يصراحة المواقف دى بتبقا سخيفة ومحرجة اوى بس فى الاخر بديهالة
يصراحة المواقف دى بتبقا سخيفة ومحرجة اوى بس فى الاخر بديهالة
على حسب مين من صحابي الي بيطلبها في ناس اه وفي لا
الموضوع ده كان صعب في الاول...
في البداية كنت باتحرج.
وبعدين اتعلمت الأدب وعمرها ماعادت بتحصل.
مره نسيبي اخدها... وهو من شاب غاوي عربيات... الاول كان بياخدها عادي.
ده كان في شم النسيم.
لكن بعد المره دي ابدآ....ابدآ.
تاني يوم لاقيت جلدة كرسي الموتور مقطوعه ( طلع بيها امريكاني جامد. او خمس كتير)... والماكينة ساقطه علي الرادياتير.
والشكمان حايش في جسم الماكينة وصوته عالي من عند الفرن.
وفضلت واقفه يومين. وده طبعآ بالنسبة لي عطلة.
طبعآ الرادياتير اتخرم. وحليت فرن الشكمان وغيرت كرسي الموتور.
وكانت اخر مره ياخدها.
اخويا كان كل مره ياخدها مشوار ماتكملش اسبوع ويحصل فيها حاجه.
هو برده غاوي عربيات و تخميس والكلام ده... مع اني كنت بانبه عليه.
وطلب مني العربية مرة وانا كنت مسافر فقلت لد روح البيت خد المفاتيح بس مش حوصيك.
قاللي عيب.
وبعد مارجعت باسبوع عرفت من الميكانيكي بالصدفة ان العربية عمرت وانا مسافر.
وبرده كانت اخر مره ياخد العربية لوحده.
وماعدش حد ممكن يسوقها ابدآ الا والدي... او اخويا بس واحنا سوا بس... يعني يريحني في السفر الطويل مش اكتر.
صاحبي الوحيد اللي كان ممكن أديهاله يسوقها وانا جنبه عشان انا بانام واحنا راجعين من سفر ولما بيركبها بيتعامل معها كأنها الشاهين بتاعته ( ناشف على الفتيس والدواسات) وانا عربيتي آتوس (بسكوتة) عشان كدة مستحيل حتى لو طلب مني دا وبقوله بصراحة سواقتك ناشفة على عربيتي وبيسكت ويقتنع غير كدة أخويا الوحيد اللي ممكن ياخد العربية وببقى في قمة العصبية والتوتر وهو بيطلبها مني بس طبعا أخويا ولا يمكن أقوله لأ والحمد لله جاب عربية خلاص
اي حد تاني لأ !!! ماعدا حالات الطوارئ لاقدر الله
ليا 2 صحاب عربيتي هي عربيتهم. وعربياتهم هي عربيتي...واسلوب سواقتنا واحد...وتفكيرنا واحد حتى في اسلوب السواقة.
فبكون متطمن.
لدرجة ان مرة واحد سابلي عربيته اسبوعين عشان كانت عربيتي فيها مشكلة بسيطة في الفرامل. وخربتله فرامله ساعتها :d
مرة تانية كنا في شاطئ النخيل وواحد منهم جرح العربية بالطول عشان كان معلي الكاسيت والعربية حكت في اللي جمبه...وساعتها قالي انت تستاهل عشان بتسيبهالي :d ، تاني يوم عربيته الاربع فرد كانو على الارض اول ماصحي من النوم هههههههههههههههه ومن ساعتها اتعلم يحافظ على عربيتي زي مابحافظله على عربيته.
وفي مرة للأسف بوظت فرامل واحد انتيمي ولكن اتعالجت المشكلة الحمد لله سريعا وكانت تافهة جدا وكانت مجرد ان التيل محتاج يترجلش كويس.
ده يا جماعه لينك لنفس الموضوع ده
http://www.nilemotors.net/Nile/showt...t=49368&page=2
طبعا هتلاقوني في الموضوع ده حاطط بوست ليا وطبعا علشان البوست ده معجبش بعد الاعضائ الافاضل حسيت اني ممكن انطرد من المنتدي
بعض الاعضاء طبعا مكنش عاجبهم ردي الي نص الردود هنا نفس الرد بتاعي وتخيلو بقي المفارقه الكبري واحد من الاعضاء المحترمين الي كان بيلومني علي ردي واخد ردي ورادد بيه هنا
يا سبحان الله عالم تموت وتعقل في جن غيرها
ربنا يهدي الناس ويشفي المرضي النفسيين
و ايه اللى فيها لو خليت واحد نفسه يسوق و اديتهاله يسوقها شوية, أنا شخصيا لو واحد عارف ان بيسوق كويس و سواقته محافظة على العربية يعنى مبيتعبش الموتور و يخلى صوته يعلى و مبيهلكش الفرامل و متمكن فى السواقة بخليه يسوق مفيش أى مشكلة
الموضوع ده يا جماعة فكرني بفيلم عبود عالحدود
" هو إحنا مش هنشوف العروسة ولا إيه ؟ :ma: "
" تشوفها !!!؟؟؟؟ ده أبوها مشافهاش !!! :beatdeadhorse5:"
بس فعلاَ يا جماعة انا برضه من الناس اللي بتعتبر العربية منطقة أعراض :k4:
يا خبر ابيض يا جماعة :confused: امال لو كنا فى الامارات كنا هنعمل ايه !!!
لو حد منكم كان عنده موستنج ولا فيرارى ولا لامبورجينى ولا سكاى لاين كان هيعمل ايه !!!
انا اعذر اى حد فى حالة واحدة بس .. لو كان عامل Tuning فى عربيته ومكلفه وقت ومجهود وفلوس كتير ..ده حقه ميديهاش لحد اطلاقـــا ...
وعموما ليا صحابي مقدرش ارفض لهم طلب ولا هما يقدروا يرفضوا لى طلب واخر حاجة نتكلم فيها هى العربيات ..
لو واحد صاحبي و بيعرف يسوق و تمام و واثق في سواقته يبقى قشطة
و ممكن اسيبه يسوقها طول الخروجة كمان
لكن لو واحد عايز يجريب حظه يبقى عند امه يا ادهم!!