أول يوم من غيرها... خلاص بعت عربيتي :(

**ibrahimsaad** · 06-01-2009 07:00 AM

الف مبروك انك بعت العربيه وان شاء الله عقبال لما تجيبى الزيرو وتكون احسن

وبصراحه انا اتعقدت لما سمعت التعقيدات دى كلها وخايف من دلوقت لما يج اليوم ده لما ابيع انا كمان ربنا يستر

دى اكثر حاجه بتعقدنى وتكرهنى فى العربيات

**R A N A** · 06-01-2009 09:43 AM

المشاركة الأصلية كتبت بواسطة ibrahimsaad

الف مبروك انك بعت العربيه وان شاء الله عقبال لما تجيبى الزيرو وتكون احسن

وبصراحه انا اتعقدت لما سمعت التعقيدات دى كلها وخايف من دلوقت لما يج اليوم ده لما ابيع انا كمان ربنا يستر

دى اكثر حاجه بتعقدنى وتكرهنى فى العربيات

الله يبارك في حضرتك

.
هي في حالتي كانت معقدة اوي لإن العربية اصلا كانت مرور مدينة نصر ونقلوا الملف لمرور السلام عشان تبقي تبع رخصة صاحبها اللي كان قبلي وده اللي خلى مخالفاتها تبقي في مرور مدينة نصر رغم انها اترخصت تبع السلام خلاص + كمان موضوع الرخصة الكارتون والتصريح المؤقت ده سبب دربكة تانية عشان كده طلعتها كمبيوتر + وضيف كمان نقطة ان مرور السلام ده مقرف بطبيعته

وكينونته الخاصة يعني غير اي مرور تاني

.

لكن لو عربية حضرتك مفيهاش غير مرور واحد ورخصتك كمبيوتر اصلا ومرورك معاملتهم معقولة يبقي تمام كل اللي هاتحتاجه انك تروح تطلع شهادة المخالفات (ودي المشتري هو اللي بيطلبها مش جهة رسمية يعني) وتروح تسجله في الشهر العقاري وانت واقف على حسب الزحمة يعني بس مش بياخد كتير يعني

.
اللي عايزة اقوله ان اجراءاتي دي مش مقياس عشان متتعقدوش يعني انا عربيتي كانت حالة نادرة في كل حاجة الحقيقة

في حالتها وحتى في اجراءات تخليصها

**Rsarabia** · 06-01-2009 07:15 PM

الف مبروك على البيع و ان شاء الله تشترى جديد حاجة حلوة

تصدقى لو قلتلك انى فى نص الموضوع هبطت من كتر القراية هههههههههههه

**MoDyBeNz2008** · 06-01-2009 07:34 PM

ألف مبروك البيع يا بيردي و يارب يرزقك احسن منها مليون مرة عقبال الفيراري ان شاء الله

**gebreel** · 06-01-2009 08:11 PM

المشاركة الأصلية كتبت بواسطة birdybirdy

مش عارفة بس انا طلعت شهادة المخالفات في ربع ساعة ومن غير ولا مليم زيادة ومن غير مساعدة اي حد خالص يدوب وقفت علي الشباك سملته الورق ودفعت وبعدين ندهوا عليا سلموني شهادة المخالفات والورق وكله تمام

.
يمكن بقي عشان ده موضوع بسيط فعدي علي طول

الله اعلم بقي في الترخيص وغيره بيعملوا ايه ممكن فعلا يكونوا زي ماحضرتك بتقول زي غيرهم برده رشاوي وقرف

.

بس حلوة أوي الدعوة الاخيرة دي يعني

حضرتك قلت عربيتين عكس بعض تماما :k48::k48:
وبعدين اسبيرانزا ماشي مبلوعة وممكن سعرها يخليني اجيبها بس BMW دي مش واسعة شوية دي واسعة كتييييييييييييييييير :k48::k48:

هو كدة بالظبط علشان الموضوع بسيط فمش مستاهل اما بالنسبة للدعوة فميش اي حاجة بعيدة على ربنا
ربنا يكرمك باللي احسن من الBMW كمان بس نصيحة بلاش الاسبيرانزا A113 انا سوقتها هي فيها كل الاوبشنز اللي اي حد محتاجهة لكن حسيت ان الدواسة بتاعت البنزبن تقيلة يمكن اخف من ال28 بشوية لاكن بردو تقيلة + انها كعربية خفيفة جدا و مفيهاش stability خالص و ممكن يكون ده رأي شخصي لأني مختهاش في مشوار كبير هو يدوبك من عند مسجد رابعة العدوية عند المرور كدة لحد زهراء مدينة نصر اما ال1600 سي سي مش عارف ايه نظامها علشان لسوقتها ولا ركبتها
و ربنا يكرمك بعربية كويسة كدة ان شاء الله ....