ارجوا من اصحاب الخبره افادتي وهل الوقت مناسب للشراء
ارجوا من اصحاب الخبره افادتي وهل الوقت مناسب للشراء
بغض النظر عن التوقيت
العربية دى ليست اختيار مناسب للشراء
نصيحة لوجه الله
انا اعرف واحد معاه ال 2X4 الاوتوماتيك
الصراحه بيشكر فيها جدا ومفهاش اى عيوب لحد دلوقتى بالعكس كلها مميزات وب 105 الف
اللى ضايقه فى الاول ان التقفيل من جوه فقير شويه
صينى بقى وتقفيل مصرى كمان
أنا لا أقصد الإساءة للأعضاء المحترمين مالكي الإسبرانزا بس أنا رأيي إن الواحد بيجيب جزمته من التوكيل و لازم تكون ماركة محترمة تقوم تجيب عربية لا شكل و لا مضمون و لا اسم حتى ده أولا
ثانيا دلوقتي الوقت غير مناسب للشراء لعدم إتضاح الرؤية
ربنا معاك وانت وحظك
السياره في كل مكان ومفيش منها شكاوي
وعلي فكره تقفيلها جميل جدا واحسن من الياباني عشان
اللي مقفلها مصريين
العربيه من وجهة نظري كويسه بس انا مبحبش العربيات الصيني
العربية اكثر من ممتازة بها كل ما تتمناة بسعر غاية في الروعة وكفاية انها suv
بس تقفيل الفرش هو الي علية شوية كلام
بس في المجمل العربية روعة
http://www.postimage.org/Pq1ZO8xJ.jpg
http://www.postimage.org/Pq1ZOWqA.jpg
http://www.postimage.org/Pq1ZPzkS.jpg
فى توضيح صوغنون اوى بغض النظر عن اى شىء احب اقولة لكل الأخوة الأعضاء او اللى حتى بيمروا على المنتدى
ما فيش عربية فى الدنيا بحالها دلوقتى ما فيهاش اكتر من 65% أجزاء صينى صرف زى ما بنقول بالبلدى
حتى البى أم والمرسيدس
اللى بيرفض الصينى او اللى بيقول انا ما باحبش اجيب صينى او ما بيجبش صينى
تأكد مليون فى المية ان العربية اللى انت بتركبها على الأقل 65% منها صينى
حتى الرولز رويس فيها اجزاء كتير جدا صينى
عايزين نبقى موضوعيين بقدر الأمكان وبلاش ندفن رسنا فى الرمل اكتر من كده
العالم برة بيضحكوا علينا يا جماعه
ارجوكم الموضوعية يعنى اللى يدى رأى فى عربية على الاقل يكون جربها او ركبها حتى مع اى حد يدخل جواها على اقل تقدير
لكن كل واحد يشتم فى اى عربية صينى او غيرة بدون ما يشوف مجرد سمع او اراء ناس مش عارفين يدخلوا فى صلب الموضوع بموضوعية دة حرام وهنسال عليه يوم العرض على الجبار
ومن قال لا اعلم فقد افتى
مش كده ولا أنا غلطان يا جماعه
بصراحة عربية ب 105 كتير عليها
انا اجيب حاجة تانية غير الصينى دى
كيا سيراتو الكاملة - 85 الف
شيفرولية لانوس الرياضية الكاملة 55 الف
سبيرانزا 1600 سى سى 40 الف
هيونداى فيرنا 1600 كاملة - 50 الف
هيونداى النترا الكاملة - 80 الف
شيفرولية افيو الكاملة - 65 الف
هيونداى i30 الكاملة - 85 الف
بيريليانس اف ار فى الرياضية الكاملة - 65 الف
نيسان تيدا الكاملة - 90 الف
هوندا سيفيك الكاملة - 125 الف
ميتسوبيشى لانسر شارك الكاملة الرياضية 110
ميتسوبيشى لانسر سوبر اكشن - 100 الف
تويوتا كورولا 1600 الجديدة كاملة - 120 الف
جيب كومودو المجمعة في مصانع الانتاج الحربى كاملة - 100 الف
-----------------
دى بعض السيارات اللى انا شايف ان تسعيرها في مصر غير واقعى و يتسبب في اعاقة نجاحها بالشك الامثل
والاسعار اللى انا كاتبها دى الاسعار الواقعية اللى تستحقها هذه السيارات
و اللى المفروض تتباع بيها
لان سياسة التوكيلات في تسعير السيارات في مصر زى الزفت فعلا وتتسم بالعشوائية والتهريج
يعنى لما الاقى الفطيم وكيل هوندا .. منزل هوندا سيتى الجديدة 2009 بـ 128 الف جنية يبقى الناس دى بتهرج !!!
وفعلا خليها تصدى ..!!!
اسف المشاركة الاخيرة دى جاءت الى هنا بالخطأ ..
العربية جميلة و ناعمة هي معيا
فيه حاجه موش قادر افهمها : إذاى يكون عندى مبلغ يجيب عربيه زيرو وأختار أشترى عربيه مالهاش تاريخ ومشكوك فبها ؟؟؟
الإجابه إما هتكون كالاتى :
الفلوس عندى كتير وموش مهم اجرب عربيه جديده واشوف
الفلوس موش تاعبان فيها
العربيه شكلها حلو وشيك بالنسبه لسعرها وربنا يسترها فى الصيانه بعد ماشتريها
ولا اعتقد ان متخذ فرار شراء مثل هذه السيارات عمل تقييم لجوده الخامات المصنوعه منها أو تقييم للعمر الافتراضى لقطع الغيار حيث أنه من المعلوم أن هذه المتغيرات لها علاقه طرديه شديده بسعر السيارة
وفى النهايه أود من أعضاء المنتدى وضع رؤوس موضوعات تقيم رقميا والالتزام بها عند التحدث عن سياره ولا يكون الحكم على اى سياره بالحكم المتسرع , ومن هذه الموضوعات :
- متوسط تكلفه الكيلومتر للسيارة
- معدل الاستهلاك للبنزين
- عمر قطع الغيار لها
- معدل الذهاب للميكانيكى ومعدلات الاعطال ( السياره مقرفه ولا مريحه )
سيتبقى بعد ذلك معدل صعب وضعه لانهاء التفييم وهى شطاره صاحب السياره فى إداره سيارته فهناك من يغرق فى شبر ميه ويقول ان العربيه وحشه - واخر من يشترى لها قطع غيار رخيصه ويقول قطع الغيار وحشه - وهناك من يظهر عنده عيب ويطنش مايصلحوش لحد ما يبوظ حاجه تانبه-وهناك من يروح لميكانيكى اى كلام أو زمته واسعه ويدوخه السبع دوخات ( عيب منتشر كتييييييييييير )
لكن فى النهايه ياريت يكون التقييم رقمى واضح عشان مايكونشى خاضع لمزاج العضو
وشكرا للجميع
أظن فوزها بالمركز الخامس فى رالى كاس مصر اكبر دليل على خيبة امل كل المعارضين
اشترى واتكل على الله دى عربية زى الفل دخلنا بيها الرالى ورفعت رسنا الحمد لله
أعتقد ان الرالى لا يقيس إلا سرعه السياره ولكنه لا يقيس الحاجات اللى تهم المشترى المصرى مثل عمر قطع الغيار ومعدل أعطال السياره وجوده الخامات والتقفيل - أعتقد المشترى المصرى موش بيشترى عربيه عشان يخش بيها سبق ولكنه بيشترى عربيه عشان تعمر معاه وتريحه وتكون ( أصيله )
وافكرك ان السرعه القصوى المسموح بها داخل الشوارع المصريه 100 كيلو متر فى الساعه - يبقى لزمتها ايه اجيب عربيه سرعتها اكتر من كده ؟؟؟؟
( الموضوع عاوز شويه تفكير وتقييم للإحتياجات )
ياااااااااااة 105 وصينى
دة التفاح الصينى 5 جنية وحتى ولا لية لا طعم ولا ريحة مفيش غير شكل
يعنى لا يغرك الشكل وتنسى المضمون
وكل عام وانت بخير
وابعد عن الصينى وغانيلة
اية ريك فى سكودا روم ستر لو بتحب حاجة كبيرة من جوة
او دايهاتسو متيار او تريوس
وربنا يوافقك
أعتقد ان الرالى لا يقيس إلا سرعه السياره ولكنه لا يقيس الحاجات اللى تهم المشترى المصرى مثل عمر قطع الغيار ومعدل أعطال السياره وجوده الخامات والتقفيل - أعتقد المشترى المصرى موش بيشترى عربيه عشان يخش بيها سبق ولكنه بيشترى عربيه عشان تعمر معاه وتريحه وتكون ( أصيله )
وافكرك ان السرعه القصوى المسموح بها داخل الشوارع المصريه 100 كيلو متر فى الساعه - يبقى لزمتها ايه اجيب عربيه سرعتها اكتر من كده ؟؟؟؟
( الموضوع عاوز شويه تفكير وتقييم للإحتياجات )
للعلم فقط لا غير الرالى مش سباق سرعه الرالى سباق قدرة تحمل السيارة واستجابتها لمختلف الطرق فى الصحراء من غرود وغرز وصخور وجبال
وده يعنى انها تعمر معاك زى ما طلبت
واحب اوضح ان الشوارع المصرية بمطبتها الجميلة الناعمه والهادية اللى بتفجأك فى اى مكان فى المحروسة عايزة دبابة مش بس عربية دفع رباعى
اعتقد انا وضحت وجهه نظرى واتمنى كل اللى ما يعرفش حاجه عن الرالى يتفضل يقضى معانا الرالى اللى جاى هيبتدى 17 ابريل ان شاء الله ولمدة 12 يوم وهو يشوف هو سباق سرعه ولا حرارة وقوة تحمل وهرى فى العربيات فى الجبل والصخر والغرود
وبعدين نسيت اقولكم للمرة المليون الاسبرنزا مش صينى
الاسبرنزا مصرى تصنع فى مصانع ابو الفتوح فى مدينة 6 اكتوبر
انا اتصدمت لما عرفت ان فتيس الجيتا و الوكتافيا اي فيف صيني!!!!!!!!!!!!!!!!!1 بس الناس عنها حق في حاجه صيني عن صيني يفرق ولا ايه ؟؟؟ الصين عملت كل حاجه , بس الماتريالز تفرق كتير , المشكله بقا في الماتريالز بتاعت التيجو , كا موتور و عافشه حتستحمل ولا ايه؟؟؟ و المسكله الاكبر ان العربيه لسه جديد و مخوضوع الماتريالز دا مش حيبان غير بعد فترة الضمان و بعد كام سنه كدا !!!!! فا لسه حنعرف بعدين...
لله احزر من شرائها
1- الدوكو بتاع السياره خفيف للغايه لدرجة انه بيتجرح من التلميع بفوطه عاديه
2- التكييف ضعيف للغايه لازم اشغله على اعلى درجه علشان تحس بفرق
3-بعد 300 كيلو بدأت لمبة abs تنور بدون سبب وتختفى بدون سبب كذلك لمبة 4*4
4- الغيار الاول اللى مفروض يكون اقوى عزم فى السياره ضعيف مش عارف ليه
5-الابواب الخلفيه بتعلق وصعبة الفتح
6- الابواب من الداخل بدأت تقشر استخدام شهر واحد
7- اماكن الوسائد الهوائيه فى التابلوه بعد ركن العربيه كام يوم فى الشمس اصبحت لينه خامة التابلوه سيئه
8- لمبة الفرامل الخلفيه احترقت بعد حوالى 40 يوم
9- استهلاك البنزين مع تشغيل التكييف عالى
اشتريتها ب 115 وبعدين خفت كل القصص دى بعد استخدام شهرين طيب بعد سنتين ايه اللى حيصل والله العظيم دللت عليها اللى يقول لى مابشتغلش ابدا فى الصينى واللى يقول جبتها ليه واللى يقول ماتساويش الا 80000 بالله عليكم عربيه جبتها ب 115 فى اقل من شهرين تجيب 80000 المهم بعد صلاه و دعاء و بالعافيه جابت 92000 وبعتها وخلصت والحمد لله والله العظيم هذه تجربتى الشخصيه واقول النصيحه لله
الكلام ده منين .. يعني فجأة كده اصبح 65% من العربيات كلها صيني .. هوه ده الكلام اللي انت شايفه موضوعي ..
هوه ده كلام يتقال أو يتصدق .. واصلا جايبه منين .. ولا احنا راسنا كانت في الرملة ومسمعناش حوار ال 65% ده عشان الرملة كانت سادة ودننا ....
اعذرني أخي العزيز .. كلامك ليس له اساس من الصحة ..
ويا ريتك أنت فتيت وقلت لا اعلم .. بدل الفتوى بتاعة 65% دي
حد خد باله ان العضو له مشاركه وحيـــــــده دخل سب في التيجو و مشي ؟؟؟!!!:U_thin1[1]:
للدرجة دي الصيني بيتحارب كأنه قتللكو قتيل :T_thum1[1]:؟؟؟؟!!!!
طب قسما عظما لاشتريها وب 3 - 4 الاف جنيه أول ما اشتريها حاظبط كل اللي ناس قالو عليه عيوب تقفيل و برضه أنا الكسبان اكتر من 40000 جنيه
و اللي حالاقيه من المحاربين اياهم في السكه .. يا حالبسه مطب يقسمله العربية .. يا حاسيبه يولع في الزحمه و اخلع بعجلتين فوق الرصيف .. و يوريني عربيته أحسن إزاي !!!
انا اسف يا جماعة بصراحة انى اتدخلت فى موضوعكم ولو انى معنديش عربية صينى بس فى حاجة ضحكتنى جدا انة فى عضو قال انة هيطلع بالعربية التيجو فوق الرصيف :) .... هو غالبا انا مبحاربش الصينى ولا حاجة بس غالبا يعنى انك هتجيب مقص جديد ويمكن تغير شوية حاجات صغيرة كدة لما تطلع فوق الرصيف :) انا اسف مقدرتش امسك نفسى بصراحة عن الكتابة ولو انها اول مشاركة ونصيحة اشترى حاجة مضمونة .. مش معنى كدة ان الصينى وحش بس لسة معداش علية الوقت اللى يخلينا نثق فية زى الشركات الكبيرة اللى بتنتج عربيات بقالها 30 سنة .. وربنا يكرم الجميع ... ويجعلة عامر (*_*)