الموضوع: مشكلة فى طارة القياده (اوعى يقلك افكلك طارة الدريكسيون )

اول امبارح بعد مركبت بارات دريكسيون وبيض مقص و قاعدة موتور امامى . الميكانيكى قالى روح اظبط زويا فروحت اظبط فى بنزينة موبيل اللى فى طريق الدائرى جمب fbi طبعآ بنزينة محترمة ويارتنى مروحت بعد مظبت الزويا قالى ان لازم اعدل طارة الدريكسيون سنه يمين وفعلآ دخل وفك الكلاكس وفضل يخبط فى الدريكسيون عشان يطلع الطارة لغاية لمة رومال البلى بتاع الطارة فرط والدريكسون باظ كلة لقيت الراجل وشة اصفر وبقلة انت بتعمل ايه قالى لا مفيش ثوانى راح منادى على مهندس وخدة العربية برة وفضلة يحاولة فيها فقلى الرومال بلى فرط ودى بتحصل واحد فى المليون
اتعصبت علية وقلتلة يعنى عشان اظبط زويا ادخل فى قصة تانية قلى معلش ياباشا حنبعت نجيب رمال بلى جديد ونركبة المهم غابة 3 ساعات وجم بعمود دريكسيون كامل استيراد من الحرفين وقلولى كده احسن واامان عن اللحام ووجع الدماغ . اتصلت بالمكانيكى وجالى وشاف الدراع قالى تمام وركبناة وبعد مجربناه تمام وشغلا زى الفل وبعدها عملت خناقة معاهم وكلمت ريسهم على اللى حصل فجالى الراجل اللى كسر الدراع الدريكسيون بيقلى والله جيبت الدراع ب 350 جنية شوف انت ياباشا اللى تجيبة انا راضى بيه وده قدر ونصيبك كان كده معلش قلتلة انا اخرى 20 جنية قالى خلاص انا مش حاخد حاجه وعملى زعلان وقالى انا مش مسامح وانت على طريق وحسبى الله مشيت ورجعت قلت لا برضوا حرام دنا على طريق رجعتلة ب 50 جنية برضوا زعلان واخرى طلعتلة 80 ومشيت وهو راضى وانا عوضى على الله ...
(احذروا بنزينه موبيل اللى فى الطريق الدائرى بتاع الزويا واسمه محمد اوعى يقلك افكلك طارة الدريكسيون )

(الميكانيكى قلى اصلآ طارة الديركسيون مش بتتفك كده بتاعت اللانوس دى لازم زرجينا ده غشيم اوى الواد ده اللى فكهالك )

المهم بقى المشكلة هنا بعدها الدريكسيون شغال حلو وتانى يوم فل النهارده باليل لقيت حاجه غريبة لمة بلف طارة الدريكسيون بسمع صوت الطارة وهيه بتلف صوت فى خشونه وزن جي من الطارة نفسها فده عيب ايه خايف اروح لحد تانى يخلع الطارة يبوظهالى تانى هل ده عيب بلى . وحاسس انى الطارة تقيلة عن الاول
انا حزين جدآ على اللى حصل ده ومش عارف اعمل ايه

انا طولت جامد سامحونى بس كنت محتاج افضفض واحكلكم تجربتى مع البنزينه اللعينة دى

الحمد لله روحت للحرفين النهارده عند واحد اسمه محمد جينز كلة بيشكر فيه ظبطلى الدريكسيون وحكتلة اللى حصل . قالى اللى ركبهولك شكلة كان عايز يقلبك مربطش علية بشكل صحيح .
المهم ظبطة وقالى بس هو برضوا اللى جايبة مش اد كده مش حيقعد معاك كتير(حسبى الله ونعمة الوكيل ) المهم الحمد لله على كده ياخد فترتة وابقى اجيبلة بعدين عظمه جديده .

فى مشكلة تانية بقى عندى ان الشكمان عندى بيقطع فى الصوت بيعمل زى بكبكه بقالة من فترة . ظبط سيور الكاتينة مفيش فايده وجبت طقم واسلاك بوجيهات ونظفت النجكشن على الفاضى. قلولى لازم تكشف على الموتور بالكمبيوتر يقلك سبب العطل ايه ؟ (الموتور مش مظبوط )
فكشفت كمبيوتر طلع كلة تمام قلى يبقى اظبط سيور قلتلة ظبط قبل كده والصوت بتاع الشكمان كان من قبل مركب السيور رجع قلى يمكن رشاشات بيقلى يمكن فى رشاش واحد بايظ

طب اعرف منين مع انى سحب العربية الحمد لله كويس والعربية مش بتغيب فى الدوارة انا عايز اعرف الرشاش لو بايظ ايه اعراضة وهل ينفع اغير رشاش واحد بس ولا لازم طقم كامل ؟.
صوت البكبكة ده من ايه ؟