أول يوم من غيرها... خلاص بعت عربيتي :(

**magyver** · 05-01-2009 05:14 PM

اكييييد لما بعتيها حسيتي بان حاااجة نقصااااكي صح

**muhmado_furp** · 05-01-2009 05:23 PM

الف مبروك
وربنا يرزقك باحسن منها

**R A N A** · 05-01-2009 05:49 PM

المشاركة الأصلية كتبت بواسطة magyver

اكييييد لما بعتيها حسيتي بان حاااجة نقصااااكي صح

اه فعلا والغريب اني كنت زعلانة قوي وانا بخلص اجراءات بيعها وكل ما ميعاد تسليمها لصاحبها يقرب ازعل اكتر واحس انها هاتوحشني قوي واقول في نفسي يمكن البيعة متمش والراجل يرجع في كلامه ويسيبهالي

(رغم اني عارضاها للبيع من شهرين بكامل ارداتي) لا واللي يضحك النهاردة بعد مادخلت الشغل خرجت بره المكتب كده وكنت هابص في الشارع اشوف ركنة وبعدين افتكرت اني خلاص بعتها وانتهت مشكلة البحث عن ركنة للعربية (اصل ده بيحصل بصفة شبه يومية اني بركنها في اول مكان فاضي الاقيه حتى لو قدام جراج خاص لحد مادخل المكتب اسجل حضور وبعدين اطلع ادورلها على ركنة كويسة ).
بجد العربية كان ليها ذكريات حلوة معايا ومكنتش متخيلة اني هازعل عشانها كده

.
يالا عموما اهي راحت لصاحب نصيبها ربنا يباركله فيها ويرزقني بعربية احسن منها بكتير ان شاء الله

.

**mosayed** · 05-01-2009 06:10 PM

برافو عليكى والله انك بيعتيها فى الايام الجميلة دى .
انا عرض عربيتى للبيع 3 ايام فقط و بعد كده صرفت نظر عن البيع بسبب الناس اللى
بتحب تموت اسعار العربيات اليومين دول و كمان الناس اللى بتهزر و الناس اللى عايزة
تسعر عربياتها و غيره للاسف الشديد

**MohabSaeed** · 05-01-2009 06:46 PM

الف مبروك على البيع و ربنا يباركلك فى فلوسها و يبارك للمشترى فى عربيته و يكفيه شرها .
عقبال ماتجيبى عربيه زيرو او عربيه حديثه مستعمله ان شاء الله " حتنسيكى كل الاحزان على بيع ال128 " :-) .

**mohraga2y** · 05-01-2009 06:47 PM

الف الف مبروك انا لما بعت العربيه كنت بروح اشوفها كل شويه ولما جبت العربيه الجديده كنت لما اعدى جمب الشارع الى هيه فيه كنت اقف وابص عليها وامشى اصلها عمرها ما وقفت منى لاون حياتى معاها كات سفر على طول تحيا عربيتى ال 128او الى كانت عربيتى.... فكرتينى بالغاليه.

**ramyfawzy** · 05-01-2009 07:24 PM

بجد بجد بجد
انا كنت لسه هكتب عن القرف اللي انا شفته في مرور السلام
بس انتي سبقتيني وقلتي اللي انا كنت هاقوله وزيادة
انا كنت يوم السبت اللي فات باطلع شهادة بيانات للعربية اللي انا بعتها
وطلع عينيا من الساعة 12 لحد الساعة 4 ونص كده
بس الحمد لله انجزت
على فكرة يا Birdy
يبقى انتي بقى اللي كنتي واقفة تزعقي كل شوية على الراجل اللي معاه الرخص والشهادات وتقوليلو معاكش شهادات ؟؟؟

**SAMER_ENGINES** · 05-01-2009 08:11 PM

مبروك و عقبال ما نبارك لك علي الجديدة في اقرب وقت إن شاء الله و خلي بالك من نفسك في المواصلات لحد ما تجيبي الجديدة و علي فكرة فعلا سردك للقصة جميل و ضحكتيني بجد شكراً.

**R A N A** · 05-01-2009 09:09 PM

المشاركة الأصلية كتبت بواسطة ramyfawzy

بجد بجد بجد
انا كنت لسه هكتب عن القرف اللي انا شفته في مرور السلام
بس انتي سبقتيني وقلتي اللي انا كنت هاقوله وزيادة
انا كنت يوم السبت اللي فات باطلع شهادة بيانات للعربية اللي انا بعتها
وطلع عينيا من الساعة 12 لحد الساعة 4 ونص كده
بس الحمد لله انجزت
على فكرة يا Birdy
يبقى انتي بقى اللي كنتي واقفة تزعقي كل شوية على الراجل اللي معاه الرخص والشهادات وتقوليلو معاكش شهادات ؟؟؟

كلنا هذا الرجل

قصدي كلنا ضحايا مرور السلام اللعين :K14: ربنا ياخده بقي ويوزعونا على مرورات تانية

أو يفكوه ب 3 أو 4 مرور تانيين بقي عشان بجد حرام كده

.

على فكرة انا كنت فعلا هناك يوم السبت اللي هو أول أول امبارح بس مش انا والله اللي كنت بزعق واقوله معاكش شهادات

انا اصلا كنت بعمل رخصتي كمبيوتر وكبرت دماغي من فكرة شهادة البيانات دي وده بناءاً على إقتراح سيادة العقيد رئيس الوحدة كتر خيره

.
انا كنت واقفة غلبانة خالص

بس كنت عمالة كل شوية اروح واجي شوية عند مكتب الضابط وشوية تحت التندة وشوية ادخل للموظفة وبعدين روحت الكافيتريا (أو كما يطلقون عليها

مع انها ملهاش اي علاقة بالإسم ده اساساً

) عشان اعمل نسكافيه لاني كنت مصدعة بطريقة رهيبة وكنت هاعيط من الصداع وشوية ورجعت تاني اقعد تحت التندة مع باقي الضحايا.
الغريب بقي اني لما دخلت للموظف اول مرة المكتب من جوه بتوصية من الضابط (بعد مايأست من وقفة الشباك

) لاقيت واحدة من اللي في الطابور غالبا بتأسفن يعني

وتقول اشمعني ناس تدخل المكتب وناس تقف في الطابور خلت الراجل يغلس عليا ويقولي خلي حد بقي يجيبلك الملف

ورجعت تاني للضابط قلتله الموظف مش راضي وبيقولي خلي حد يجيبلك الملف

انا مش فاهة بتأسفن وتحقد علي ايه بس

ماحنا كلنا اتنيلنا وقفنا نفس الوقفة في الاخر

واتلطعنا لحد الساعة 5 في انتظار الرخص :K_crying[1]: دي يمكن تكون خلصت بدري عني واستملت قبلي كمان

.
يالا عموما الحمد لله على كل شئ برده وكويس اني روحت بيها يومها اصلا لإني كنت خايفة لحسن أروح من غيرها ويقولولي فوتي علينا بكرة ساعتها يمكن كان يجرالي حاجة ن الصدمة بجد

**R A N A** · 05-01-2009 09:13 PM

المشاركة الأصلية كتبت بواسطة SAMER_ENGINES

مبروك و عقبال ما نبارك لك علي الجديدة في اقرب وقت إن شاء الله و خلي بالك من نفسك في المواصلات لحد ما تجيبي الجديدة و علي فكرة فعلا سردك للقصة جميل و ضحكتيني بجد شكراً.

ربنا يخليك ميرسي اوي واديني هاحاول استحمل قرف المواصلات وتناكة سواقين التاكسي ودلعهم لحد ماربنا يكرم واشتري جديد بقي.
هي القصة على قد ماهي مضحكة على قد ماهي تعبر عن مأساة حقيقية

:k17:
فعلا هم يضحك وهم يبكي وهم ياجمل

الموضوع: أول يوم من غيرها... خلاص بعت عربيتي :(

LinkBack

أدوات الموضوع

عرض

-

-

-

-

-

-

المواضيع المتشابهه

البلد خلاص والناس خلاص اتجننت ومحدش بقى لية كبيروكلةماشى بدراعةكارثةحصلت قدامى امبارح

ما الفرق بين السوبارو و غيرها ؟؟

يانحبه يا نحب غيرها

دي صوره عربيتي 128 كريزي كار وصوره عربيتي الحاليه سيتروين

اول يوم من غيرها

الكلمات الدلالية لهذا الموضوع

المفضلات

المفضلات

ضوابط المشاركة