أول يوم من غيرها... خلاص بعت عربيتي :(

**R A N A** · 05-01-2009 02:29 PM

المشاركة الأصلية كتبت بواسطة mobitek

الف مليون مبروك
الحمد لله انك بعتى العربيه فى الوقت ده
انا كنت ببيع عربيتى الاكسيل من شهرين
وكنت حاسس انى فى انتظار معجزه
وبالنسبه للروتين فى المرور
ممكن تتفضلى عندنا فى مرور طنطا
وانتى وقتها هتحمدى ربنا على النعمه اللى انتى فيها
انا فعلا كرهت العربيات بسبب مشاكل البيع والشراء والترخيص

عامه ربنا يرزقك بأحسن منها
وترخصيها 3 سنين علشان تشترى نفسك من المشاوير دى

انا مش مصدقة هو في مرور العن من مرور السلام؟
اعتقد مرور السلام ده واخد جوايز حصرية ومراكز اولي في تطليع عينين المواطنين وتأخير رخصهم وكل مصالحهم واعطائهم دفعة قوية لإشعال النار في سياراتهم على رأي عضو زميلنا هنا في المنتدي.

ده مرور السلام ياجماعة تقريبا ماسك بتاع 15 او 20 حي كاملين ويمكن اكتر(معرفش العدد بالضبط الصراحة

) الضابط نفسه بيقول المفروض المرور ده يتقسم ل 3 مرور ده

غير كمان انه فيه الرخصة المهنية كمان مش ملاكي بس يعني صباح الخير يامصر بجد

.
دانا على فكرة صدعت هناك وتعبت جدا وكنت هاقع من طولي :K14:

ولما حبيت اشرب حاجة مالقيتش غير شاي وانا مبشربش الشاي اصلا طلعت كيس كوفي ميكس من شنطتي

(بشيلهم للظروف اللي زي دي) وخليت الولد بتاع الكافيتريا يحطلي عليه ميه مغلية وسكر لان النسكافيه والكانز هناك رفاهية يعني

**دموع الثلج** · 05-01-2009 02:40 PM

الف مبروووووووووك على البيعه

وعقبال ما نبارك لك كده على العربيه الزيرو يارب

يلا يا بيردى شدى حيلك ونطى فى حته اتوماتيك جديده

**ehabspc** · 05-01-2009 02:57 PM

ربنا يباركلك و يعوضك خير

**R A N A** · 05-01-2009 03:07 PM

الله يبارك فيكوا ياجماعة وميرسي اوي على اهتمامكوا وتفاعلكوا وقرياتكوا للموضوع الطويل ورحلة العناء دي .

وربنا يكرمني بالزيرو قريب ان شاء الله بس اما نشوف الاسعار هاترسي علي ايه الأول واحاول ازود على فلوس العربية شوية عشان بحيث ازود المقدم واقلل القسط شوية ان شاء الله .

**Jato.33** · 05-01-2009 03:11 PM

كويس إن حضرتك عرفتي تبيعي في الظروف دية
محدش عارف يبيع
عقبال العربية الجديدة إن شاء الله
وكل ده في المرور ومعاكي توصية
أمال لو من غير توصية يبقى إيه
ربنا يجعله تكفير لذنوبك
ومتنسيش تشيلي موضوع العربية من التوقيع
والسلام

**R A N A** · 05-01-2009 03:19 PM

المشاركة الأصلية كتبت بواسطة Jato.33

كويس إن حضرتك عرفتي تبيعي في الظروف دية
محدش عارف يبيع
عقبال العربية الجديدة إن شاء الله
وكل ده في المرور ومعاكي توصية
أمال لو من غير توصية يبقى إيه
ربنا يجعله تكفير لذنوبك
ومتنسيش تشيلي موضوع العربية من التوقيع
والسلام

اه شفت بقي داخلاله بتوصية من لواء وقعدت ده كله

.
انا اكتشفت في الاخر ان كله بيستني لان التوصية بتساعد شوية في دخول الورق اما طريقة سيره جوه هي دي اللي بتتأخر وطبعا كله بفضل موظفين الدرجة ال 37 اللي مشغلينهم جوه

. وفي الاخر كله بيتساوي اللي معاه واسطة واللي معاهوش وكله بيستني دوره

.

علي فكرة انا بحاول اشيل الاعلان من التوقيع مش راضي عمال يديني رسالة ان التوقيع بتاعي فيه سطور كتير مع اني شيلت منه كذا حاجة بس مفيش فايدة برده عموما انا خليت الإدارة تقفله خالص وهاحاول في موضوع التوقيع تاني

.
ميرسي لاهتمام حضرتك

**tomcruies_egy** · 05-01-2009 03:20 PM

عقبال ان شاء الله العربية الجديدة
بس معرفتش لحد دلوقتي عربيتك اللي بعتيها نوعها ايه وموديل كام

**R A N A** · 05-01-2009 03:22 PM

المشاركة الأصلية كتبت بواسطة tomcruies_egy

عقبال ان شاء الله العربية الجديدة
بس معرفتش لحد دلوقتي عربيتك اللي بعتيها نوعها ايه وموديل كام

كانت فيات 128 موديل 87 مواصفاتها في اللينك اللي في توقيعي

واللي بحاول اشيله دلوقتي

**khaled02001** · 05-01-2009 03:43 PM

الف مبروك على بيع العربية
على فكرة كويس اوى السعر دة . لانى بعت العربية ال 128 بتاعتى انا الشهر اللى فات بس موديل قديم شوية 71 بعتها على 11 الف وكدة ابقى خسرت فيها الف جنية غير المصاريف اللى صرفتها عليها ومكنش بيبان عليها اى مصاريف دايما فاتحة بقها
بس تبقى تقوليلى ناوية تشترى اية علشان انا محتار اوى فى موضوع الشرة دة

**R A N A** · 05-01-2009 03:59 PM

المشاركة الأصلية كتبت بواسطة khaled02001

الف مبروك على بيع العربية
على فكرة كويس اوى السعر دة . لانى بعت العربية ال 128 بتاعتى انا الشهر اللى فات بس موديل قديم شوية 71 بعتها على 11 الف وكدة ابقى خسرت فيها الف جنية غير المصاريف اللى صرفتها عليها ومكنش بيبان عليها اى مصاريف دايما فاتحة بقها

بس تبقى تقوليلى ناوية تشترى اية علشان انا محتار اوى فى موضوع الشرة دة

يافندم حضرتك خسرت الف بس انا بقي خسرت 3 الا ف (كنت شارياها ب 24 الف) ده غير حوالي الف ونص مصاريف وكل ده في خلال 6 شهور فقط لاغير بس يالا محدش بيتعلم ببلاش اهي برده كان ليها الفضل في انها جرأتني على السواقة والمعافرة مع سواقين الميكروباص وغيرهم وخلتني قلبي يجمد شوية برده

.
بالنسبة للزيرو انا بفكر في كذا حاجة ولسة مرستش علي عربية معينة بس ان شاء الله هاعمل موضوع اقارن فيه الموديلات اللي عايزاها واسأل اخواتي وزملائي هنا في المنتدي ينصحوني بإيه

.

الموضوع: أول يوم من غيرها... خلاص بعت عربيتي :(

LinkBack

أدوات الموضوع

عرض

-

-

-

-

المواضيع المتشابهه

البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

ما الفرق بين السوبارو و غيرها ؟؟

يانحبه يا نحب غيرها

دي صوره عربيتي 128 كريزي كار وصوره عربيتي الحاليه سيتروين

اول يوم من غيرها

الكلمات الدلالية لهذا الموضوع

المفضلات

المفضلات

ضوابط المشاركة