مقارنة البيرسونا (جين2)at 2009-- و-- لانسربوما هاف سبورت 2009 1600at

السلام عليكم
انا شخصيا محتار فى المقارنة بين:
1- بروتون بيرسونا او جين 2 اوتوماتيك 2009
2- متسوبيشى لانسر بوما اوتوماتيك هاف سبورت 2009

علشان كده قلت استفيد من المنتدى الجميل ده فى عقد مقارنة موضوعية بين العربيتين...

انا عضو جديد بس قريت كتير فى المنتدى..يعنى بعتبر نفسى ناقد جيد لمحتواه...علشان كده اسمحولى بالتأكيد اولا على موضوعية المقارنة من وجهة نظرى علشان نوصل لمستوى عالى من التجرد -حلوة منى دى :S_thum1[1]:-

الموضوعية تبدأ بان الرأى يكون دقيق و محدد...
يعنى مينفعش أقول مثلا انا معاى جين 2 و سحبها وهمى و تكون عربيتى مانيوال و مقولش كده...رغم ان المقارنة بتتكلم عن جين 2 اتوماتيك..و هكذا..
انا قلت ابدأ بنفسى و احدد الموديل و سنة الصنع لكل عربية عشان اكيد الكماليات هتخش فى المقارنة..

و الموضوعية برده بتقول انى مقولش رأى فى خاصية استخدام لسيارة لم استخدمها...يعنى لو قلت راى فى شكلها ده يبقى رأى موضوعى عشان ده شكل خارجى -بالنظر يعنى :U_thin1[1]:- لكن لو قلت رأى فى اد ايه بتعيش و انا عمرى ما ركبتها او صنتها او معملتش معايا 10000 كم يبقى ده مش موضوعى..(الا بقى لو متأكد ان ده رأى واحد معرفة مش معانا هنا فممكن أقوله لعموم الفائدة)

اهم نقطة بقى..ياريت محدش ياخد الموضوع بشكل دفاع عن عربيته او عربية هو بيحبها...خلينا نتفق ان احلامنا فى العربيات اكبر من اى عربية موجودة فى السوق المصرى :K_crying[1]: و ممكن منعرفش نحقق الحلم ده الا فى الجنة ان شاء الله اجمعين...:120105~352:
اصلى بجد بشوف ناس بتدافع بانتماء عالى قوى...:C_laugh[1]:

معلش طولت عليكم...:Zb_sor1[1]:...انا هبدأ حالا.....
ملحوظة: التقييم لكل وجه من اوجه المقارنة ماخوذ من المنتدى...و فى انتظار اضافاتكم و تصحيحاتكم

و جزاكم الله خيرا..........


بيرسونا او جين 2 اوتوماتيك 2009
السعر
92000 برسونا و 91000 جين2
الثبات
ثبات عالى جدا
العفشة
عفشة رياضية ناشفة فى الجين2 و انعم شوية فى البرسونا
السحب
ضعيف فى السرعة تحت 40 و تم تحسين هذا فى 2009
نظم الأمان
2 ايرباج + ABS
التحمل و طول العمر
لا أدرى
التوكيل
من اراء المنتدى...اعتقد متوسط
سعر قطع الغيار
لا أدرى
التكييف
لم يتم ذكر عيوب عنه..نعتبره جيد
الشنطة الخلفية
جيدة فى الجين و كبيرة جدا فى البرسونا
و فى الحالتين ممكن توسع لتشمل الكنبة
وسع الصالون
متوسط فى الجين و جيد جدا فى البرسونا
الشكل الخارجى
تحفة شبابية فى الجين و تحفة عائلية و برستيج فى البرسونا
التابلوة و الكونسول
لذيذ و غير تقليدى
جودة التقفيل و خاماته
منخفضة
الكماليات
راديو و سى دى..تعديل ارتفاع الكراسى الأمامية و مساند الرأس..طارة ملتى فنكشن...مرايات كهرباء...فوج لايت...4 سماعات...باركنج سنسور..جنوط عريضة.
قابلية اعادة البيع
متوسطة
اختبار التصادم Euro NCAP
لم تختبر!!!
لانسربوما هاف سبورت 1600 اوتوماتيك
السعر
114000 --- 22000 فرق!!!
الثبات
ثبات عالى جدا
العفشة
رياضية و ناشفة و قوية
السحب
سحب قوى جدا
نظم الأمان
1 ايرباج +ABS +EBD
التحمل و طول العمر
معمره جدا
التوكيل
جيد لكن يعيبه الزحام الشديد
سعر قطع الغيار
لا ادرى
التكييف
ممتاز
الشنطة الخلفية
جيدة
وسع الصالون
جيد
الشكل الخارجى
جميل لكن منتشر جدا
التابلوة و الكونسول
جيد جدا
جودة التقفيل و خاماته
ممتاز
الكماليات
مرايات كهرباء!!
قابلية اعادة البيع
ممتازة
اختبار التصادم Euro NCAP
جيدة جدا

تعتمد على نوعية الشخص.....
هناك من الاشخاص من يفضل الاعتياديه فى الامور (شرا الدماغ)
العربيه الانسر هى صفقة (شرا الدماغ)

وهناك من يغامر واحتمالات المكسب والخسارة واردة
لكن ان كسب هيكسب كتير ( نفس الامكانيات وبفرق سعر معتبر)
وان خسر مش هيخسر كتير لانها ليست عربيه صينى

انا راى طالما الفرق ازيد من 5 الاف يبقى الميزانيه هى اللى تحكم

الخلاصة

لانسر وتشترى دماغك

جين 2 وتغامر وان كانت المغامرة محسوبه والعربيه منتشرة واثبتت كفاءة

تقبل تحياتى

شكرا جزيلا لردك

و متفق معك في هذا
هيا دي فعلا طريقة تفكير ‎أغلب المشترين
‎خصوصا في المقارنات من هذا النوع

بس أنا نفسي في هذه المقارنة إن الفرق الحقيقي يوضح بين السيارتين
في إنتظار مشاركات باقي ‎الاخوه و تعليقاتهم على هذه المقارنة المبدئيه

أنا معرفش أي حاجة عن البرسونا بس أعرف اللانسر كويس, اللانسر عربية ممتازة و ليها وضع خاص في السوق المصري من حيث سعر اعادة البيع.
بس السؤال هل ممكن إن إحنا نقارن لانسر و بيرسونا و ساعتها هيكون إيه سبب الفرق الكبير في السعر دة.
يعني ينفع تقارن ياباني بماليزي??

جميله اوي المقارنه ومفيده
لكن الحيره مازالت موجوده
المهم انك تكون مقتنع بالعربيه ومرتاح نفسيا ليها
والمقارنه ادامك والاختيار اختيارك
انا شايف ان اللانسر منتشره جدا
وهي عربيه عمليه واثبتت كفائتها على مدار الاعوام الماضيه
وعربيه نقدر نقول انها معمره لفتره طويله من الوقت
والجين تو بقالها كذا سنه ومش منتشره
لكن بردو اثبتت كفائتها الا حالات فرديه شفتها هنا في المنتدى
واظن انها بتتحسن وفي اقبال عليها
البيرسونا دي اول سنه ليها ومش عارف رأي ملاكها فيها ايه
انا صراحة مقتنع بالجين تو وحاببها وبالذات انها صفقه رابحه
عربيه كامله وبسعر قليل مقارنة بباقي اسعار الموديلات اللي في فئتها
وليها طابعها المميز ومختلفه
اظن ان الجين تو تكسي ككماليات وشكل وسعر والموتور
ويعيبها جودة الخامات لكن اظن انها مش هتسبب مشكله
شكرا

شكر على التقيم
فى نقطه وهى ان الانسر الهاف سبوت لو كويتى او مصرى بيكون فيها 2 اير باج مش واحده

انا بس عايز اوضح نقطه ان الكماليات اللى حضرتك كاتبها دى بتاعت اللانسر الاوتوماتيك العاديه مش هاف سبورت
لان الهاف سبورت بتبقى 2 ايرباج مش واحده وجنوط وفوج لايت
وسعرها 120
وشكرا على المقارنه

اقتباس:

---

المشاركة الأصلية كتبت بواسطة badry

السلام عليكم
انا شخصيا محتار فى المقارنة بين:
1- بروتون بيرسونا او جين 2 اوتوماتيك 2009
2- متسوبيشى لانسر بوما اوتوماتيك هاف سبورت 2009

علشان كده قلت استفيد من المنتدى الجميل ده فى عقد مقارنة موضوعية بين العربيتين...

انا عضو جديد بس قريت كتير فى المنتدى..يعنى بعتبر نفسى ناقد جيد لمحتواه...علشان كده اسمحولى بالتأكيد اولا على موضوعية المقارنة من وجهة نظرى علشان نوصل لمستوى عالى من التجرد -حلوة منى دى :S_thum1[1]:-

الموضوعية تبدأ بان الرأى يكون دقيق و محدد...
يعنى مينفعش أقول مثلا انا معاى جين 2 و سحبها وهمى و تكون عربيتى مانيوال و مقولش كده...رغم ان المقارنة بتتكلم عن جين 2 اتوماتيك..و هكذا..
انا قلت ابدأ بنفسى و احدد الموديل و سنة الصنع لكل عربية عشان اكيد الكماليات هتخش فى المقارنة..

و الموضوعية برده بتقول انى مقولش رأى فى خاصية استخدام لسيارة لم استخدمها...يعنى لو قلت راى فى شكلها ده يبقى رأى موضوعى عشان ده شكل خارجى -بالنظر يعنى :U_thin1[1]:- لكن لو قلت رأى فى اد ايه بتعيش و انا عمرى ما ركبتها او صنتها او معملتش معايا 10000 كم يبقى ده مش موضوعى..(الا بقى لو متأكد ان ده رأى واحد معرفة مش معانا هنا فممكن أقوله لعموم الفائدة)

اهم نقطة بقى..ياريت محدش ياخد الموضوع بشكل دفاع عن عربيته او عربية هو بيحبها...خلينا نتفق ان احلامنا فى العربيات اكبر من اى عربية موجودة فى السوق المصرى :K_crying[1]: و ممكن منعرفش نحقق الحلم ده الا فى الجنة ان شاء الله اجمعين...:120105~352:
اصلى بجد بشوف ناس بتدافع بانتماء عالى قوى...:C_laugh[1]:

معلش طولت عليكم...:Zb_sor1[1]:...انا هبدأ حالا.....
ملحوظة: التقييم لكل وجه من اوجه المقارنة ماخوذ من المنتدى...و فى انتظار اضافاتكم و تصحيحاتكم

و جزاكم الله خيرا..........

كلام جميل و زي الفُل و هو ده الغرض من المنتدى و هو الحيادية في إبداء الرأي علشان أي حد مش عارف حاجة عن أي عربية يقرأ و يفهم كويس عن العربية اللي عايز يشتريها .


بيرسونا او جين 2 اوتوماتيك 2009
السعر
92000 برسونا و 91000 جين2
الثبات
ثبات عالى جدا
العفشة
عفشة رياضية ناشفة فى الجين2 و انعم شوية فى البرسونا
السحب
ضعيف فى السرعة تحت 40 و تم تحسين هذا فى 2009
نظم الأمان
2 ايرباج + ABS
هانضيف أن فرامل البيرسونا الكاملة و أي جين 2 فيها فرامل EBD
التحمل و طول العمر
لا أدرى
التوكيل
من اراء المنتدى...اعتقد متوسط
سعر قطع الغيار
لا أدرى
سعر قطع الغيار الأصلي مرتفع مثل أي سعر قطع غيار أصلية
التكييف
لم يتم ذكر عيوب عنه..نعتبره جيد
الشنطة الخلفية
جيدة فى الجين و كبيرة جدا فى البرسونا
و فى الحالتين ممكن توسع لتشمل الكنبة
وسع الصالون
متوسط فى الجين و جيد جدا فى البرسونا
أعتقد أن وسع الصالون متوسط في الأثنين
الشكل الخارجى
تحفة شبابية فى الجين و تحفة عائلية و برستيج فى البرسونا
التابلوة و الكونسول
لذيذ و غير تقليدى
جودة التقفيل و خاماته
منخفضة
أنا أعتقد متوسطة و ليست منخفضة
الكماليات
راديو و سى دى..تعديل ارتفاع الكراسى الأمامية و مساند الرأس..طارة ملتى فنكشن...مرايات كهرباء...فوج لايت...4 سماعات...باركنج سنسور..جنوط عريضة.
عدد مصابيح الشبورة هو 4
4 زجاج كهرباء
نظام اموبيوليزر لحماية السيارة من السرقة و انذار ايضا
امكانية تعديل الطارة حسب حجم السائق
كمبيوتر رحلات لقياس استهلاك البنزين و خلافه

قابلية اعادة البيع
متوسطة
اختبار التصادم Euro NCAP
لم تختبر!!!
لانسربوما هاف سبورت 1600 اوتوماتيك
السعر
114000 --- 22000 فرق!!!
الثبات
ثبات عالى جدا
العفشة
رياضية و ناشفة و قوية
السحب
سحب قوى جدا
نظم الأمان
1 ايرباج +ABS +EBD
التحمل و طول العمر
معمره جدا
التوكيل
جيد لكن يعيبه الزحام الشديد
سعر قطع الغيار
لا ادرى
التكييف
ممتاز
الشنطة الخلفية
جيدة
وسع الصالون
جيد
الشكل الخارجى
جميل لكن منتشر جدا
التابلوة و الكونسول
جيد جدا
جودة التقفيل و خاماته
ممتاز
الكماليات
مرايات كهرباء!!
قابلية اعادة البيع
ممتازة
اختبار التصادم Euro NCAP
جيدة جدا

---

أنا علقت على بعض الجزئيات فيما يخص الجين 2 و البيرسونا من حيث الكماليات و بعض النقاط الأخرى

نيجي بقى لما نتكلم عن مقارنة اللانسر مع البيرسونا و الجين 2
أولا البيرسونا و الجين 2 هما نفس العربية لذلك سنكتفي بذكر كلمة الجين 2 على أساس أنها أول من تم تقديمه إلى الأسواق

اللانسر متفوقة في نقاط مهمة
تقفيل ممتاز و لم تظهر مشاكل كثيرة في التقفيل بعكس الجين 2
عربية عند ناس كتير مصنوعة في اليابان و دي عند بعض الناس لوحدها ممكن تخليهم يشتروها لهذا السبب فقط .
أعادة بيع العربية أكثر من ممتازة و لها فئات كثيرة تحبها و مستعدة لشرائها
توافر قطع الغيار و طبعا الأصلي غالي و لكن الميزة ان ليها قطع غيار غير أصلية متوفرة في السوق مما يُعطي بعض الناس مجال أوسع للأختيار في مسألة قطع الغيار .


مميزات الجين 2
الشكل ........والكماليات و السعر

العربية اتجربت في السوق و عاملة مبيعات كويسة مقارنة باسم شركتها الغير مشهور مما يعد نقطة ايجابية جدا في حق السيارة مما يعني أن العربية ما بين جيدة جدا إلى ممتازة و لن تصل إلى ممتازة إلا بعض مرور عام أخر أو عامين لتثبت كفائتها عند الناس .
طبعا فارق السعر الكبير ما بين الجين 2 و اللانسر بالاضافة للشكل الخرافي للجين 2 بيرجحوا كفة الجين 2 للناس اللي بتفكر في توفير فرق الفلوس الكبير و الحصول على نفس الأداء و بأقل جودة في تقفيل السيارة
و طبعا نقطة تانية

يبقى اللي عايز يشتري عربية ذات اسم مشهور ..... و متجربة و مفيهاش مشاكل ...و معاه فلوس أكتر و مستعد يصرفها ....... هايشتري لانسر

اللي معاه فلوس أقل و هايشتري نفس السلعة لنفس الغرض و بكماليات عالية هايشتري الجين 2
و فيه ناس معاها فلوس و ممكن تشتري اللانسر و لكنهم بيوفروا الفارق في جيبهم و بيشتروا عربية متجربة برضه و لكن لفترة أقل و بيعجهبم الشكل و الأداء و بيشتروا الجين 2

و في النهاية الأثنين عربيتين في فئة واحدة حجميا و لكن بينهم فارق سعر مُعتبر
لذلك أكثر عامل هايفرق هنا هو فرق السعر

و السلام عليكم و رحمة الله و بركاته

راى الشخصى وافر فرق الفلوس واشترى الجن 2 سعرها كويس وكماليات كتير وخصوصا ان اسعار الانسر غاليه اعتقد ان الانسر الكامله مانيوال سعرها وصل الى 106 الف والجن 2 (85000 ) يعنى معاك 21000 الف فى البنك ينفعو فى حاجة تانية وطبعا انت صاحب القرار .

بجد متشكر جدا يا أحلى منتدى....:Ta_clap[1]:

badry

اقتباس:

---

نظم الأمان
2 ايرباج + ABS

---

tutankhamoun

اقتباس:

---

هانضيف أن فرامل البيرسونا الكاملة و أي جين 2 فيها فرامل EBD

---

انا رحت توكيل عز العرب اللى فى الصحراوى و قابلت الأستاذ محسن صالح مدير المبيعات...الحقيقة راجل محترم جدا...و سألته على موضوع ال EBD و قال لى انها اتشالت مع ال CruiseControl للأسف...


الغريب انى لما كنت بناقش معاه انا و اصحابى اللى راحوا معايا المقارنة بين اللانسر و الجين و كمان دخلنا معانا السيتى...قال لى نفس الرأى اللى قاله الأخ MOsama
اللى هو ماينفعش نقارن اليابانى بالماليزى...بس انا اختلفت معاه و اقنعته نسبيا ان اسلوب التفكير ده هو اللى بيخلى اليابانى غالى و الأوروبى أغلى بغض النظر عن اوجه المقارنة الحقيقية اللى تهم المشترى...الا اذا كان اهم حاجة عنده جنسية العربية!!! :F_eyeb1[1]:
و علشان كده انا نفسى المقارنة دى تتكرر بين عربيات من جنسيات مختلفة...علشان ده بيورينا قد ايه توكيل العربية الناجحة بيستغل سمعتها و انتشارها و يغليها مع كماليات اقل و الناس برده بتفضل تشتريها و ده بيغليها اكتر و يقتل المنافسة و يعانى المستهلك اكتر و اكتر...

المهم انى بعد ماخرجت من عنده رحت توكيل متسوبيشى فى رمسيس!!
كنت عايز اقارن التقفيل و الجين لسه حاضرة فى ذهنى...بصراحة اللانسر احلى فى التقفيل و الكراسى و نعومة التابلوه...بس ده برده لا يبرر فرق السعر اللى داخل فى 25000

المهم انى لاقيت نفسى قلقت من الجين !!! عشان ببساطة حاجتين فى اللانسر...
ثبات الجودة او Quality Assurance بمعنى ان بنسبة 99% لما تشترى لانسر مش هاتلاقى مشاكل اساسية زى الفرامل او الموتور يفوت منك زى ماهو ممكن يحصل فى جين2 و لما سألت استاذ محسن على الحاجات دى قال لى ان ده حصل فعلا بس فى موديلات 2006 و 2007 او حتى 2008 لكن اكد لى ان 2009 مافيهوش كده خالص..و ممكن الأخوة اللى اشتروا 2009 و مشيوا بيه يجى 10000 كده يأكدوا او ينفوا...

الحاجة التانية و المهمة اللى هى العمر او Durability و ده عشان انا بصفتى مستهلك مصرى و الجمارك و جشع التجار محاصرينه...بخطط انى لما اجيب عربية تعيش معايا بقية عمرى...و لو ينفع الأولاد يورثوها كمان يبقى ياريت :C_laugh[1]:
طبعا اللانسر متفوقة فى النقطة دى بس الجين2 لم تختبر بعد لانها جديدة بس ممكن الأخوة اللى عندهم جين2 و عملوا كيلومتر كتير يفيدونا اكتر..اخبار الصاج و الموتور و التقفيل و العفشة ايه بعد ال 80000 مثلا....

النقطتين دول بالنسبة لى ممكن يبرروا فرق السعر..فنداء انسانى لمالكى الجين2 ...افيدونا افادكم الله فى النقطتين دول بالتحديد...

و فى النهاية انا مش مستغرب نفسى فى كل الحيرة و التردد دول عشان اشترى عربية...ماهو انا طبعا فى مصر...:Copy of majd(4):

أغلب الجماعة بتوع المبيعات في أي شركة في البطيخ
دي صورة البروشور اللي منزله عز العرب لموديلات 2009

http://i40.tinypic.com/2el43rl.jpg

ده بروشور الجين 2
و بروشور البيرسونا بيقول أن الهاي لاين فيها الأثنين ABS EBD أما اللي مش هاي لاين مفيهاش لا دي و لا دي
دايما بأسمع كلام بتوع المبيعات من الودن اليمين و يخرج مباشرة من الودن الشمال

موتور أيه اللي فوت ........... واحد فقط لا غير عنده مشكلة في الموتور على منتدى البروتون

مشاكل الجين 2 بتنحصر في التقفيل فقط لا غير
فراملها كويسة جدا و مفيش أي مشاكل

اقتباس:

---

موتور أيه اللي فوت ........... واحد فقط لا غير عنده
مشكلة في الموتور على منتدى البروتون

مشاكل الجين 2 بتنحصر في التقفيل فقط لا غير
فراملها كويسة جدا و مفيش أي مشاكل

---

شكرا للرد السريع و ربنا يطمنك...يعنى كده نقدر نقول ان اى عينة عشوائية من جين2 2009 ان شاء الله مفيهاش مشاكل اساسية ...يدوبك على قد مشاكل التقفيل..

يلا حد بقى يكون ماشى بيها كتير يحكيلنا عنها بعد 70000 كده عاملة ايه......

اقتباس:

---

المشاركة الأصلية كتبت بواسطة badry

شكرا للرد السريع و ربنا يطمنك...يعنى كده نقدر نقول ان اى عينة عشوائية من جين2 2009 ان شاء الله مفيهاش مشاكل اساسية ...يدوبك على قد مشاكل التقفيل..

يلا حد بقى يكون ماشى بيها كتير يحكيلنا عنها بعد 70000 كده عاملة ايه......

---

يا أستاذي الفاضل
كل موديلات الجين 2 من سنة 2006 و إلى 2009 لم يظهر مشكلة في الموتور إلا في 3 حالات فقط من عدد 5000 سيارة تم بيعهم في مصر في الفترة من 2006 إلى 2009 و الرقم طبعا أكيد أزيد دلوقتي للسيارات المباعة

و حالة من الثلاثة حالات هي على المنتدى
و أنا السيارة معي و لكن عدد الكيلومترو لم يتجاوز15 ألف بدون مشاكل والحمد لله و لكن أعرف بعض الأصدقاء و السيارة معهم تعدت الأعداد التالية
40 ألف
35 ألف
105 ألف

و الثلاثة ليس عندهم أي مشاكل في الموتور أو حتى التقفيل اللي مشهور عنها في المنتدى

اقتباس:

---

يا أستاذي الفاضل
كل موديلات الجين 2 من سنة 2006 و إلى 2009 لم يظهر مشكلة في الموتور إلا في 3 حالات فقط من عدد 5000 سيارة تم بيعهم في مصر في الفترة من 2006 إلى 2009 و الرقم طبعا أكيد أزيد دلوقتي للسيارات المباعة

و حالة من الثلاثة حالات هي على المنتدى
و أنا السيارة معي و لكن عدد الكيلومترو لم يتجاوز15 ألف بدون مشاكل والحمد لله و لكن أعرف بعض الأصدقاء و السيارة معهم تعدت الأعداد التالية
40 ألف
35 ألف
105 ألف

و الثلاثة ليس عندهم أي مشاكل في الموتور أو حتى التقفيل اللي مشهور عنها في المنتدى

---

و الله دى حاجة مبشرة جدا......

بس فى حاجة انا نسيتها فى المقارنة...اللى هى تقنية الفتيس الاوتوماتيك...فى اللانسر بيبقى Cvt يعنى زى ما انا فاهم مفيش نقلات حسب ال Rpm و كمان بيعيش اطول ده غير انه بيدى احساس افضل للى راكب عشان التسارع ماشى ناعم من غير نقلات فتيس..
ولوحد شايف غير كده يصححلى....
فى الجين2...على حسب كلام التوكيل الفتيس الأوتوماتيك عادى طبعا و كمان 3 نقلات بس....
السؤال بقى...هل ده بيزود حمل على الموتور؟ او الفتيس؟؟ او بيعمل اى مشكلة؟؟؟

ارجو الافادة من اصحاب الخبرة بالجين2 الأوتوماتيك...

ادينى عمال اقتلها بحثا.....ادعولى ربنا يوفقنى........

لو انا اكيد هختار اللانسر

فتيس الجين2 اوتو 4 نقلات :M_yes[1]:
ربنا يوفق

اقتباس:

---

المشاركة الأصلية كتبت بواسطة badry

و الله دى حاجة مبشرة جدا......

بس فى حاجة انا نسيتها فى المقارنة...اللى هى تقنية الفتيس الاوتوماتيك...فى اللانسر بيبقى Cvt يعنى زى ما انا فاهم مفيش نقلات حسب ال Rpm و كمان بيعيش اطول ده غير انه بيدى احساس افضل للى راكب عشان التسارع ماشى ناعم من غير نقلات فتيس..
ولوحد شايف غير كده يصححلى....
فى الجين2...على حسب كلام التوكيل الفتيس الأوتوماتيك عادى طبعا و كمان 3 نقلات بس....
السؤال بقى...هل ده بيزود حمل على الموتور؟ او الفتيس؟؟ او بيعمل اى مشكلة؟؟؟

ارجو الافادة من اصحاب الخبرة بالجين2 الأوتوماتيك...

ادينى عمال اقتلها بحثا.....ادعولى ربنا يوفقنى........

---

فتيس الجين 2 الاوتوماتيك
هو هو نفس الفتيس اللي راكب في اللانسر قبل ما يبقى CVT
يعني اللانسر اللي فيه فتيس أوتوماتيك عادي هو نفسه اللي راكب في الجين 2 و البيرسونا و الواجا كمان
و الفتيس أربع نقلات مش ثلاثة

و طبعا الفتيس CVT أحسن في النعومة و السحب
و لكن تكلفته مرتفعة جدا لو حدث أي عطل فيه
لان زي ما سمعت أنه مش بيتصلح
بتشتري واحد جديد
و الله أعلم سمعت أن سعره 24 ألف جنيه مصري
و طبعا أنا معنديش معلومات إن كان فيه حد غير الفتيس قبل كدا أو ان الفتيس حصل فيه أو ما إلى ذلك
و ربنا يطول عمر الفتيس لأصحاب العربية و ما يزنقهومش في موضوع فتيس جديد
ربنا يبارك للجميع في عربياتهم

( سؤال خارج الموضوع خالص )
هو حضرتك بتجيب معلوماتك عن الجين 2 منين ؟؟؟؟؟؟؟

اقتباس:

---

المشاركة الأصلية كتبت بواسطة khpopo

فتيس الجين2 اوتو 4 نقلات :M_yes[1]:
ربنا يوفق

---

تمام يا باشا

اقتباس:

---

هو حضرتك بتجيب معلوماتك عن الجين 2 منين ؟؟؟؟؟؟؟

---

زي ما أنا وضحت في أول بوست بتاع المقارنة معلوماتي عن الجين2 مستقاة من منتدى البروتون لحد ما مالكي جين2 يصححوا زي ما حضرتك عملت
أي معلومات ‎أخرى ذكرت في أي رد كنت بقول معها المصدر
الي بيكون يا إما مدير المبيعات في توكيل عز العرب أستاذ محسن - ‎و عندي شهود :M_yes[1]: - أو منتدى البروتون

بالمناسبة لو مالكي الجين2 في المنتدى بيعملو أي لقاء دوري لتبادل ‎الخبرات يا ريت لو ينفع أي حد يحضر عشان ‎ياخد أراء عن الجين2 بناء عن ‎خبرة بجد

و شكرا

اقتباس:

---

المشاركة الأصلية كتبت بواسطة badry

زي ما أنا وضحت في أول بوست بتاع المقارنة معلوماتي عن الجين2 مستقاة من منتدى البروتون لحد ما مالكي جين2 يصححوا زي ما حضرتك عملت
أي معلومات ‎أخرى ذكرت في أي رد كنت بقول معها المصدر
الي بيكون يا إما مدير المبيعات في توكيل عز العرب أستاذ محسن - ‎و عندي شهود :M_yes[1]: - أو منتدى البروتون

بالمناسبة لو مالكي الجين2 في المنتدى بيعملو أي لقاء دوري لتبادل ‎الخبرات يا ريت لو ينفع أي حد يحضر عشان ‎ياخد أراء عن الجين2 بناء عن ‎خبرة بجد

و شكرا

---

يا أستاذ بدري أهلا بيك طبعا و أنا أو أي حد معاه بروتون تحت أمرك في اجابة أي سؤال عن الجين 2
و برضه تحت أمرك لو عايز معلومات عن عربيات تانية و نقدر نفيدك فيها .
و إن شاء الله تتخذ قرار سليم بأختيار السيارة التي ترضي رغباتك

و لو عندك أي استفسار عن الجين 2 أطرحه هنا أو في منتدى بروتون و أحنا إن شاء الله و بعونه نجاوبك لو عندنا الاجابة .

اللهم أنصر فلسطين و أهل فلسطين و أحرق اليهود في نار جهنم لكفرهم بك و جرائمهم ضد المسلمين و العرب و الإنسانية
اللهم أنصر فلسطين و أهل فلسطين يارب العالمين
من فضلك ........ قم بالتصويت لفلسطين في هذا الرابط على السي ان ان
و أكتب تعليق يليق بما يحدث من مجازر ( أكتبه بالأنجليزيه حتى يقرأءه متخذي القرار أو مواطني الدول الكبرى ) للآسف بقينا بنشحت العطف .

حسبي الله و نعم الوكيل ...........حسبي الله و نعم الوكيل
هذا هو الرابط

http://www.israel-vs-palestine.com/gz/ __________________

متشكر جدا لذوقك يا أستاذ توت

الحقيقة أنا لمست الروح الجميلة دي من قراءتي للمواضيع على منتدى البروتون يمكن أكتر من أي منتدى تاني في nilemotors
ربنا يوفق الجميع و يجزي ‎الخير كله للي بيساعد الناس زي حضرتك كدة