المشاركة الأصلية كتبت بواسطة azamell
السلام عليكم ورحمة الله وبركاته ازيكم يا لانوساوية عاملين ايه يا رب تكونوا بخير وعربياتكم كمان انا كنت كاتب موضوع باركولي هبئا لانوساوي
http://www.nilemotors.net/Nile/showthread.php?t=52188 و عليكم السلام اهلا بيك معنا
الحمد لله دلوقتي خلاص بقيت لانوساوي
لسا شاري لانوس 1 موديل99 مانيوال انا اصلا لسا بتعلم السواقة وجديد في عالم السيارات جدا ماعرفش اسامي قطع الغيار اصلا ولا اعرف اي حاجة عن العربية عندي اسئلة عن السواقة وعن العربية يا ريت تساعدوني
احنا كلنا تحت امرك
1- اسخن العربية اد ايه قبل ما اسوقها؟
متسخنش دور وامشى على طول
2- لما بحط المفتاح وادور بتنور مكان الزيت ولمبة chek بس بيطفوا اول ما العربية تدور على طول يعني بعد كام ثانية كده هل ده العادي ولا ايه؟
دى العادى والمظبوط ولو فيه اى حاجة فى الحساسات لمبة التشيك هتفضل منورة
3- اخد المطبات على الاول ولا التاني؟( ملحوظة رفيعة)العربية بتبطل عند المطبات مش عارف ليه
حسب علو المطب وحسب سرعتك +تقل رجلك شوية على الدبرياج علشان العربية متبطلش
4- طول مانا سايق رجلي على الدبرياج هل ده صح ولا غلط حتى وانا على الثالث ببقى دايس نص دوسة كده على الدبرياج - انا لسا ماوصلتش للرابع(انا سمعت انه غلط على الاسطوانة ولا ماعرفش ايه)
غلط جدا انقل وشيل رجلك على طول
5- انقل على التاني عند سرعة كام والتالت والرابع وكده يعني /يعني اخر كل نقله في السرعات؟
انا بنقل على 2.5 rpm او على صوت الموتور وده الاغلب بالنسبة لى لكن مبخدتش بالى من السرعات وياريت لو حد من الاعضاء يفيدك فى موضوع السرعات ده
6- لو انا ماشي على التالت وفرملت اجيب التاني وبعد كده اجيب التالت ولا اكمل عادي على التالت من غير ما اجيب التاني؟
حسب سرعة العربية
7- ايه هي الحاجات اللي عايزه صيانة دورية في العربية يعني مثلا
- امتى ازود مياه للعربية (وايه هي المية الزرقا) وهل لازم اكون مدور العربية
بص على المياة والزيت كل 3 ايام اسبوع بالكتيير اوى
-امتى اغير زيت فرامل
-زيت باكم
زيت الباكم هو زيت الفرامل
- زيت فتيس
كل 60 الف تقريبا
-زيت موتور
حسب الزيت اللى انت حتحطه
- زيت باور
انا بغيره مع الكاتينة كل 40 الف
- امتى اغير سير الكاتينة -وهل في سيور تانية بتتغير غير سير الكاتينة
كل 40 الف - سير الدينامو والتكييف
- بوجيهات
كل 10 الاف
- الكاوتش امتى اغيرة وازاي اعمله صيانه
كل 30 الف هات فرديتين جداد حطهم قدام وارمى القدام وراء +كل اسبوعان راجع ضغط العجل
معلش يا اخواني استحملوا جهلي واللي عنده معلومة ممكن تفيدني اكون شاكر ليه اصل بصراحة العربية حالتها كويسة وانا مش عاوز اهلكها انا عاوز احافظ عليها جدا اصل انتم ماتعرفوش انا عملت ايه عشان اجيبها وعشان كده عاوز احطها في عنيه وبجد انا بحب اللانوس جدا وبحبكم انتم كمان وربنا يجزيكم عني كل خير
المفضلات