بتعمل اية لما واحد صاحبك يزن على ودانك عشان ياخد لفة بالعربية

**ZAKI32** · 05-01-2009 04:23 PM

المشاركة الأصلية كتبت بواسطة michohat

حصل معايا موقف فيه حرج اكبر من كده
مش صاحبى اللى طلب منى انه يسوق (يتعلم) عربيتى ده مديرى فى الشغل هوا اللى طلب ده منى
والحمد لله ساعه لما طلب منى مش كنت سامع كويس فافتكرت انه بيقول عاوز صورة بدل ما عاوز اسوق ف صورته بكاميرا الموبيل وبعد كده عرفت قصده كان ايه بس الحمد لله الموقف كان عدى
والحمد لله لسه فى الشغل

ربنا سترها معاك انه مدنوش يلح عليك .ويقولك انت الظاهر مبتسمعش كويس يروح قايلهالك تانى.
ههههههههه

**blazer** · 05-01-2009 04:56 PM

انا واصحابى مع بعض ممكن كل واحد يخللى التانى يسوق عربيته
بس بما اى واحد فينا بياخد عربيه التانى بنسوق بهداوه جداا و بنحافظ على العربيه و بتبقى مسافه قليله ولما بقوله كفايه علطول يركن على جمب
وهو الموضوع مش اكتر من انو يجرب العربيه يعنى الفكره انه يقدر ياخد فكره عن العربيه دى مش انو نفسوا يسوق وكدا

**magyver** · 05-01-2009 05:09 PM

انا عن نفسي مش بخلي اي حد يسوقها الا اما يكون صاحبي قوي ولازم اركب معاة مش بسيبوا لواحدة

**hanyelwaly2010** · 05-01-2009 05:23 PM

حصلتلي مره صاحبي اعد يزن عايز اجرب الاول و التاني بعربيتك كنت لسه شاري العربيه الافيو فامت جايبهالو في حته فاضيه جالص و قولتلو ما تعديش ال 40

**ahmedsamir79** · 05-01-2009 05:33 PM

لا يمكن أبدا

أخويا و واحد صحبي عزيز عليا بس اللي ممكن أخليه يسوقها

**Busquets** · 05-01-2009 05:53 PM

انا لا يمكن تحصل

معرف اصدقائى كلهم انى مش بتاع هات لفه

لان كلهم معاهم عربيات نضيفة :) فلو خد لفه هاخد منو لفه :) و طبعا كلو بيخاف على عربياته :)

**dr.nemo** · 05-01-2009 06:30 PM

ارفض طبعا واقوله لوعاوز تقعد تلف ابقى اجر عربية لف بيها
ماعدا واحد صحبي جربها بتاع 100 متر وفي طريق فاضي وبس على كده
ده طبعا غير لما العشفجي او الميكانيكي يجرب لما يكون فيه مشكله
برده قلبي بيبقى بيتقطع بحس انهم بايعينها بس بخليهم يربطو الحزام وميمشوش في المخالف

انا لي واحد زميلي كان لسه شاريين لانسر 2007 وجاي بيها الكلية
واحد صاحبه طلب منه انه ياخد لفة
ووالله الراجل لسه بيطلع من الباركينج وطالع على الطريق .... واحد دخل فيه ودمر نص العربيه القداماني
بس هو علطول قاله العربية عربيتي وصلحهاله ب 9000ج
ومن ساعتها حرم يجرب عربية حد او يخلي حد يسوق عربيته

**MohabSaeed** · 05-01-2009 06:55 PM

بصراحه هو بيبقى موضوع محرج , و حصل قبل كده معايا لكن الاجابه دايما .
" اسف مش حينفع " .

**mahmoudzaied** · 05-01-2009 07:01 PM

موقف محرج جدا جدا
وديما برد رد دبلوماسى
بلاش العربية لسة جديدة
لما تدينى لفة بعربيتك الاول
فكك من اللى بشكك
كدة يعنى
المرة الوحيدة اللى اديت لواحد صاحبى العربية كان فى الجامعة بس اديتهالو لانو معاه لانسر برضو واكيد عارف ابعدها كويس
بس كنت قلقان ليعمل حاجة تودينى فى دهية
بس بجد موقف محرج