky
قلي ايه القاعده الي بتقولي انا كسرتها دي يمكن اكون فعلا غلطان وشكرا

أيوه صحيح هى إيه القاعدة وليه إداك إنذار ووقفك أسبوع؟

**nabaster** · 05-01-2009 02:19 AM

يا جماعه انتو مش فاهمين الي حصل بظبط
الحكايه ان العضو fadaky
قال كام لفظ مش كويسين في حق صاحب الموضوع
قبلتالي الاداره حذفت المشاركه وكتبتله انك كده كسرت القاعده 13 واتوقف اسبوع
يعني ده كلام الاداره مش كلامه ومشاركته وكلامه هما الي اتحذفو
فهمتو؟؟؟؟؟؟؟؟؟؟؟