بتعمل اية لما واحد صاحبك يزن على ودانك عشان ياخد لفة بالعربية

**fady.bekatcho** · 05-01-2009 10:01 PM

انا ما فيش غير واحد بس من صحابى هو الى بخلية يسوقها

االانة اتملامرت معايا كتير لما جيت استلم العربية وما سبنيش فى المرور لانى ما كنتش لسة طلعلت رخصة وكل دة

ومش بيسوقها الا لو كنا مع بعض

او محتاجها فى شى ضرورى

غير كدا لا لا لا

**mrghost** · 05-01-2009 11:46 PM

انا الشاهين عندى مفيش غيرى او والدى وبالعافيه كمان والميكانيكى يادوب بيجربها لو فيها عيب ولا حاجه
قبل كده كنت مسافر بالريتمو انا واصحابى وكنت لسه شاريها واحد منهم ابن حلال طلب انه يسوق شويه ويادوب ركبها من ميت غمر الى بعد اجا بشويه والحمد لله بقى يقرص على العربيه لحد مافوت الاسطوانه وكسر الديسك !!!!!!
ومبقتش عارف ارجع مصر بالعربيه ماكنتش عاوزه تمشى اصلا
وطبعا والدى عمل الواجب معايا لما رجعت ودفع تصليح 400 جنيه
من ساعتها مبقتش اتكسف من اى حد يطلب منى العربيه (لدرجه انى كنت هاخسر اعز اصدقائى بسبب الموضوع ده بس برضه انا حرمت خلاص

**samehafez** · 06-01-2009 12:06 AM

في قاعدة بتقول حاجتين متسلفهمش لحد .......عربيتك اهمهم .

**Abdo_Eldesokey** · 06-01-2009 12:14 AM

أنا ممكن أخلي حد من اصحابي يجرب العربية بس بشرط ، يكون عنده المقدرة إنه يتحمل أي حاجة لو العربية حصل لها حاجة

نفس الكلام بطبقه على نفسي لو حد طلب مني آخد عربيته أعمله فيها شغل ، لو أنا أقدر على مصاريفها لو اتخبطت أو حصل حاجة فيها لا قدر الله باخدها عادي ، لكن لو عاربية عالية في مصاريفها بقله آسف

**abzoabzo** · 06-01-2009 12:46 PM

بنفض لاى حد واللى مش عاجبه يشترى عربية
ناس قليلة قوى فى صحابى بيبقوا محتاجنها قوى
وببقى مش خايف على العربية معاهم

**badblood** · 06-01-2009 02:04 PM

المشاركة الأصلية كتبت بواسطة mido777

هو فيه رد مقنع جدا جدا
ومتخليهوش يطلب منك العربية تانى ابد

بس للأسف مينفعش اقوله على العام

حبعتهولك على الخاص

+100000

**badblood** · 06-01-2009 02:05 PM

بحلقلوه تماما

**khalid_adel** · 06-01-2009 03:09 PM

يااااااااااااااه الموضوع ده قدييييم اوي وعدي عليه الزمن بالنسبالي
المهم زمان انا واصحابي كنا بنبدل عربيات بعض وتقريبا كل واحد كان بيجرب في التاني انهي عربيه حتستحمل اكتر
دلوقتي مفيش حد حيقولي هات لفه هي بتيجي بانه عايز يجرب العربيه او اكون انا تعبان قوي واقوله معلش تعالي سوق انت وانا كمان بعمل كده
على فكره انا مره زمان كنت تعبان وقلت لصاحبي تعالي سوق العربيه وكنت راكب ورا من التعب وفجاه قمت على طاااااخ طلع فوق الرصيف والعربيه اتبهدلت قوي ساعتها بس عادي قلت الحمد لله مكلمتوش في اي حاجه مع اصراره انه يصلحها بس انا مردتش لان ده نصيب وكان ممكن لو انا اللي سايق وانا تعبان كده كان يحصل اكتر من كده والحمد لله في كل الاحوال