ارجو من كل اعضاء هذا المنتدي المحترم بعدم زيادة السرعة عن 100 كيلوا في الساعة في اي وقت
كل واحد يشارك يكتب تعهد علي نفسة بذلك
رجاء للحد من الحوادث
عرض للطباعة
ارجو من كل اعضاء هذا المنتدي المحترم بعدم زيادة السرعة عن 100 كيلوا في الساعة في اي وقت
كل واحد يشارك يكتب تعهد علي نفسة بذلك
رجاء للحد من الحوادث
100 كم\نص ساعة ؟ :)
أنا أعترض :(
ممكن اوافق بس اليومين دول علشان لسه طالع من حادثة واعصابي تعبانة:)
بس من الاسبوع اللي جاي :twisted:
100 مناسب بالنهار مع الرادار :oops:
و اثناء الزحمة
بس بالليل و لغاية الفجر و ده ميعادي المفضل في السفر يبقي 120 علي الأقل
my minimum speed is 120 km/hour
اقتباس:
المشاركة الأصلية كتبت بواسطة osama
في دراسة عملتها وزارة في مصر مش فاكر وزارة إيه أثبتت الآتي:
أغلب الحوادث في مصر تحدث في سرعات منخفضة
وبالنسبة لتحديد أقصى سرعة ب 100 أنا لا أتعهد بذلك
السرعة تتحدد حسب نوع الطريق والزحام ومدى الرؤية والرادار وحالة السيارة وحالة السائق
على طريق زي الكريمات الجديد وصلت سرعة 145 ومفيش مشاكل
على الطريق الزراعي مقدرش أزود وقت الزحمة عن 100 في جزء صغير والباقي 90
أظن السرعة غير مرتبطة بالحوادث إلا في حالة السرعة الجنونية الغير متناسبة مع المكان والزمان والحالة
السلام عليكم ورحمة الله وبركاته
وانا موعدكش لاني بسافر علي طول والطريق دايما فاضي جدا من القاهرة لمرسي علم فمش هقدر امشي اقل من 120 : 140 والا هخلل في الطريق دول 600 كم يا عم
أنا أتفق مع الرأى القائل بأن السرعه الخطيره هى التى لا تتناسب مع ظروف الحال وظروف الطريق وإن كانت السرعه خطيره فى جميع الأحوال
أن السياره عند سرعه مائه كيلو فى الساعه تقطع 27,8 متر تقريبا فى الثانيه
وهل تعلم أن أأمن سياره فى العالم تحتاج الى حوالى 40 متر تقريبا لكى تتوقف من سرعه 100 كم فى الساعه فما بالك بعربياتنا
هل تعلم أن الفتره الزمنيه بين إدراك السائق للخطر وبين تصرفه بالضغط على الفرامل عند الأذكياء حوالى 6, ثانيه بحسبه بسيطه تكون قد قطعت خلالها حوالى 17 متر تقريبا قبل اتخاذ قرار الضغط على الفرامل (ده على فرض إنك ماشى 100 لا سمح الله مش 180 ولا 160 ولا 140 ولا حتى 120 عند 100 )
هل تعلم ان الله أمرنا بعدم إلقاء أنفسنا فى التهلكه قال تعالى (ولا تلقوا بأيديكم الى التهلكه )
هل تعلم أنه يوجد من ينتظرك لكى تعود اليه ويحبك ويحتاج لك
برجاء مراجعه أنفسنا ولنجعل طرقنا أكثر أمانا وأرجو أن يقوم نايل موتورز بدور فعال من أجل جعل طرقن أكثر أمانا
محمد إبراهيم
انا اؤيد ه\ة الفكرة بشدة.....وفعلا ازيد من 100 كم /س مالوش معني ....وعلي فكرة استهلاك البنزين بعد ال 100 كم / س بيتناسب مع مربع السرعه مش السرعه .....يعني بتكون الزيادة عالية جدا
انا معاك ان السرعة بعد المية خطر ودا اللى انا عرفته دلوقتى(علما بانى مش بامشى اقل من 140 فى اى حتة :lol: )
وماذا تفعل الي معدي المية والطريق فاضي ماشي
طيب لو انفجر الاطار الخلفي او الخلفي هتعمل اية بقي[/b]
أنا أؤيد الفكرة
بس بيبقى غصب عنك لازم تشد، لأن ظروف الطريق بتحكم.
ربنا يستر طريقنا جميعاً
المشكلة مش بالضروري يترجع إلى السرعة الزائدة (أكثر من 120 في رأي تهور) ولكن المشكلة بترجع بشكل كبير لسلوك وعدم تقدير الأمور .
كم من أشخاص ملتزمين جداً جداُ في سواقتهم وراحو نتيجة إستهتار سواق ميكروباص أوسُطل سواق نقل أو نتيجة الطرق الغير صالحة في مصر....
ده رأي الشخصي
بصراحة الموضوع يبقي صعب خدا في الطرق الطويلة
نفسى أقولك حاضر مش حأزود عن 100 بس للأسف و عن تجارب عديدة على الطرق السريعة سرعة 100 بتبقى مملة جداً لدرجة انى بأبدأ أنعس و أنام ... و كنت مرة حألبس فى مقطورة بسبب الموضوع دة بس ربنا ستر ... الحل انى بأزود الى 120 أو أكتر حسب ظروف الطريق و ساعتها بأبدأ أفوق .. و أعتقد دة أقل خطورة من انى أمشى على 100 و أنا بأنام ... و ربنا يسلم طريقنا جميعاً
انا مشكلتي بقى ان شغلى باروحه من الدائري
وانا نفسي يوم واحد انزل فيه بدري عشان انزل براحتي ( بحلم باليوم ده بجد) المهم ببقى كل يوم متأخر فبضطر اني امشي 140 ومش اقل 120 حتى لو زحمه عايز اوصل الشغل ومستعجل
لكن انا ساعات بجد بمشي براحه اوي في الطرق العاديه لو ماوريش حاجه ( انا لما بكون مروح بيتي بعتبر اني لازم اجري عشان الحق اقعد في البيت او انام :twisted: ) يعني نادرا لما اكون رايق اوي
بص هو فعلا صعب اوي اوي موضوع 100 ده خالص ويمكن ده سبب اني بستهلك بنزين كتير اوي اغلب مشاويري دائري وبجري عليه على طول فالبنزين فالباي باي
تحية لصاحب الموضوع
لانها دعوة للخير وان اختلف الاغلبية معاه فى الراى الا انه لا يصح الا الصحيح
م/احمد كتب
دا لان ربنا بيستر مش عشان دا وضع طبيعى طبعا انتوا عارفين يحصل ايه لو ماشى على 100 وكاوتش ضرب ولا بقعة زيت ولا موقف مفاجىءاقتباس:
على طريق زي الكريمات الجديد وصلت سرعة 145 ومفيش مشاكل
اذا كان دا والسرعة 100 فما بالك لو كانت 140
يا احمد الطريق الزراعى اخطر حاجة تبقى انت ماشى فى امان الله ويظهر لك حمار (بشرى او حيوانى متستغربوش انا شفت الاتنين) وحصل موقف مع الوالد طلع له مرة عربية كر فجأة والحمد لله مكانش ماشى بسرعة وكان حينزل فى ترعة لولا سر ربنااقتباس:
على الطريق الزراعي مقدرش أزود وقت الزحمة عن 100 في جزء صغير والباقي 90
ا/جندى مجند كتب
اعتقد يا ا/جندى انك مشرف والمفروض انك قدوة للناس مش تقول الكلام دا معلش يمكن انا دقة قديمة بس انا من عشمى فيك بقول الكلام دااقتباس:
سرعة 100 بتبقى مملة جداً لدرجة انى بأبدأ أنعس و أنام ... و كنت مرة حألبس فى مقطورة بسبب الموضوع دة بس ربنا ستر ... الحل انى بأزود الى 120 أو أكتر حسب ظروف الطريق و ساعتها بأبدأ أفوق .. و أعتقد دة أقل خطورة من انى أمشى على 100 و أنا بأنام ...
يا اخوانى دا احنا والله طرقنا فى مصر كتير عليها 100 لان الطرق زفت والسلوكيات ازفت عشان كدا الواحد عشان يتجنب المواقف دى المفروض انه يمشى تاتا :D
وربنا يستر طريقنا جميعا
والله عندك حقك وانا بايدك
اقتباس:
المشاركة الأصلية كتبت بواسطة ابوحميد
يا أبو حميد أنا كاتب فى الأول انى نفسى فعلاً مزودش عن 100 و أنا على فكرة مش من النوع اللى بيمشى بسرعة و غرز و كبس لأ خالص بالعكس أنا بأمشى هادى جوة البلد لكن على السريع الطريق بيبقى فاضى و طويل و ممل و فعلاً و عن تجارب عديدة على الطريق الصحراوى لما بأمشى على 100 عينى بتبدأ تغمض خاصةً لو مسافر لوحدى و مش بأعرف أفوق و أصحصح الا على سرعات أعلى شوية لكن بدون طبعاً غرز أو كبس على باقى العربيات يعنى فى حدود المعقول
شكرا لاهتمامك ا/جندى بالرد اتمنى متكونش زعلت
وأنا أؤيد الفكرة جدا - لأن الحوادث في مصر زادت بشكل رهيب في الشهور الأخيرة وده يظهر الاحتياج الشديد دلوقتي في مصر للايرباج والعربيات اللي فيها عوامل امان عاليه
ربنا يسترها مع الجميع والحرص واجب طبعا
وعموما اجمل دعاء سمعته للي بيشتري عربية جديدة : ان ربنا يديه خيرها ويكفيه شرها
آمين
انا عايز اضيف ان الواحد كمان ميسوقش وهو مرهق و مش مركز
دة اخطر من موضوع تحديد السرعة
حوادث كتير حصلت بسبب ان السائق نام وهو سايق العربية
في التأني السلامة وفي العجلة الندامة. :wink:
http://www3.0zz0.com/2007/08/05/14/82924690.jpg
______________
محمد عبدالله
اقتباس:
المشاركة الأصلية كتبت بواسطة ابوحميد
مقدرش أزعل منك يا أبوحميد و كلامك صح طبعاً و نفسى ألتزم بيه بس مش لاقى حل لمشكلة النوم على السرعات البطيئة :)
حذف الرد للخروج عن الموضوع .. د.أحمد سمير
استاذي العزيز...
لقد بدأت النقلة الى الغيار الخامس داخل بنت المعز بأخذ طريقها الى غرفة الأنعاش من السنة الماضية....و رسميا تم تشييع جنازتها هذه السنة....و الاغرب ان النقلة الى الغيار الرابع اخذت تحذوا نفس الحذو...
حتن انني لأرى ان السيارة ذات المواصفات المصرية ستكون ذات 3 سرعات او سرعتين على الاكثر
انا اول المتهاهدين .. لن ازيد عن سرعة 100 باذن الله .. رقم 1
يا جماعه الموضوع مش موضوع سرعه عايز تجرى بالعربيه إجرى انشا الله تمشى 200 بس خليك عارف إنك ماشى على هوا ( الكاوتش ) و بعدين فرضا انك مش هتغلط ولا غلطه و انتا سايق تضمن منين ان اللى ماشى قدامك أو جنبك ميغلطش أو لاقدر الله كاوتش عربيته هوه اللى فرقع تخيل ايه اللى ممكن يحصلك انتا
ربنا يستر مع الجميع
السرعه مش هي السبب
و الله فال autobahn فألمانيا مش بيمشوا اقل من 150 او 160 و مشفناش حادثه واحده
و ده لان كله بيحترم المرور و بيحترم الناس و بيحترم اصحاب السيارات التانيه
بقت عاده عندهم احترام الشارع او الطريق بكل ما يحتويه بالاضافه الى وعيهم بكل صغيره و كبيره تخص سياراتهم
و الدليل من منا يقرا كتيب الارشادات و التعليمات مع سيارته الجديده :?:
انا من ضمن المويدين للسرعة المعتدلة وللعلم السرعة عند ال100 بتبقي انت اكثر امان والسرعة بتبقي مستريحة والاستهلاك في البنزين بجد والله اقل استهلاك ودة عن تجربة والله الموفق وبجد هيبقي لنيل موترز دور فعال
فى رايى 100 كويس فاغلب الطرق ماعدا الصحراوى 120 بس مش اكتر والسرعه دى تبقى بليل والفجريه انما باقى اليوم 100 علشان تفضل رخصتك فى جيبك :wink: