بتعمل اية لما واحد صاحبك يزن على ودانك عشان ياخد لفة بالعربية

**ZAKI32** · 05-01-2009 02:32 AM

سعات كتير بنتعرض لهذا الموقف .وهو ان يكون واحد صاحبك او قريبك وخاصة لو فى معزة بينكم .ويقولك عايز لفة ويعد يزن عليك .وتبقى فى قمة الاحراج ::وبتعمل اية لو فى موقف طارئ والموقف يجعلك لاتستطيع ان تقود بنفسك وان لابد من شخص اخر هو اللى يسوق بدالك..
المرة الوحيدة اللى حصلت انى قبل ماأطلع رخصة خليت صاحبى اللى معاه رخصة يركب عشان نعدى الكمين المهم دنة يقطع فى العربية ويشحط فيها ورجلة تقيله لانه مش متعود عليها. واقوله حاسب بالراحة على مهلك وفى الاخر اقوله انزل(دى كانت اول واخر مرة)

شوف بقة الزن على الودان امر من السحر

-انا شخصيا اتكرر معايا الموقف دة كتير .وانا فى الجامعة بالعربية.ولا اوافق على ان يركب اى شخص السيارة عامة وخاصة فى الجامعة عشان لو خبط اى شخص داخل الحرم الجامعى هتبقى مصيبة وممكن مدخلش العربية تانى.وبيحصل الحوار الاتى:
صاحبى:عايز لفة
انا :بقولك اية اطلع من دماغى
صاحبى :بقى كدة انت بتعمل معايا كدة
انا :اقوله بص كله الا العربية:k26:
صاحبى:ماتخفش همشى بالراحة
انا : لا معلش دا انا لسة قايل لواحد صاحبى هو عارفة .لا بردو
بطلع من الموقف السخيف دة بانى اقوله العربية مش ملكى ملك ابويا عشان مش طالبة اى موقف سخيف يحصل
واروح مثبته واقوله عارف لو عربيتى هخليك تسوقها طول النهار .
المهم بيسكت ومبيلقيش فايدة.

**Fadi Ezzat** · 05-01-2009 11:14 AM

بس فعلا الموقف دة فى قمة الاحراج بذات لو عربية جديدة انا ليا واحدد صاحبى كان عايز يسوق اعلربية انا كنت لسة شارى الاوكتافيا طبعا اما تبقى لسة جايبها تبقى بتخاف عليها قاعد يزن فرحت صراحة اتدهالة ساقها شوية بس انا كنت ماسك فرامل اليد علشان بخاف ليخبطها ولا حاجة

**mido777** · 05-01-2009 11:21 AM

هو فيه رد مقنع جدا جدا
ومتخليهوش يطلب منك العربية تانى ابد

بس للأسف مينفعش اقوله على العام

حبعتهولك على الخاص

**michohat** · 05-01-2009 11:28 AM

حصل معايا موقف فيه حرج اكبر من كده
مش صاحبى اللى طلب منى انه يسوق (يتعلم) عربيتى ده مديرى فى الشغل هوا اللى طلب ده منى
والحمد لله ساعه لما طلب منى مش كنت سامع كويس فافتكرت انه بيقول عاوز صورة بدل ما عاوز اسوق ف صورته بكاميرا الموبيل وبعد كده عرفت قصده كان ايه بس الحمد لله الموقف كان عدى
والحمد لله لسه فى الشغل

**michohat** · 05-01-2009 11:30 AM

المشاركة الأصلية كتبت بواسطة mido777

هو فيه رد مقنع جدا جدا
ومتخليهوش يطلب منك العربية تانى ابد

بس للأسف مينفعش اقوله على العام

حبعتهولك على الخاص

طبعا مينفعش ينقال هنا

**M.Osman** · 05-01-2009 11:41 AM

ولا بعبره....

**wesam_salom** · 05-01-2009 02:56 PM

لأنى فى الفتره الاخيره غيرت عربيات كتير
رغم انى مقتنع ان كده غلط
بس انا ليا اتنين اصحابى عارف انهم بيحافظوا عليها
اتعودت اول ما اشترى العربيه
اقولهم تعالوا جربوها
كل واحد منهم ياخد لفه وشكرا على كده
بعدها اقولهم عجبتكم
اول واخر مره تعملوا كده
ان شاء الله تبقوا تجربوا العربيه اللى بعدها
بس صدقنى لو حد منهم طلبها مبتأخرش عليه لانى ببقى عارف انه محتاجها ضرورى جدا
مش علشان ياخد لفه وبس
وفى نفس الوقت انا متأكد انهم بيحافظوا عليها زى انا ما هحافظ على عربياتهم
انما لو حد غريب او مش صاحبى الانتيم
برد عليه رد رخم
واقوله احمد ربنا انى موافق انك تقعد جنبى فيها
كمان فاكر انى هخليك تسوقها