ازاي اروح كوبري القبة

**kemo0o** · 04-01-2009 08:26 PM

السلام عليكم

انا عاوز اروح كوبري القبة خاصة عند مبنى المخابرات وطبعا الطريق المعتاد ان انا بطلع اكتوبر وانزل نزلة القبة واكمل على طول المهم انا جاي من بنها وصعب جدا جدا الصبح ادخل وسط البلد وخاصة رمسيس او أحمد حلمي فايه اسهل طريق ممكن من الكورنيش عشان انا هطلع على الكورنيش ياريت حد يوصفلي بعد لما ادخل على الكورنيش اعمل ايه ؟؟؟

**mxz911** · 20-01-2009 03:23 AM

لو انت على الكورنيش اعتقد من التحرير ممكن تطلع كوبرى اكتوبر وتنزل عند النزله بتاعت قاعه المؤتمرات ..
واول ما تنزل النزله دى تلف فى اول شمال وتخش الطريق اللى جنب قاعه المؤتمرات كأنك رايح على ناحيه صلاح سالم .. هتطلع اول كوبرى يقابلك وهو كوبرى الفنجرى وتنزله .. وبعد كده هتلاقى كوبرى تانى قدامك تطلعه وهوه كوبرى القبه وتنزل اول نزله يمين فيه وهيه هتوديك على ميدان حدائق القبه
وبعدها تفضل مكمل يمين وتلف اول لفه قدام القصر الجمهورى شمال بحيث تفضل ماشى بمحاده القصر وتكمل على طول هتلاقى المخابرات على شمالك

ولو عزت اى حاجه هناك قولى .. انا ساكن فى عمارات المخابرات :)

**mxz911** · 20-01-2009 03:36 AM

**A.Saad** · 26-01-2009 12:27 AM

ممكن تدخل على المظلات
شارع بورسعيد
لحد سكة الوايلى وتكمل سكة الوايلى وتلف الميدان زى ما الخ Mxz قال
انا بقاللى سنين ماروحتش هناك بس فاكر ان الطريق ده كان كويس