الموضوع: أول يوم من غيرها... خلاص بعت عربيتي :(

المشاركة الأصلية كتبت بواسطة NaviGator_13

الف مبروك على البيع
ناوية تشترى ايه بقا الفترة الجاية ؟

الله يبارك في حضرتك وفي كل الناس اللي اهتمت وردت في موضوعي
والله انا في دماغي اقتراحات كتيرة
يعني قلت اخليني في حاجة صغيرة زي الألتو أو البيكانتو بس لاقيت سعرهم مبالغ فيه اوي وقربوا من سعر العربيات اللي في فئة اعلى منهم وفي الاخر هما 1100 سي سي بس :k45:.

وبعدين قلت طب افكر في عربية تكون اعلي شوية وبقارن مابين شيفروليه لانوس أو فيرنا أو افيو (بس الأفيو سعرها عالي عنهم مع انها تعتبر نفس الفئة )
وبرده دماغي راحت لعربيتين صيني
أولهم الإكسبلوجن عشان انا بعشق شكلها لإنها شبة التريوس القديمة وانا بحب الشكل ده اوي ولإني محتاجة عربية عالية عشان طريقي في شوية مطبات ليها العجب وبمشي في شوارع مايعلم بيها الا ربنا بس ناس كتيرة خوفوني منها.
والتانية سبيرانزا A113 برده حلوة وكمالياتها هايلة وسعرها مناسب ليا موت بالنسبة لإمكانياتها
لكن برده رجعت خوفت من موضوع الصيني وأراء الناس قلقتني وبعدي عن الصيني وغنيله وكده
خصوصا ان العربية الجديدة دي هاتعتبر بالنسبة ليا عربية العمر لاني هاجيبها تقسيط ومش هافكر ابيعها خالص الا لما اكون خلصت اقساطها وبقي معايا فلوس اكتر (مع اني معتقدش اني هاقدر احوش وانا بدفع قسط )
عموما خلينا نستني بس نشوف الأسعار هاترسي علي ايه ولو الأفيو رخصت هاتكون افضلهم بالنسبة ليا أو يكونوا نزلوا حاجة احسن بقي اما نشوف

الف مبروك على البيع

لو حضرتك عاوزه تشترى زيرو يفضل انك تستنى شويه
عشان الاسعار لازم تنزل مش الف ولا 2 ولا 3
اعتقد ان هايكون اكتر خدى وقتك وانضمى معانا فى (حمله خلوها تصدى)
http://www.nilemotors.net/Nile/showthread.php?t=51715

واعوا لى لانى معايا 128 موديل 88 وعرضها للبيع ولسه عريسها
لم ياتى بعد

المشاركة الأصلية كتبت بواسطة Micro513

الف مبروك على البيع

لو حضرتك عاوزه تشترى زيرو يفضل انك تستنى شويه
عشان الاسعار لازم تنزل مش الف ولا 2 ولا 3
اعتقد ان هايكون اكتر خدى وقتك وانضمى معانا فى (حمله خلوها تصدى)
http://www.nilemotors.net/Nile/showthread.php?t=51715

واعوا لى لانى معايا 128 موديل 88 وعرضها للبيع ولسه عريسها
لم ياتى بعد

الله يبارك في حضرتك وعقبالك يارب تجوّز عربيتك قريب قصدي تبيع عربيتك قريب وتكون بيعة حلوة ان شاء الله وتخسرش فيها كتر زيي .
بالنسبة لقرار الشراء انا فعلا مأجلة شوية لحد ما حاجة من الاتنين تحصل يإما اسعار العربيات تلم نفسها شوية وتنزل عشان نقدر نركب موديل كويس يإما ازهق من بهدلة الموصلات ومستحملش اقعد من غير عربية فترة كبيرة .. ايهما اقرب بقي .
عموما انا معاكوا في الحملة ان شاء الله وهاحاول اجي على نفسي واستحمل المواصلات شوية لحد ماربنا يكرمنا والاسعار تنزل بجد احنا مش هانموت ن غير عربيات يعني

المشاركة الأصلية كتبت بواسطة superiorboy

الف مبروك على البيع و ربنا يرزقك واحد جديدة
بس لمعلوماتك مرور مدينة نصر مش بالحلاوة دي كلها
انا لسة كنت يوم الحد اللي فات كنت برخص العربية ابسط حاجة والله ان كل حاجة فيه لازم تمشي بالرششششش للأسف انا المفروض ان العربية كانت هتترخص ب 764 الحمد لله خلصت على 1151 جنيه
لاكن بخلاف الارف ده هو منظم و في الانجاز بيخلصوا الاجرائات
بس الاحلى من ده و ده هو مرور القوات المسلحة

و ان شاء الله ربنا يكرمك بواحدة جديدة زي الفل كدة Bmw ولا اسبيرانزا:p
الف مبروك تاني

مش عارفة بس انا طلعت شهادة المخالفات في ربع ساعة ومن غير ولا مليم زيادة ومن غير مساعدة اي حد خالص يدوب وقفت علي الشباك سملته الورق ودفعت وبعدين ندهوا عليا سلموني شهادة المخالفات والورق وكله تمام .
يمكن بقي عشان ده موضوع بسيط فعدي علي طول الله اعلم بقي في الترخيص وغيره بيعملوا ايه ممكن فعلا يكونوا زي ماحضرتك بتقول زي غيرهم برده رشاوي وقرف .

بس حلوة أوي الدعوة الاخيرة دي يعني حضرتك قلت عربيتين عكس بعض تماما :k48::k48:
وبعدين اسبيرانزا ماشي مبلوعة وممكن سعرها يخليني اجيبها بس BMW دي مش واسعة شوية دي واسعة كتييييييييييييييييير :k48::k48:

المشاركة الأصلية كتبت بواسطة mo7a_mo7a

مبروك عليكي بيع العربية
ومبروكين علي اللي اشتراها

ومستنيين منك خطوات رحلة شرائك للسيارة بالتفاصيل وخطوه خطوه في موضوع منفصل ومستمر ابتداء من بكرة من اول التفكير والعروض واللف والتدوير والنصائح لحد ماترخصيها بردو
بنفس اسلوبك الشيق ده

الله يبارك فيك يافندم
ان شاء الله فعلا هابتدي اعمل موضوع منفصل لاختيارات العربية الجديدة ان شاء الله واخد رأيكم طبعا هو انا اقدر اشتري من غير ماخد رأي الناس الهايلة بتوع نايل موتورز برده؟ متجيش ابداً ابداً دانا من غيرك اغرق في شبر ميه ومعرفش اشتري حاجة .
وحاضر من عينيا ان شاء الله لو نزلت معارض هاحكيلكم بالتفصيل اي تجربة هامُرّ بيها عشان نفيد ونستفيد برده .
بس يارب متزهقوش مني لاني مترددة اوي ومحتارة اوي وبفكر الف مرة قبل ماعمل اي حاجة